यहून्‍ना 8:42 - बुक्सा

⁴² ईसु नै उनसै कैई, “अगर परमेसर तुमरो अब्बा होतो, तौ तुम मैंसै पियार करते, कैसेकै मैं परमेसर सै लिकरकै आओ हौं और अब मैं हिंया हौं। मैं अपनी मरजी सै ना आओ, पर बाई नै मैंकै भेजो है।

यहून्‍ना 8:42 Mawu Ofanana

यहून्‍ना 1:14

और बचन आदमी बनकै हमरे बीच मै रैहओ, और बौ किरपा और सच्‍चाई सै भरो भओ हो और हमनै उसकी ऐंसी महिमा देखी जैसी अब्बा के इकलौते लौंड़ा की महिमा।

यहून्‍ना 12:49

मैंनै अपने आप कुछ ना कैई, पर अब्बा जिसनै मैं भेजो हौं बाई नै आगियाँ दई है कै मैंकै का कैनो और का बोलनो है।

यहून्‍ना 13:3

ईसु जानै हौ कै अब्बा नै सब कुछ मेरे हातौ मै दे दओ है, और मैं परमेसर के धौंरे सै आओ हौं और परमेसर के धौंरे बापस जा रओ हौं।

यहून्‍ना 14:10

का तू बिसवास ना करै है कै मैं अब्बा मै हौं और अब्बा मैंई मै है? जो बचन मैं तुमसै कैबौ हौं बौ अपनी ओर सै ना कैबौ हौं, पर अब्बा जो मैंई मै रैहबै है बौई अपने काम कराबै है।

यहून्‍ना 16:30

अब हम जानै हैं कै तू सब कुछ जानै है, और इसकी जरूरत ना है कै कोई तेसै सबाल पूँछै। जासै हम बिसवास करै हैं कै तू परमेसर सै लिकरो है।”

यहून्‍ना 17:25

हे धरमी अब्बा, दुनिया नै तू ना जानो, फिर बी मैंनै तू जानो, और इन चेलौ नै बी जानो है कै तैनैई मैं भेजो हौं,

यहून्‍ना 17:8

कैसेकै बे बचन जो तैनै मैंकै दए, मैंनै उन तक पौंचा दए। उनौनै बचनौ कै अपनाओ और सच जान लओ है कै मैं तेसै लिकरो हौं, और उनौनै बिसवास करो कै तैनैई मैं भेजो हौं।

यहून्‍ना 3:17

परमेसर नै अपनो लौंड़ा दुनिया मै इसताँई ना भेजो कै बौ दुनिया कै डन्ड की आगियाँ देए, पर इसताँई भेजो कै दुनिया उसके दुआरा मुक्‍ति पाय।

यहून्‍ना 5:23

कै जैसे सब आदमी अब्बा को आदर करैं हैं, बैसेई लौंड़ा को बी आदर करंगे। जो लौंड़ा को आदर ना करै, बौ अब्बा को जिसनै बौ भेजो है, आदर ना करै है।

यहून्‍ना 5:43

मैं अपने अब्बा के नाम सै आओ हौं, और तुम मैंकै ना अपनाबौ हौ, पर अगर दूसरो कोई अपने नाम सै आय, तौ बाकै तुम अपना लोगे।

यहून्‍ना 8:14

ईसु नै जबाब देते भए उनसै कैई, “अगर अपनी गभाई मैं खुद देवौ हौं, तौ फिर बी मेरी गभाई सच्‍ची है, कैसेकै मैं जानौ हौं कै मैं कहाँ सै आऔ हौं और कहाँ जा रओ हौं। पर तुम ना जानौ हौ कै मैं कहाँ सै आओ हौं और कहाँ जा रओ हौं।

1 कुरन्‍थियों 16:22

जो कोई परभु कै पियार ना करै है, बाकै सराप मिलैगो। हे परभु आ।

गलातिऔ 4:4

पर जब सई बखत आओ, तौ परमेसर नै अपने लौंड़ा कै भेज दओ, जो एक बईयर सै नियम के आधीन होते भए जलमो।

1 यहून्‍ना 4:14

हमनै जौ देखो है और हम इसकी गभाई बी देवै हैं, कै परम पिता नै अपने लौंड़ा कै दुनिया के मुक्‍तिदाता के रूप मै भेजो।

1 यहून्‍ना 5:20

हम जानै हैं कै परमेसर को लौंड़ा आ गओ है और बानै हमकै समज दई, ताकि हम बा सच्‍चे परमेसर कै जान लैं और बामै बने रैंह जो सच्‍चो है, कैसेकै हम बाके लौंड़ा ईसु मसी मै बने रैहबै हैं। जौई सच्‍चो परमेसर है और हमेसा की जिन्‍दगी है।

परकासन 22:1

फिर उस सुरगदूत नै मैंकै जिन्‍दगी के जल की नद्‍दी दिखाई, जो काँच के जैसे चमक रई ही, जो परमेसर और मैमना के सिंगासन सै बैह रई ही।