यहून्‍ना 7:14 - बुक्सा

¹⁴ जब तौहार को आधो टैम बीत गओ, तौ ईसु मन्‍दर मै गओ और उपदेस देल लगो।

यहून्‍ना 7:14 Mawu Ofanana

मत्‍ती 21:12

ईसु नै परमेसर के मन्‍दर मै जाकै, बे सब जो खरीद और बिकरी और मन्‍दर मै लेन-देन कन्‍नै बारे हे, बाहार खदेड़ दए, और पैसा बदलनै बारौ की मेज और कबूतर बेचनै बारौ के तख्‍ता पलट दए।

मत्‍ती 26:55

उसई घड़ी ईसु नै भीड़ सै कैई, “का तुम तरवार और लठिया लेकै मैंकै डाँकू के हाँई पकड़नै के ताँई आए हौ? मैं रोज मन्‍दर मै बैठकै सिक्‍छा देवै हो, फिर बी तुमनै मैं ना पकड़ो।

लूका 19:47

उसके बाद बौ हर दिन मन्‍दर मै उपदेस देल लगो। मुक्‍ख पुजारिऔं और यहूदी सास्तरी और मुखिया लोग उसकै मार डान्‍नै की ताख मै रैहल लगे।

यहून्‍ना 18:20

ईसु नै बाकै जबाब दओ, “मैंनै दुनिया सै खुल कै बात करी हैं। मैंनै हमेसा पिराथना घरौं और मन्‍दर मै जहाँ सब यहूदी इखट्‍टे होवै हैं सिक्‍छा दई है, और मैंनै कबी बी चुपके सै कुछ ना कैई है।

यहून्‍ना 5:14

इन बातौं के बाद बौ ईसु कै मन्‍दर मै मिलो। ईसु नै बासै कैई, “देख तू ठीक हो गओ है, फिर सै पाप मत करिए, ऐंसो ना होए कै जिस्सै कोई भारी संकट तैमै आ पड़ै।”

यहून्‍ना 7:2

यहूदिऔं को झौपड़िऔ को तौहार आनैई बारो हो।

यहून्‍ना 7:28

तब ईसु नै मन्‍दर मै सिक्‍छा देते भए जोर सै कैई, “तुम मैंकै जानौ हौ, और जौ बी जानौ हौ कै मैं कहाँ सै आओ हौं। मैं अपने आप सै ना आओ, पर बौ जिसनै मैं भेजो हौं बौ सच्‍चो है, जिसकै तुम ना जानौ हौ

यहून्‍ना 7:37

तौहार के आखरी और खास दिन मै, ईसु खड़ो भओ, और जोर सै कैललगो, “अगर कोई पियासो है तौ मेरे धौंरे आय और पिऐ।

यहून्‍ना 8:2

और सुबे होतेई बौ फिर मन्‍दर मै गओ। सबई आदमी बाके धौंरे आए। और ईसु बहाँ बैठकै उनकै उपदेस दैनै लगो।

यहून्‍ना 8:20

जे बात ईसु नै मन्‍दर मै भन्डार के धौंरे उपदेस देते भए कैंई, और किसी नै बौ ना पकड़ो कैसेकै बाको टैम अबी ना आओ हो।