यहून्‍ना 8:55 - बुक्सा

⁵⁵ तुम तौ बाकै ना जानौ हौ, पर मैं बाकै जानौ हौं। अगर मैं कैंऔ कै मैं बाकै ना जानौ हौं, तौ मैं तुमरे जैसो झूँटो कैलांगो, पर मैं बाकै जानौ हौं और बाके बचनौ मै चलौ हौं।

यहून्‍ना 8:55 Mawu Ofanana

मत्‍ती 11:27

“मेरे अब्बा नै मैंकै सब कुछ सौंपो है, अब्बा कै छोड़कै कोई बी लौंड़ा कै ना जानै है, इसई हाँई अब्बा कै कोई बी ना जानै है, सिरप लौंड़ा जानै है और बौई, जिसके ऊपर लौंड़ा उसकै परकट कन्‍नो चाँहै है।

लूका 10:22

“मेरे अब्बा नै मैंकै सब कुछ सौंप दओ है। अब्बा कै छोड़कै जौ कोई बी ना जानै है कै लौंड़ा कौन है और लौंड़ा कै छोड़कै जौ कोई बी ना जानै है कै अब्बा कौन है। सिरप बौई जानै है, जिसके ऊपर लौंड़ा नै, अब्बा कै जान्‍नै की किरपा करी है।”

यहून्‍ना 1:18

परमेसर कै किसी नै कबी ना देखो, परमेसर को इकलौतो लौंड़ा जो खुद परमेसर है और अब्बा के संग है, बाई नै बौ परकट करो है।

यहून्‍ना 10:15

बैसेई जैसे अब्बा मैंकै जानै है और मैं अब्बा कै जानौ हौं, और मैं भेड़ौ के ताँई अपनी जान देवौ हौं।

यहून्‍ना 15:10

अगर तुम मेरी आगियाँऔ कै मानौगे तौ तुम मेरे पियार मै बने रौहगे, बैसेई जैसो मैं अपने अब्बा की आगियाँऔ कै मानौ हौं और बाके पियार मै बनो रैहबौं हौं।

यहून्‍ना 15:21

पर जे सब बात बे मेरे नाम के बजै सै तुमरे संग करंगे, कैसेकै बे बाकै ना जानै हैं जिसनै मैं भेजो हौं।

यहून्‍ना 16:3

और बे ऐंसो इसताँई करंगे कैसेकै उनौनै ना तौ अब्बा जानो और ना मैं।

यहून्‍ना 17:25

हे धरमी अब्बा, दुनिया नै तू ना जानो, फिर बी मैंनै तू जानो, और इन चेलौ नै बी जानो है कै तैनैई मैं भेजो हौं,

यहून्‍ना 6:46

जौ ना समजौ, कै किसी नै अब्बा कै देखो है, पर जो परमेसर के धौंरे सै आवै है, बाई नै अब्बा कै देखो है।

यहून्‍ना 8:19

तब बे बासै कैललगे, “तेरो अब्बा कहाँ है?” ईसु नै जबाब देओ, “तुम ना तौ मैंकै जानौ हौ और ना मेरे अब्बा कै, अगर तुम मैंकै जानते तौ मेरे अब्बा कै बी जानते।”

यहून्‍ना 8:29

और बौ जिसनै मैं भेजो हौं, मेरे संग है। बानै मैं कबी इकलो ना छोड़ो कैसेकै मैं हमेसा बौई करौ हौं जो बाकै अच्‍छो लगै है।”

यहून्‍ना 8:44

तुम अपने अब्बा सैतान की औलाद हौ। और तुम अपने अब्बा की इच्‍छा मै चलनो चाँहौ हौ। बौ सुरू सैई हत्‍तियारो हो। और बौ सच्‍चाई मै कबी कायम ना रैहबै है। कैसेकै बामै सच्‍चाई हैई ना। जब बौ झूँट बोलै है तौ अपने सौभाब सै बोलै है, कैसेकै बौ झूँटो है और झूँट को अब्बा है।

यहून्‍ना 8:51

मैं तुमसै सच-सच कैबौ हौं कै अगर जो कोई मेरी सिक्‍छा कै मानै है तौ बौ कबी बी मौत कै ना देखैगो।”

यहून्‍ना 8:52

यहूदिऔं नै ईसु सै कैई, “अब हम जान गए हैं कै तैमै दुसट आत्‍मा है। इब्राहिम मर गओ और नबी बी, और तू कैबै है कै अगर कोई मेरी सिक्‍छा कै मानैगो बौ कबी मौत को सबाद ना चखैगो।

चेलौ के काम 17:23

“जब मैं घूम रओ हो तबई मैंनै इन चीजौ कै तुमकै पूजते भए देखो तबई एक जघै ऐंसी बेदी देखी जिसमै जौ लिखो हो, ‘अनजाने देबता के ताँई’ इसताँई जिसकै तुम बगैर जाने पूजौ हौ, मैं तुमकै बाके बारे मै बताबौ हौं।

2 कुरन्‍थियों 4:6

कैसेकै परमेसरई है जिसनै ऐंसो कैओ है कै, “इन्धेरे मै उज्‍जेरो हो जाय।” और बौई उज्‍जेरो हमरे दिलौ मै बी चमको जिस्सै कै हम परमेसर की बा महिमा के गियान की जोती कै जान जाऐ जो परभु ईसु मसी के मौह मै चमकै है।

1 यहून्‍ना 1:6

अगर हम कैंऐ कै, हम बाके संगी साती हैं, पर इन्‍धेरे की रस्ता मै चलै हैं, तौ हम झूँटे हैं, और सच्‍चाई मै ना चलै हैं।

1 यहून्‍ना 2:22

पर जो कोई ईसु कै मसी ना मानै है, बौ झूँटो है। ऐंसो आदमी मसी बिरोदी है, बौ तौ पिता परमेसर और लौंड़ा ईसु मसी कै ना मानै है।

1 यहून्‍ना 2:4

जो कोई आदमी कैबै है कै, “मैं परमेसर कै जानौ हौं,” पर बाकी आगियाँऔ कै ना मानै है, तौ बौ झूँटो है, और बामै सच्‍चाई ना है।

1 यहून्‍ना 5:10

जो परमेसर के लौंड़ा के ऊपर बिसवास करै है, बौ अपने भीतर बा गभाई कै रक्‍खै है। अगर कोई परमेसर मै बिसवास ना करै है, तौ बौ परमेसर कै झूँटो ठैराबै है। कैसेकै बानै बा गभाई को बिसवास ना करो, जो परमेसर नै अपने लौंड़ा के बारे मै दई ही।

परकासन 3:9

देख, जो सैतान की सभा के हैं जो अपने आपकै यहूदी कैबै हैं, पर हैं ना बलकन झूँट बोलैं हैं, देख मैं उन लोगौ कै आनै के ताँई मजबूर करंगो और उनकै तेरे पाँऐऔं मै गिरांगो और बे लोग जान लंगे कै मैंनै तेसै पियार करो है।