यहून्‍ना 6:61 - बुक्सा

⁶¹ जब ईसु नै जौ जान लओ कै मेरे चेला आपस मै जा बात सै कुड़कुड़ाबै हैं, बानै पूँछी, “का तुमकै इस बात सै ठोकर लगी है?

यहून्‍ना 6:61 Mawu Ofanana

मत्‍ती 11:6

और धन्‍न है बौ, जो मेरे ऊपर बिसवास करै है।”

मत्‍ती 17:27

फिर बी हम उन लोगौ कै गलत उदाहरन ना दैं, इसताँई तुम झील के किनार जाकै काँटो डारौ, जो मच्‍छी पैले फसैगी, बाकै पकड़ लेईओ, और बाको मौह खोलौगे तौ तुमकै एक सिक्‍का मिलैगो, उसई कै लेकै मेरे और अपने बदले उनकै दे देईओ।”

यहून्‍ना 16:19

ईसु नै जौ जानकै कै बे मैंसै सबाल कन्‍नो चाँहबै हैं, उनसै कैई, “का तुम जा बात के बारे मै आपस मै सोच-बिचार कर रए हौ, जो मैंनै कैई, ‘थोड़ी देर मै तुम मैंकै ना देखौगे, और फिर थोड़ी देर मै तुम मैंकै देखौगे?’

यहून्‍ना 21:17

ईसु नै फिर तीसरी दफै पतरस सै कैई, “समौन, यहून्‍ना के लौंड़ा, का तू मैंसै पियार करै है?” पतरस उदास भओ कैसेकै बानै बासै तीसरी दफै ऐंसे कैई कै, “का तू मैंसै पियार करै है?” और पतरस नै ईसु सै कैई, “हे परभु तू सब कुछ जानै है, तू जौ बी जानै है कै मैं तेसै पियार करौ हौं।” ईसु नै बासै कैई, “तू मेरी भेड़ौ कै चुंगा।

यहून्‍ना 6:64

पर तुम्मै सै कुछ ऐंसे आदमी हैं जो बिसवास ना करै हैं।” कैसेकै ईसु सुरू सैई जानै है कै बिसवास ना कन्‍नै बारे कौन हैं और बौ कौन है, जो बाकै पकड़बागो।

इबरानिओ 4:13

परमेसर की नजरौ सै कुछ बी छिप ना सकै है। जो कुछ बानै बनार खाओ है बौ सिगरो बाके सामने उघड़ो भओ और खुलो है और हम सबई जनी कै बाकै अपनो अपनो हिसाब दैनो है।

परकासन 2:23

मैं बाके बालकौ कै महामारी सै मार डारंगो, तब सैरे बिसवासिऔ की मंडलिऔ कै पतो हो जागो, कै मनौ और दिलौ कै जाँचनै बारो मैंई हौं, और मैं तुम मै सै हर एक कै उसके कामौ के अनुसार फल दंगो।