यहून्‍ना 8:52 - बुक्सा

⁵² यहूदिऔं नै ईसु सै कैई, “अब हम जान गए हैं कै तैमै दुसट आत्‍मा है। इब्राहिम मर गओ और नबी बी, और तू कैबै है कै अगर कोई मेरी सिक्‍छा कै मानैगो बौ कबी मौत को सबाद ना चखैगो।

यहून्‍ना 8:52 Mawu Ofanana

मत्‍ती 11:18

कैसेकै यहून्‍ना औरौं की हाँई ना खातो आओ ना पीतो, और बे कैबै हैं कै बामै दुसट आत्‍मा है।

यहून्‍ना 1:19

यहून्‍ना की गभाई जौ ही, कै जब यहूदिऔं नै बाके धौंरे ऐरूसलेम सै पुजारिऔं और लेबिऔं कै जौ पूँछनै के ताँई भेजो, “तू कौन है?”

यहून्‍ना 14:23

ईसु नै जबाब देते भए बासै कैई, “अगर कोई मैंसै पियार करै है तौ बौ मेरे बचनौ कै मानैगो, बासै मेरो अब्बा पियार करैगो और हम बाके धौंरे आंगे और बाके संग रैहंगे।

यहून्‍ना 15:20

“बौ बचन जो मैंनै तुमसै कैओ है, याद रक्‍खौ ‘नौकर अपने मालिक सै बड़ो ना है।’ अगर उनौनै मैं सताओ तौ बे तुमकै बी सतांगे। अगर उनौनै मेरी बात मानी तौ बे तुमरी बात बी मानंगे।

यहून्‍ना 17:6

“मैंनै तेरो नाम उन आदमिऔ मै परकट करो है जो तैनै दुनिया मै सै मैंकै दए। बे तेरे हैं, और तैनै बे मैंकै दए और उनौनै तेरे बचन मान लए हैं।

यहून्‍ना 7:20

आदमिऔ नै जबाब दओ, “तैमै दुसट आत्‍मा है, कौन तेकै मार डान्‍नो चाँहबै है?”

यहून्‍ना 8:22

तबई यहूदी नेता आपस मै कैललगे, “कहीं जौ आत्‍महत्‍तिया तौ कन्‍नै बारो ना है? कैसेकै बानै कैई है, तुम बहाँ ना आ सकौ हौ जहाँ मैं जा रओ हौं।”

यहून्‍ना 8:48

यहूदिऔं नै जबाब देते भए ईसु सै कैई, “का हम ठीक ना कैबै हैं कै तू सामरी है और तैमै दुसट आत्‍मा है?”

यहून्‍ना 8:51

मैं तुमसै सच-सच कैबौ हौं कै अगर जो कोई मेरी सिक्‍छा कै मानै है तौ बौ कबी बी मौत कै ना देखैगो।”

यहून्‍ना 8:55

तुम तौ बाकै ना जानौ हौ, पर मैं बाकै जानौ हौं। अगर मैं कैंऔ कै मैं बाकै ना जानौ हौं, तौ मैं तुमरे जैसो झूँटो कैलांगो, पर मैं बाकै जानौ हौं और बाके बचनौ मै चलौ हौं।

यहून्‍ना 9:24

यहूदी नेताऔं नै बा आदमी कै जो अन्धो हो दूसरी दफै बुलाओ और बासै कैई, “परमेसर की इज्‍जत कर। हम जानै हैं कै बौ आदमी पापी है।”

इबरानिओ 11:13

जिन चीजौ को बादो करो गओ हो, बौ इन सबई लोगौ कै ना मिलो। पर उनौनै उनकै दूर सैई देखो और उनको सुआगत करो और जौ मान लओ कै हम जा धरती मै परदेसी और अनजाने हैं, जे सिगरे लोग बिसवास करते भए मर गए।

इबरानिओ 2:9

पर हम बा ईसु कै देखै हैं जिसकै कुछ घड़ी के ताँई सुरगदूतौं सै नीचे कर दओ हो, जिस्सै कै बौ परमेसर की दया सै सबई जनी के ताँई मौत कै महसूस करै। बाके मरनै को दुख झेलनै की बजै सै बड़ाई और इज्‍जत को मुकट पैहरे भए देखै हैं।