यहून्‍ना 8:39 - बुक्सा

³⁹ उनौनै जबाब देते भए ईसु सै कैई, “हमरो. अब्बा तौ इब्राहिम है।” ईसु नै उनसै कैई, “अगर तुम इब्राहिम की औलाद होते तौ इब्राहिम के जैसे काम करते।

यहून्‍ना 8:39 Mawu Ofanana

मत्‍ती 3:9

और अपने अपने मन मै जौ ना सोचौ, कै हमरो अब्बा इब्राहिम है, कैसेकै मैं तुमसै कैरओ हौं, कै परमेसर इन पत्‍थरौं सै बी इब्राहिम के ताँई औलाद पैदा कर सकै है।

मत्‍ती 5:45

जिस्सै तुम अपने सुरग मै रैहनै बारे अब्बा की औलाद ठैरौगे कैसेकै बौ भले और बुरे दौनौ के ऊपर अपनो सूरज उगावै है, और धरमिऔं और अधरमिऔं दौनौ के ऊपर बरखा बरसावै है।

यहून्‍ना 8:33

उनौनै ईसु कै जबाब देओ, “हम इब्राहिम के बंस के हैं और अब तक किसी के गुलाम ना भए, तौ फिर तू कैसे कैबै है, कै तुम आजाद हो जाऔगे?”

यहून्‍ना 8:37

मैं जानौ हौं कै तुम इब्राहिम के बंस सै हौ फिर बी मैंकै मार डान्‍नो चाँहौ हौ, कैसेकै मेरे बचन के ताँई तुमरे दिल मै कोई जघै ना है।

यहून्‍ना 8:43

जो मैं कैरओ हौं बाकै तुम काए ना समजौ हौ? इसकी बजै जौई है कै तुम मेरो बचन ना सुनौ हौ।

यहून्‍ना 8:56

तुमरो अब्बा इब्राहिम मेरो दिन देखनै की आस मै भौत खुस भओ, और बानै देखो बी और खुस भओ।”

रोमियो 4:12

और बौ उनको बी अब्बा है जिनको खतना भओ है, और जो हमरे अब्बा इब्राहिम के उस बिसवास के रस्ता मै चलैं हैं, जो उनकै खतना सै पैले दिखाओ हो।

रोमियो 4:16

इसताँई सई बात जौ है कै बादो बिसवास को फल है जो किरपा के हिसाब सै है। ताकि इब्राहिम के सिगरे टब्बर के ताँई पक्‍को हो, ना सिरप नियम कै माननै बारौ के ताँई पर उन सबई ताँई बी जो इब्राहिम के जैसो बिसवास रक्‍खै हैं, कैसेकै बौ हम सबको अब्बा है।

रोमियो 9:7

और इब्राहिम के बंस मै जलम लैनै सैई सबई उसकी सच्‍ची औलाद ना हो जावै हैं। कैसेकै परमेसर नै बोलो है कै, “तेरो बंस इसहाक सैई अग्गे बढ़ैगो।”

गलातिऔ 3:29

अगर तुम मसी के हौ तौ तुम इब्राहिम के खानदान के हौ, और जो बादो परमेसर नै इब्राहिम सै करो हो बामै तुम बी बारिस हौ।

गलातिऔ 3:7

अब तौ तुम जौ जानलो कै, जो लोग बिसवास करै हैं, बे इब्राहिम की औलाद हैं।