यहून्‍ना 8:54 - बुक्सा

⁵⁴ ईसु नै जबाब दओ, “अगर मैं अपनी इज्‍जत करौं तौ बौ इज्‍जत मेरी कुछ बी ना है। जो मैंकै इज्‍जत देवै है बौ मेरो अब्बा है जिसके बारे मै तुम कैबौ हौ कै ‘बौ हमरो परमेसर है।’

यहून्‍ना 8:54 Mawu Ofanana

यहून्‍ना 17:1

ईसु नै जे बात कैह कै अपनी आँख सुरग की ओर उठाते भए कैई, “हे अब्बा, टैम आ गओ है। अपने लौंड़ा की महिमा कर, जिस्सै लौंड़ा तेरी महिमा करै।

यहून्‍ना 17:5

हे अब्बा, अब तू अपने संग मेरी महिमा उस महिमा सै कर जो दुनिया के होनै सै पैले, तेरे संग मेरी ही।

यहून्‍ना 2:11

ईसु नै गलील के काना सैहर मै अपनो पैलो चमत्कार को चिन्‍न दिखाकै अपनी महिमा परकट करी और उसके चेलौ नै उसमै बिसवास करो।

यहून्‍ना 5:41

“मैं आदमिऔ सै आदर ना चाँहौ हौं।

यहून्‍ना 7:18

जो अपनी ओर सै बोलै है बौ अपनी बड़ाई चाँहबै है, पर जो अपने भेजनै बारे की बड़ाई चाँहबै है बौई सच्‍चो है, और बामै कोई खोट ना है।

यहून्‍ना 7:39

उसनै जौ बचन बा आत्‍मा के बारे मै कैई, जिसकै बाके ऊपर बिसवास कन्‍नै बारे पानै मै हे। आत्‍मा अबी तक ना उतरो हो, कैसेकै ईसु अब तक महिमा मै ना पौंचो हो।

यहून्‍ना 8:41

पर तुम अपने अब्बा के हाँई कामौ कै करौ हौ।” फिर उनौनै बासै कैई, “हम नाजायज रिस्ता सै ना जलमे हैं। हमरो एकई अब्बा है यानी परमेसर।”

यहून्‍ना 8:50

मैं अपनी इज्‍जत ना चाँहौ हौं, पर एक ऐंसो है जो मेरी इज्‍जत चाँहै है और बौ नियाय बी करै है।

चेलौ के काम 3:13

इब्राहिम, इसहाक, याकूब के परमेसर और हमरे बापदादौं के परमेसर नै अपने सेवक ईसु की महिमा करी। पर तुमनै बाकै पकड़बाओ, और जब पीलातुस नै बाकै छोड़ दैनै की सोची, तौ तुमनै बाके सामने बाको इनकार करो।

2 कुरन्‍थियों 10:18

कैसेकै जो कोई खुद कै अच्‍छो समजै है। बौ अच्‍छो ना है पर जिसकै परभु अच्‍छो मानै है बौई अच्‍छो है।

1 पतरस 1:12

सुरग सै भेजो गओ पबित्‍तर आत्‍मा के दुआरा अच्‍छी खबर सुनानै बारौ नै अब तुमकै जौ अच्‍छी खबर सुनाई कै जब भबिसबानी कन्‍नै बारौ नै जा अच्‍छी खबर के बारे मै परचार करो तौ परमेसर नै उनके ऊपर जौ बात परकट करी कै बे खुद की सेवा के ताँई ना पर तुमरी सेवा के ताँई कर रए हैं। और इन बातौं कै जान्‍नै के ताँई सुरगदूत तरसै हैं।

1 पतरस 1:21

मसी की बजै सै तुम परमेसर के ऊपर बिसवास करौ हौ; जिसनै बा मरे भए कै जिन्‍दो करो, और महिमा दई कैसेकै तुमरो बिसवास और आस परमेसर के ऊपर है।

2 पतरस 1:17

जब बानै परम पिता परमेसर सै इज्‍जत और बड़ाई पाई तबई बाके ताँई बड़ी महिमा सै एक ऐंसी अबाज आई कै, “जौ मेरो पियारो लौंड़ा है जिस्सै मैं भौत खुस हौं।”