यहून्‍ना 8:12 - बुक्सा

¹² ईसु नै फिर आदमिऔ सै कैई, “दुनिया को उज्‍जेरो मैं हौं। जो मेरे पीछे हो लंगे, बे इन्धेरे मै ना चलंगे, पर जिन्‍दगी को उज्‍जेरो उनकै मिलैगो।”

यहून्‍ना 8:12 Mawu Ofanana

मत्‍ती 5:14

तुम दुनिया की रौसनी हौ। जो सैहर पहाड़ मै बसो भओ है बौ छिप ना सकै है।

लूका 2:32

कै बौ गैर यहूदिऔं कै परमेसर के रस्ता की रौसनी दैनै के ताँई उज्‍जेरो, और तेरे अपने लोग ईसराइलिऔ की सान है।”

यहून्‍ना 12:35

इसताँई ईसु नै उनसै कैई, “जोती तुमरे धौंरे और थोड़ी देर के ताँई है। जब तक जोती तुमरे संग है, तब तक चलते चलौ, ऐंसो ना होए कै इन्धेरो तुमकै आ घेरै, कैसेकै जो इन्धेरे मै चलै है बौ ना जानै है कै बौ कितै जा रओ है।

यहून्‍ना 12:36

जब तक जोती तुमरे संग है, जोती मै बिसवास करौ, जिस्सै कै तुम जोती की औलाद बन सकौ।” इन बातौं कै ईसु कैह कै बहाँ सै चलो गओ और उनसै लुको रैहओ।

यहून्‍ना 12:46

मैं दुनिया मै जोती के रूप मै आओ हौं कै जो कोई मेरे ऊपर बिसवास करै है, बौ इन्धेरे मै ना रैहगो।

यहून्‍ना 14:6

ईसु नै बासै कैई, “रस्ता, सच्‍चाई और जिन्‍दगी मैंई हौं। बिना मेरे दुआरा कोई अब्बा के धौंरे ना जा सकै है।

यहून्‍ना 3:19

और डन्ड की आगियाँ को कारन जौ है, कै जोती दुनिया मै आई है और आदमिऔ नै इन्धेरे कै जोती सै जादा अच्‍छो मानो कैसेकै उनके काम बुरे हे।

यहून्‍ना 7:17

अगर आदमी बौ कन्‍नो चाँहै, जो परमेसर की इच्‍छा है तौ बौ जौ जान जागो कै जो उपदेस मैं देवौ हौं बौ परमेसर को है, या मैं अपनी ओर सै देरओ हौं।

यहून्‍ना 9:5

जब तक मैं दुनिया मै हौं, मैं दुनिया को उज्‍जेरो हौं।”

चेलौ के काम 13:47

कैसेकै परभु नै हमकै जौ हुकम देर खाओ है कै, ‘मैंनै तुमकै गैर यहूदी लोगौ के ताँई जोती ठैराओ है, जिस्सै कै मुक्‍ति की अच्‍छी खबर धरती के कौने कौने मै फैलै।’”

चेलौ के काम 26:23

कै मसी कै दुख झेलनो पड़ैगो और बौई सबई सै पैले मरे भएऔं मैसै जिन्‍दो होकै, यहूदी लोगौ मै और गैर यहूदी लोगौ मै मुक्‍ति के ताँई परचार करैगो।”

2 पतरस 2:17

जे लोग सूके पानी के सोत और आँधी के उड़ाए भए धुन्द हैं; इनके ताँई बेसानी कुप्‍प इन्धेरो ठैराओ है।

2 पतरस 2:4

कैसेकै परमेसर नै उन सुरगदूतौं कै बी ना छोड़ो जिनौनै पाप करो हो, बलकन उनकै साँकर सै बांधकै नरक के इन्धेरे कुन्ड मै फैंक दओ ताकि नियाय के दिन तक कैद मै रैंह।

1 यहून्‍ना 1:6

अगर हम कैंऐ कै, हम बाके संगी साती हैं, पर इन्‍धेरे की रस्ता मै चलै हैं, तौ हम झूँटे हैं, और सच्‍चाई मै ना चलै हैं।

यहूदा 1:13

जे समन्‍दर की तेज ऊँची लहर के हाँई हैं, जो अपनी बेसरमी के झाग छोड़ै हैं; जे भटके भए तारे के हाँई है, जिनके ताँई हमेसा को कुप्‍प इन्धेरो ठैराओ है।

यहूदा 1:6

और जिन सुरगदूतौं नै अपनी रैहनै की जघै और पद कै छोड़ दओ हो उनकै परमेसर नै हमेसा के ताँई कुप्‍प इन्धेरे मै बांधकै नियाय के आखरी दिनौ मै सजा के ताँई रखर खाओ है।

परकासन 21:24

और जाति-जाति के लोग उसकी जोती मै चलंगे फिरंगे, और धरती के सिगरे राजा अपने अपने दौलत को सामान उसमै लांगे।