यहून्‍ना 6:45 - बुक्सा

⁴⁵ नबिऔ के लेखौं मै जौ लिखो है कै, ‘बे सब परमेसर की ओर सै सिकाए भए हौंगे। जिस किसी नै अब्बा सै सुनो और सीको है, बौ मेरे धौंरे आवै है।’

यहून्‍ना 6:45 Mawu Ofanana

मत्‍ती 11:27

“मेरे अब्बा नै मैंकै सब कुछ सौंपो है, अब्बा कै छोड़कै कोई बी लौंड़ा कै ना जानै है, इसई हाँई अब्बा कै कोई बी ना जानै है, सिरप लौंड़ा जानै है और बौई, जिसके ऊपर लौंड़ा उसकै परकट कन्‍नो चाँहै है।

मत्‍ती 17:5

पतरस अबी बात करई रओ हो कै एक चमकते भए बादर नै आकै बे ढक लए और बादर सै आकासवानी भई, “जौ मेरो पियारो लौंड़ा है, जिस्सै मैं भौत खुस हौं। जाकी सुनौ!”

मरकुस 1:2

जैसो परमेसर को सन्‍देसो दैनै बारे यसाया की किताब मै लिखो है कै, “सुन मैं अपनो दूत तेसै पैले भेज रओ हौं। बौ तेरे ताँई रस्ता तईयार करैगो।

लूका 1:70

जैसे पुराने बखत सै बौ अपने पबित्‍तर नबिऔ के मौह सै जौ कैतो आओ है।

लूका 18:31

फिर ईसु उन बारैह चेलौ कै संग ले जाकै उनसै बोलो; देखौ, “हम ऐरूसलेम सैहर कै जा रए हैं, और जितनी बात मेरे बारे मै परमेसर की भबिसबानी कन्‍नै बारौं के दुआरा लिखी गई हैं बे सब पूरी हौंगी।

यहून्‍ना 10:27

मेरी भेड़ मेरी अबाज सुनै हैं और मैं उनकै जानो हौं, और बे मेरे पीछे-पीछे चलै हैं।

यहून्‍ना 6:37

जो कुछ अब्बा मैंकै देवै है, बौ सब मेरे धौंरे आगो, और जो कोई बी मेरे धौंरे आगो बाकै कबी ना लिकारंगो।

यहून्‍ना 6:65

और ईसु नै कैई, “इसताँई मैंनै तुमसै कैई ही कै कोई मेरे धौंरे ना आ सकै है, जब तक अब्बा बाकै ना भेजै है।”

चेलौ के काम 13:40

इसताँई चौकस रौह कै जो कुछ नबिऔ नै कैई है, बौ तुमरे ऊपर ना आ पड़ै,

चेलौ के काम 7:42

तबई परमेसर नै उनसै मौह फेर लओ और आसमान की चीजौ कै पूजनै के ताँई छोड़ दओ। जैसो कै नबिऔ की किताब मै लिखो है, “‘हे ईसराइली लोगौ का तुमनै चालीस साल तक बियाबान मै बलि और अन्‍न को चढ़ाबो मैंकैई ना चढ़ाओ हो?

इफिसिऔ 1:17

मैं जौ पिराथना करौ हौं कै हमरे परभु ईसु मसी को परमेसर जो महिमा सै भरो भओ अब्बा है, बौ तुमकै बुद्‍धि और परमेसर कै परकट कन्‍नै बारी आत्‍मा दे, जिस्सै कै तुम बाकै अच्‍छे सै जान सकौ।

फिलिप्‍पीऔ 3:15

हम्मै सै जितने लोग सिद्‍द हैं, उन सबई की जौई सोच होनी चँईऐ और अगर किसी बात मै किसी की अगलई सोच होगी तौ परमेसर तुमकै इसके बारे मै परकट करैगो।

1 थिसलुनीकियौ 4:9

कैसेकै तुमनै एक दूसरे सै पियार रखनो परमेसर की ओर सैई सीको है, इसताँई एक दूसरे सै पियार कन्‍नै के बारे मै तुमकै कुछ लिखनै की जरूरत ना है।

इबरानिओ 10:16

“परभु जौ कैबै है कै, उन दिनौ के बाद जो बादो मैं उनके संग करंगो बौ जौ है कै, मैं अपने नियमौ कै उनके मन मै बसांगो और उनके दिल मै लिखंगो।”

1 यहून्‍ना 2:27

तुम लोगौ कै मसी सै जो पबित्‍तर आत्‍मा मिली है, बौ तुम्मै बनी रैहबै है। इसताँई तुमकै किसी दूसरे गुरू की जरूरत ना है। बौ तुमकै सब कुछ सिकाबै है और बाकी सिक्‍छा सच्‍ची है, झूँटी ना है। तुम बा सिक्‍छा के हिसाब सै मसी मै बने रौह।