यहून्‍ना 6:39 - बुक्सा

³⁹ जिसनै मैं भेजो बाकी जौ इच्‍छा है, कै बौ सब जो बानै मैंकै दओ है, बामै सै कुछ बी ना खोवौं, पर आखरी दिन मै बाकै जिन्‍दो करौं।

यहून्‍ना 6:39 Mawu Ofanana

मत्‍ती 10:15

मैं तुमसै सच कैरओ हौं, कै नियाय के दिन उस सैहर की हालत सदोम और अमोरा देस की हालत सै जादा बुरी होगी।

मत्‍ती 18:14

इसई तरै तुमरो सुरग को अब्बा ना चाँहै है कै उन छोटौ मै सै एक बी भटक जाय।

लूका 12:32

“ऐ मेरे छोटे झुन्ड मत डरौ, कैसेकै तुमरो पिता तुमकै सुरग को राज दैनै कै तईयार है।

यहून्‍ना 12:48

जो मैंकै नकारै है और मेरे बचनौ कै ना मानै है, बाकै दोसी ठैरानै बारो तौ एक है, मैंनै जो बचन कैओ है, बौई आखरी दिन मै बाकै दोसी ठैरागो।

यहून्‍ना 17:12

जब मैं उनके संग हो, तौ मैंनै तेरे बा नाम सै जो तैनै मैंकै दओ उनकै बचाकै रक्‍खो और रक्छा करी है, बामै सै कोई नास ना होओ, सिरप बाई को जिसको नास होनो पक्‍को हो। इसताँई कै पबित्‍तर सास्तर की बात पूरी हो।

यहून्‍ना 17:2

तैनै तौ उसकै सिगरी मानब जाति मै अधकार दओ है, कै बौ उन सबकै जिनकै तैनै उसकै दओ है, उनकै हमेसा की जिन्‍दगी दे।

यहून्‍ना 17:24

अब्बा, मैं चाँहौ हौं कै जिनकै तैनै मैंकै दओ है, जहाँ मैं हौं, बहाँ बे बी मेरे संग रैहंगे। कै बे मेरी बा महिमा कै देख सकैं जो तैनै मैंकै दई है, कैसेकै तैनै दुनिया बनानै सै पैले मैंसै पियार करो।

यहून्‍ना 17:6

“मैंनै तेरो नाम उन आदमिऔ मै परकट करो है जो तैनै दुनिया मै सै मैंकै दए। बे तेरे हैं, और तैनै बे मैंकै दए और उनौनै तेरे बचन मान लए हैं।

यहून्‍ना 17:9

मैं उनके ताँई पिराथना करौ हौं, दुनिया के ताँई पिराथना ना करौ हौं, पर उनके ताँई करौ हौं जिनकै तैनै मैंकै दओ है, कैसेकै बे तेरे हैं।

यहून्‍ना 18:9

जिस्सै कै बौ बचन पूरो होए जो बानै कैओ हो, “जो तैनै मैंकै दए बामै सै मैंनै एक कै बी ना खोओ।”

यहून्‍ना 5:28

इस्सै अचम्बो ना करौ, कैसेकै बौ टैम आ रओ है, कै बे सब जो कबरौं मै हैं, बाकी अबाज धियान सै सुनंगे।

यहून्‍ना 6:37

जो कुछ अब्बा मैंकै देवै है, बौ सब मेरे धौंरे आगो, और जो कोई बी मेरे धौंरे आगो बाकै कबी ना लिकारंगो।

यहून्‍ना 6:40

कैसेकै मेरे अब्बा की इच्‍छा जौ है, कै हर एक आदमी जो लौंड़ा कै देखै है, और बाके ऊपर बिसवास करै है, बौ हमेसा की जिन्‍दगी पागो, और मैं खुद आखरी दिन मै बाकै जिन्‍दो करंगो।”

यहून्‍ना 6:44

जब तक अब्बा जिसनै मैं भेजो हौं बाकै खैंच ना ले, कोई बी मेरे धौंरे ना आ सकै है, और मैं बाकै आखरी दिन मै फिर जिन्‍दो करंगो।

यहून्‍ना 6:54

जो मेरो मांस खावै और खून पीवै है, हमेसा की जिन्‍दगी बाई की है, और मैं बाकै आखरी दिन मै फिर जिन्‍दो करंगो।

रोमियो 8:11

और बौ आत्‍मा जिसनै ईसु कै मरे भएऔं मै सै जिन्‍दो करो हो, अगर तुमरे भीतर रैहबै है, तौ बौ परमेसर जिसनै मसी कै मरे भएऔं मै सै जिन्‍दो करो हो, बौ तुमरे मरे भए सरीरौं कै बी अपनी आत्‍मा सै जो तुमरे भीतर रैहबै है, जिन्‍दो करैगो।

1 कुरन्‍थियों 6:14

और परमेसर नै अपनी सकति सै जिस तरै परभु ईसु कै जिन्‍दो करो, बैसेई हमकै बी जिन्‍दो करैगो।

2 तीमुथियुस 2:19

पर कुछ बी होए परमेसर की बुनियाद पक्‍की और मजबूत है और बामै जौ लिखो पड़ो है कै, “परभु अपने लोगौ कै जानै है।” और जो ऐंसो कैबै हैं कै, “मैं परभु को हौं, तौ बाकै बुरे काम सै बचकै रैहनो चँईऐ।”

याकूब 5:15

और बिसवास की पिराथना सै बेमार आदमी ठीक हो जागो और परभु बा बेमार कै उठाकै खड़ो करैगो। और अगर बानै पाप करे बी हौंगे तौ परभु उनकै बी माफ कर देगो।

1 पतरस 1:5

बे तुमरे ताँई हैं, और तुमरे बिसवास की बजै सै परमेसर नै अपनी सकति सै बा मुक्‍ति के ताँई तुमकै समार कै रक्‍खो है, जो बखत के आखरी मै परकट होनै बारी है।

यहूदा 1:1

ईसु मसी के सेवक और याकूब को भईया, यहूदा की ओर सै उन बुलाए भए लोगौ के नाम जो परमेसर के पियारे और जिनकै ईसु मसी के ताँई समार कै रक्‍खो है।