यहून्‍ना 9:22 - बुक्सा

²² बाके अईया-अब्बा नै ऐंसो इसताँई कैई कैसेकै बे यहूदिऔं सै डरै हे। यहूदी पैलेई सै एक संग हो चुके हे कै अगर कोई बाकै मसी मानैगो तौ पिराथना घर सै लिकार दओ जागो।

यहून्‍ना 9:22 Mawu Ofanana

लूका 6:22

“धन्‍न हौ तुम, जब आदमी के लौंड़ा के बजै सै लोग तुमसै बैर करंगे, और तुमकै लिकार दंगे, और तुमरी बुराई करंगे, और तुमरो नाम बुरो समजकै काट दंगे।

यहून्‍ना 1:19

यहून्‍ना की गभाई जौ ही, कै जब यहूदिऔं नै बाके धौंरे ऐरूसलेम सै पुजारिऔं और लेबिऔं कै जौ पूँछनै के ताँई भेजो, “तू कौन है?”

यहून्‍ना 16:2

बे तुमकै पिराथना घर सै बाहार कर दंगे, पर बौ टैम आ रओ है कै जो कोई तुमकै मार डारैगो, बौ जौ समजैगो कै परमेसर की सेवा कर रओ हौं।

यहून्‍ना 19:38

इसके बाद अरमतिआ के यूसप नै, जो यहूदिऔं के डर सै गुप्‍त रूप सै ईसु को चेला हो, बानै पीलातुस सै ईसु की लाहस कै लेजानै की बिनती करी और पीलातुस नै आगियाँ दे दई। तब बौ आकै ईसु की लाहस कै ले गओ।

यहून्‍ना 20:19

बाई दिन, जो इतवार को दिन हो, साँज के टैम जिस घर मै चेला इखट्‍टे हे बहाँ के मौहड़े यहूदिऔं के डर के मारे बन्‍द करे भए हे, ईसु आकै उनके बीच मै खड़ो हो गओ और उनसै कैई, “तुमकै सान्‍ति मिलै।”

यहून्‍ना 7:13

कोई बी बाके बारे मै खुल कै बात ना कर पा रओ हो, कैसेकै बे आदमी यहूदी नेताऔं सै डरै हे।

यहून्‍ना 9:18

इसताँई यहूदिऔं नै बाकी बात को बिसवास ना करो कै बौ अन्धो हो और देखल लगो, जब तक कै उनौनै बा आँख ठीक होनै बारे आदमी के अईया-अब्बा कै बुलाकै।

यहून्‍ना 9:21

पर अब बौ कैसे देखल लगो, हम ना जानै हैं, कै किसनै बाकी आँखौ कै ठीक करो, हमकै पतो ना है। बाई सै पूँछ लो बौ सिआनो है, और बौ अपने बारे मै खुद बता सकै है।”

यहून्‍ना 9:34

उनौनै जबाब देते भए बासै कैई, “तू तौ सुरू सैई पापी हो ठीक तब सै जब सै तू पैदा भओ हो। और का तू हमकै सिकानै आओ है?” और उनौनै बौ लिकारकै बाहार कर दओ।

यहून्‍ना 9:35

ईसु नै सुनी कै उनौनै बाकै लिकारकै बाहार कर दओ है, तौ बासै मिलकै ईसु नै कैई, “का तू आदमी के लौंड़ा मै बिसवास करै है?”

चेलौ के काम 4:18

तबई उनौनै उनकै बुलाओ और धमकाकै जौ कैई कै, “ईसु के नाम सै ना तौ किसी कै कुछ सिकाऔ और ना बताऔ।”

चेलौ के काम 5:13

लोग उनकी बड़ाई तौ जरूर करै हे पर उनके संग सामिल होनै की हिम्मत कोई ना करै हो।

चेलौ के काम 5:40

तब उन लोगौ नै बाकी बात मान लई और भेजे भए चेलौ कै भीतर बुलबाकै मार लगबाई और जौ हुकम देकै छोड़ दओ कै ईसु के नाम सै कोई बी बात ना बतकईओ।

परकासन 21:8

मगर डरपौकौ, अबिसवासिऔं, बुरे लोगौ, खूनी, बैबिचारिऔ, जादू कन्‍नै बारे और मूरती पूजा कन्‍नै बारे और सबई झूँट बोलनै बारौं को हिस्सा उस झील मै मिलैगो, जिसमै आग और गन्धक पजरती रैहबै है। जौ दूसरी मौत है।”