यहून्‍ना 5:7 - बुक्सा

⁷ उस बेमार नै जबाब देओ, “हे परभु, मेरे धौंरे कोई आदमी ना है, कै जब पानी हलाओ जाऐ, तौ मैंकै तलाब मै बार दे, पर मेरे पौंचते पौंचते दूसरो मैंसै पैले बर जावै है।”

यहून्‍ना 5:7 Mawu Ofanana

यहून्‍ना 5:2

ऐरूसलेम मै भेड़ नाम के फाटक के धौंरे एक तलाब हो, जो इबरानी भासा मै “बैतसैदा” कैलाबै हो, जिसके किनार पाँच दैहरी जैसी जघै बनी पड़ी हीं।

यहून्‍ना 5:3

इनमै भौत से ऐंसे आदमी पड़े रैहबै हे, जो बेमार, अन्धे, लंगड़े और फालस बारे हे।

यहून्‍ना 5:4

जे पानी को हलनै को पैंड़ो देखै हे, कैसेकै परभु को एक सुरगदूत एक टैम मै आकै तलाब के पानी कै हलाबै है। पानी के हलतेई जो आदमी बामै पैले बर जावै हो, बाकी कोई बी बेमारी काए ना होए, बौ ठीक हो जावै ही।

यहून्‍ना 5:6

ईसु नै बाकै पड़ो भओ देक्‍कै और जौ जानकै कै बौ भौत दिनौ सै ऐंसेई पड़ो है, बासै पूँछी, “का तू ठीक होनो चाँहै है?”

रोमियो 5:6

कैसेकै हम जब कमजोर हे, तौ सई टैम मै हम अधरमी लोगौं के ताँई मसी नै अपनी जान दई।

1 कुरन्‍थियों 9:24

का तुम लोग जौ ना जानौ हौ कै दौड़ मै तौ सबई भाजै हैं, पर ईनाम सिरप एकई आदमी कै मिलै है? तुम बी ऐंसे भाजौ कै जीत तुमरी हो।