यहून्‍ना 5:37 - बुक्सा

³⁷ और अब्बा जिसनै मैं भेजो हौं, बाई नै मेरी गभाई दई है, तुमनै ना बाकी अबाज सुनी, और ना बाको रूप देखो।

यहून्‍ना 5:37 Mawu Ofanana

मत्‍ती 17:5

पतरस अबी बात करई रओ हो कै एक चमकते भए बादर नै आकै बे ढक लए और बादर सै आकासवानी भई, “जौ मेरो पियारो लौंड़ा है, जिस्सै मैं भौत खुस हौं। जाकी सुनौ!”

मत्‍ती 3:17

और जौ आकासवानी भई, “जौ मेरो पियारो लौंड़ा है, जिस्सै मैं भौत खुस हौं।”

मरकुस 1:11

और आसमान सै एक अबाज आई कै, “तू मेरो पियारो लौंड़ा है और मैं तेसै भौत खुस हौं।”

लूका 24:27

तब ईसु नै मूसा सै लेकै और दूसरे नबिऔ को जिकर करते भए, अपने बारे मै जो कुछ पबित्‍तर सास्तर मै लिखो है, बौ सब उनकै समजाओ।

यहून्‍ना 1:18

परमेसर कै किसी नै कबी ना देखो, परमेसर को इकलौतो लौंड़ा जो खुद परमेसर है और अब्बा के संग है, बाई नै बौ परकट करो है।

यहून्‍ना 14:9

ईसु नै बासै कैई, “फिलिप्‍पुस, मैं इतने दिनौ सै तेरे संग हौं, फिर बी तू मैंकै ना जानै है? जिसनै मैं देखो हौं, बानै अब्बा देखो है। तू कैसे कैबै है, ‘हमकै अब्बा दिखा दे?’

यहून्‍ना 15:24

अगर मैं उनके बीच मै बे काम ना करतो, जो किसी और नै ना करे, तौ बे पाप के दोसी ना होते, पर अब तौ उनौनै देखे हैं। फिर बी बे मैंसै और मेरे अब्बा दौनौ सै नफरत करैं हैं।

यहून्‍ना 5:32

एक और है जो मेरी गभाई देवै है, और मैं जानौ हौं कै मेरी जो गभाई बौ देवै है, बौ सच्‍ची है।

यहून्‍ना 6:27

बा खाने के ताँई मैहनत ना करौ जो सड़ जावै है, पर बा खाने के ताँई मैहनत करौ जो हमेसा जिन्‍दगी भर बनो रैहबै है, जिसकै आदमी को लौंड़ा तुमकै देगो, कैसेकै अब्बा यानी परमेसर नै बाई मै अपनी मौहर लगाई है।”

यहून्‍ना 8:18

एक मैं हौं जो अपनी गभाई खुद देवौ हौं, और दूसरो अब्बा है जिसनै मैं भेजो और मेरे बारे मै गभाई देवै है।”

1 तीमुथियुस 1:17

हमेसा राज कन्‍नै बारो राजा और कबी नास ना होनै बारो और जिसकै हम ना देख सकै हैं। बौ एकई परमेसर है और बाकी इज्‍जत और बड़ाई युगौं-युगौं तक है। ऐंसोई होए।

1 तीमुथियुस 6:16

सिरप बौई अमर है जो हमेसा की जोती मै रैहबै है, जिसकै किसी आदमी नै ना तौ कबी देखो है और नाई देख सकै है। बाकी इज्‍जत और सकति युगौं-युगौं तक रैह। ऐंसोई होए।

1 यहून्‍ना 4:12

परमेसर कै कबी बी किसी नै ना देखो। अगर हम एक दूसरे सै आपस मै पियार रक्‍खैं, तौ परमेसर हम्मै रैहबै है और बाको पियार हमरे भीतर पक्‍को हो गओ है।

1 यहून्‍ना 4:20

अगर कोई कैबै है कै, “मैं परमेसर सै पियार करौ हौं” और बौ अपने भईया सै नफरत करै, तौ बौ झूँटो है। कैसेकै जो अपने भईया सै पियार ना करै है, जिसकै बौ देखै है, तौ बा परमेसर कै जिसकै बानै कबी देखोई ना है, पियार कैसे कर सकै है?

1 यहून्‍ना 5:9

जब हम आदमिऔ की गभाई मान लेबै हैं, तौ परमेसर दुआरा देई गई गभाई तौ उस्सै बी बढ़कै है, और परमेसर की गभाई जौ है, कै बानै अपने लौंड़ा के बारे मै गभाई दई है।