यहून्‍ना 8:44 - बुक्सा

⁴⁴ तुम अपने अब्बा सैतान की औलाद हौ। और तुम अपने अब्बा की इच्‍छा मै चलनो चाँहौ हौ। बौ सुरू सैई हत्‍तियारो हो। और बौ सच्‍चाई मै कबी कायम ना रैहबै है। कैसेकै बामै सच्‍चाई हैई ना। जब बौ झूँट बोलै है तौ अपने सौभाब सै बोलै है, कैसेकै बौ झूँटो है और झूँट को अब्बा है।

यहून्‍ना 8:44 Mawu Ofanana

मत्‍ती 12:34

हे साँप की औलादौं तुम बुरे होकै कैसे अच्‍छी बात कैह सकौ हौ? कैसेकै जो मन मै भरो है, बौई मौह सै बाहार आवै है।

मत्‍ती 13:15

कैसेकै इन लोगौ की बुद्‍धि मारी गई है, इनौनै अपने कान बन्‍द करर खाए हैं, और अपनी आँख मूँद लंई हैं, ना तौ अगर बे आँखौ सै देखते, और कानौ सै सुनते, बुद्‍धि सै समजते और मेरी ओर लौहट आते तौ मैं इनकै भलो चंगो कर देतो।’

मत्‍ती 13:38

खेत दुनिया है, अच्‍छो बीज परमेसर के राज की औलाद, और जंगली बीज दुसट की औलाद है।

यहून्‍ना 6:70

ईसु नै उनकै जबाब देओ, “का मैंनै तुम बारौंह कै ना चुनो है? तब बी तुम्मै सै एक सैतान है।”

यहून्‍ना 7:17

अगर आदमी बौ कन्‍नो चाँहै, जो परमेसर की इच्‍छा है तौ बौ जौ जान जागो कै जो उपदेस मैं देवौ हौं बौ परमेसर को है, या मैं अपनी ओर सै देरओ हौं।

यहून्‍ना 8:38

मैं बौई बात कैबौ हौं, जो मैंकै मेरे अब्बा नै दिखाईं हैं, और तुम बौई करते रैहबौ हौ जो तुमनै अपने अब्बा सै सुनो है।”

यहून्‍ना 8:41

पर तुम अपने अब्बा के हाँई कामौ कै करौ हौ।” फिर उनौनै बासै कैई, “हम नाजायज रिस्ता सै ना जलमे हैं। हमरो एकई अब्बा है यानी परमेसर।”

यहून्‍ना 8:55

तुम तौ बाकै ना जानौ हौ, पर मैं बाकै जानौ हौं। अगर मैं कैंऔ कै मैं बाकै ना जानौ हौं, तौ मैं तुमरे जैसो झूँटो कैलांगो, पर मैं बाकै जानौ हौं और बाके बचनौ मै चलौ हौं।

चेलौ के काम 13:10

“ओ धोको, कपट कन्‍नै बारे सैतान की औलाद, तू सिगरे अच्‍छे काम को दुसमन है। का तू परभु के सच्‍चाई के कामौ कै बिगाड़नो ना छौड़ैगो?

चेलौ के काम 24:9

और यहूदी लोगौ नै बी बाको सात दओ और कैई कै, “जौ बात सच्‍ची है।”

चेलौ के काम 5:3

जा बात के ऊपर पतरस नै बासै कैई, “हे हननियाह, सैतान नै तेरे मन मै जौ बात काए डारी कै तू पबित्‍तर आत्‍मा सै झूँट बोलै, और खेत के पैसा मै सै कुछ बचाकै रख लै?

2 कुरन्‍थियों 11:3

पर मैं इसताँई डरौ हौं कै जैसे साँप नै हब्बा कै चालाँकी सै बैहकाओ हो, बैसेई कहीं तुमरे सच्‍चे मन और जो पियार तुम मसी सै करौ हौ बासै तुमकै भटका ना दै।

1 पतरस 5:8

होसिआर रौह और जगते रौह, कैसेकै तुमरो दुसमन सैतान एक दहाड़ते भए सेर के हाँई इतै-उतै घूमतो भओ जा मौके मै रैहबै है कै किसकै फाड़ खांऔ।

2 पतरस 2:4

कैसेकै परमेसर नै उन सुरगदूतौं कै बी ना छोड़ो जिनौनै पाप करो हो, बलकन उनकै साँकर सै बांधकै नरक के इन्धेरे कुन्ड मै फैंक दओ ताकि नियाय के दिन तक कैद मै रैंह।

1 यहून्‍ना 1:8

अगर हम कैबै हैं कै, हमनै कोई पाप ना करो है, तौ हम अपने आपकै धोको देवै हैं और हम्मै कोई सच्‍चाई ना है।

1 यहून्‍ना 2:21

मैं तुम लोगौ कै इसताँई ना लिखौ हौं कै तुम सच्‍चाई ना जानौ हौ बलकन इसताँई कै तुम सच्‍चाई जानौ हौ कैसेकै कोई बी झूँट सच्‍चाई की ओर सै ना आवै है।

1 यहून्‍ना 2:4

जो कोई आदमी कैबै है कै, “मैं परमेसर कै जानौ हौं,” पर बाकी आगियाँऔ कै ना मानै है, तौ बौ झूँटो है, और बामै सच्‍चाई ना है।

1 यहून्‍ना 3:12

हमकै कैन के हाँई ना बन्‍नो चँईऐ, जो दुसट की ओर सै हो और जिसनै अपने भईया कै जान सै मारो हो। बानै अपने भईया कै जान सै काए मारो? कैसेकै कैन के काम बुरे हे और बाके भईया के काम अच्‍छे हे।

1 यहून्‍ना 3:15

जो कोई अपने भईया सै नफरत करै है, बौ खूनी है और तुम जानौ हौ कै किसी बी खूनी के भीतर हमेसा की जिन्‍दगी ना रैह सकै है।

यहूदा 1:6

और जिन सुरगदूतौं नै अपनी रैहनै की जघै और पद कै छोड़ दओ हो उनकै परमेसर नै हमेसा के ताँई कुप्‍प इन्धेरे मै बांधकै नियाय के आखरी दिनौ मै सजा के ताँई रखर खाओ है।

परकासन 12:9

और उस बड़े से अजगर कै जो पुरानो साँप है, जिसकै सबसै बड़ी दुसट आत्‍मा और सैतान कैबै हैं। जो सिगरी दुनिया कै भटकावै है उसकै और उसके दूतौ कै धरती मै फैंक दओ गओ।

परकासन 13:14

और उन चमत्कार के चिन्‍नौ के कारन, जिनकै उस जनाबर के सामने दिखानै को अधकार बाकै देओ गओ हो, बौ धरती मै रैहनै बारौं कै इस तरै बैहकाबै हो, कै धरती मै रैहनै बारौं जिस जनाबर के तरवार लगी ही, बौ जिन्‍दो हो गओ है, उसकी मूरती बनाऔ।

परकासन 2:10

जो दुख तेकै झेलने पड़ंगे, उनसै मत डर, कैसेकै देखौ, सैतान तुम्मै सै, कुछ कै जेलखाने मै डान्‍नै बारो है कै तुम परखे जाऔगे और तुमकै दस दिन तक सताओ जागो। तू मौत को सामनो करते बखत बी बिसवास मै ईमानदार रैह और मैं तेकै जिन्‍दगी को मुकट दंगो।

परकासन 21:8

मगर डरपौकौ, अबिसवासिऔं, बुरे लोगौ, खूनी, बैबिचारिऔ, जादू कन्‍नै बारे और मूरती पूजा कन्‍नै बारे और सबई झूँट बोलनै बारौं को हिस्सा उस झील मै मिलैगो, जिसमै आग और गन्धक पजरती रैहबै है। जौ दूसरी मौत है।”

परकासन 22:15

पर कुत्‍ता, जादू-टोना कन्‍नै बारे, बैबिचारी लोग, खूनी लोग, मूरती पूजा कन्‍नै बारे, और हर एक झूँट बोलनै बारे और झूँट सै पियार कन्‍नै बारे, बाहारई रैहंगे।

परकासन 9:11

पाताल कुन्ड को दूत उनको राजा हो, इबरानी भासा मै उसको नाम अबदोन और यूनानी भासा मै बौ अपुलयोन यानी “नास कन्‍नै बारो” कैलाबै है।