यहून्‍ना 7:39 - बुक्सा

³⁹ उसनै जौ बचन बा आत्‍मा के बारे मै कैई, जिसकै बाके ऊपर बिसवास कन्‍नै बारे पानै मै हे। आत्‍मा अबी तक ना उतरो हो, कैसेकै ईसु अब तक महिमा मै ना पौंचो हो।

यहून्‍ना 7:39 Mawu Ofanana

मत्‍ती 16:14

उनौनै कैई, “कुछ लोग कैबै हैं, यहून्‍ना जल संस्कार दैनै बारो, और कुछ एलिया, और कुछ यरमिया या नबिऔ मै सै कोई एक है।”

मत्‍ती 21:11

और जनता जबाब दे रई ही, “जौ गलील के नासरत को नबी ईसु है।”

लूका 24:49

और देखौ, जिस पबित्‍तर आत्‍मा को बादो मेरे अब्बा नै करो है, उसकै मैं तुमरे ताँई भेजंगो और जब तक तुम सुरग सै सकति कै पा ना लो, तब तक तुम इसई सैहर मै रुके रैहईओ।”

लूका 3:16

तबई यहून्‍ना नै उन सबई कै जौ कैते भए जबाब दओ “मैं तौ तुमकै पानी सै जल संस्कार, देरओ हौं, पर जो मैंसै जादा सकतिसाली है बौ आ रओ है, और मैं तौ उसके जूता के फीता खोलनै कै लायक बी ना हौं, पर बौ तुमकै पबित्‍तर आत्‍मा और आग सै संस्कार देगो।

लूका 7:16

इसके बाद बे सबई डर गए, और बे परमेसर की बड़ाई करकै कैललगे कै हमरे बीच मै एक बड़ो भबिसबानी कन्‍नै बारो उठो है, “और परमेसर के लोगौं की सायता कन्‍नै के ताँई आ गओ है”

यहून्‍ना 1:21

तब उनौनै यहून्‍ना सै पूँछी, “तौ फिर तू कौन है? का तू एलिया है?” बानै कैई, “मैं ना हौं।” “का तू बौई नबी है?” बानै जबाब देओ, “ना।”

यहून्‍ना 1:25

तब उनौनै बासै पूँछी, “अगर तू मसी ना है, ना एलिया और ना बौ नबी, तौ तू काए जल संस्कार देवै है?”

यहून्‍ना 1:33

और मैं तौ बाकै ना पैचानै हो, पर जिसनै मैंकै पानी सै जल संस्कार दैनै भेजो, बाई नै मैंसै कैई, ‘जिसमै तू आत्‍मा कै उतरते और ठैरते देखै, पबित्‍तर आत्‍मा सै जल संस्कार दैनै बारो बौई है’।

यहून्‍ना 12:16

बाके चेला पैले तौ जौ बात ना समजे, पर जब ईसु की महिमा परकट भई तौ उनकै याद आई, कै पबित्‍तर सास्तर मै जो बात बाके बारे मै लिखी भई ही और आदमिऔ नै बाके संग ऐंसोई करो हो।

यहून्‍ना 12:23

और ईसु नै जबाब देते भए उनसै कैई, “टैम आ गओ है, कै आदमी के लौंड़ा की बड़ाई हो।

यहून्‍ना 14:13

और जो कुछ तुम मेरे नाम सै माँगौगे, बौई मैं करंगो कै लौंड़ा के दुआरा अब्बा की महिमा हो।

यहून्‍ना 14:26

पर सायता कन्‍नै बारो यानी पबित्‍तर आत्‍मा जिसकै अब्बा मेरे नाम सै भेजैगो, बौ तुमकै सब बात सिकागो, और सब कुछ जो मैंनै तुमकै कैई, तुमकै याद करागो।

यहून्‍ना 16:14

बौ मेरी बड़ाई करैगो, कैसेकै बौ मेरी बातौं कै सुनकै तुमकै बतागो।

यहून्‍ना 16:7

पर मैं तुमसै सच कैबौ हौं कै मेरो जानो तुमरे ताँई अच्‍छी बात है, कैसेकै अगर मैं ना जांऔ तौ बौ सायता कन्‍नै बारो तुमरे धौंरे ना आगो, पर अगर मैं जांऔ तौ बाकै तुमरे धौंरे भेज दंगो।

यहून्‍ना 17:1

ईसु नै जे बात कैह कै अपनी आँख सुरग की ओर उठाते भए कैई, “हे अब्बा, टैम आ गओ है। अपने लौंड़ा की महिमा कर, जिस्सै लौंड़ा तेरी महिमा करै।

यहून्‍ना 17:5

हे अब्बा, अब तू अपने संग मेरी महिमा उस महिमा सै कर जो दुनिया के होनै सै पैले, तेरे संग मेरी ही।

यहून्‍ना 20:22

और जब बौ जौ कैह चुको तौ बानै उनके ऊपर फूँक मारी और उनसै कैई, “पबित्‍तर आत्‍मा लो।

यहून्‍ना 6:14

ईसु को जौ चमत्कार देखकै आदमिऔ नै कैई, “जौ जरूरई बौई नबी है, जो दुनिया मै आनै बारो हो।”

यहून्‍ना 7:12

आदमिऔ मै ईसु के बारे मै चोरी-छिपे तरै-तरै की बात चल रई हीं। कुछ आदमी कैबै हे, “बौ भलो आदमी है।” कुछ कैबै हैं, “ना, बौ आदमिऔ कै बैहकाबै है।”

यहून्‍ना 8:54

ईसु नै जबाब दओ, “अगर मैं अपनी इज्‍जत करौं तौ बौ इज्‍जत मेरी कुछ बी ना है। जो मैंकै इज्‍जत देवै है बौ मेरो अब्बा है जिसके बारे मै तुम कैबौ हौ कै ‘बौ हमरो परमेसर है।’

चेलौ के काम 19:2

पौलुस नै उनसै कैई कै, “का तुमनै बिसवास करते बखत पबित्‍तर आत्‍मा पाई?” उन्‍नै बाकै जबाब दओ कै, “हमनै पबित्‍तर आत्‍मा के बारे मै सुनोई ना है।”

चेलौ के काम 2:17

“‘परमेसर कैबै है कै, आखरी बखत मै ऐंसो होगो कै, मैं सबई लोगौ मै अपनी पबित्‍तर आत्‍मा उतारंगो और तुमरे लौंड़ा और लौंड़िया परमेसर की ओर सै बोलंगे, और तुमरी नई पीड़ी दरसन पांगी और तुमरे बुजरग सपनो देखंगे।

चेलौ के काम 2:33

ईसु नै परमेसर के खाने हात की ओर सबई सै ऊँची जघै पाई, और बाकै बौ पबित्‍तर आत्‍मा दई जिसको बादो परम पिता परमेसर नै करर खाओ हो। फिर बानै जा आत्‍मा कै हमरे ऊपर उतारो जिसकै अब तुम देखौ और सुनौ हौ।

चेलौ के काम 2:38

तबई पतरस नै उनसै कैई, “गलत काम सै मन फिराऔ और अपने पापौं की माफी के ताँई ईसु मसी के नाम मै जल संस्कार लो, तौ तुम पबित्‍तर आत्‍मा को दान पा सकौगे।

चेलौ के काम 2:4

और बे सबई पबित्‍तर आत्‍मा सै भर गए और जिस तरै पबित्‍तर आत्‍मा नै उनकै सकति दई बैसेई बे ऐंसी ऐंसी भासाऔ मै बोलल लगे, जिनकै बे जानै तक ना हे।

चेलौ के काम 3:13

इब्राहिम, इसहाक, याकूब के परमेसर और हमरे बापदादौं के परमेसर नै अपने सेवक ईसु की महिमा करी। पर तुमनै बाकै पकड़बाओ, और जब पीलातुस नै बाकै छोड़ दैनै की सोची, तौ तुमनै बाके सामने बाको इनकार करो।

चेलौ के काम 4:31

जब बे जौ पिराथना कर चुके हे, तौ बौ जघै जहाँ बे इखट्‍टे हे हल गई, और पबित्‍तर आत्‍मा सै भरकै, परमेसर को बचन हिम्मत के संग सुनाते रैहए।

रोमियो 8:9

अगर सच्‍ची मै परमेसर को आत्‍मा तुम्मै बसै है, तौ तुम सरीर के ना हौ, पर आत्‍मा के हौ। पर अगर किसी मै मसी को आत्‍मा ना हो, तौ बौ मसी को ना है।

2 कुरन्‍थियों 3:8

तौ फिर परमेसर की आत्‍मा को नियम और बी जादा चमक सै भरो भओ काए ना होगो?

इफिसिऔ 4:30

परमेसर की पबित्‍तर आत्‍मा कै दुखी मत करौ जिस्सै कै तुम्मै आजाद होनै के दिन के ताँई मौहर लगार खाई है।