यहून्‍ना 5:26 - बुक्सा

²⁶ जिस तरै अब्बा अपने भीतर खुद जिन्‍दगी रखै है, बैसेई बानै लौंड़ा कै बी अपने भीतर खुद जिन्‍दगी रखनै कै देई।

यहून्‍ना 5:26 Mawu Ofanana

यहून्‍ना 1:4

उसमै जिन्‍दगी ही और बौ जिन्‍दगी आदमिऔ की जोती ही।

यहून्‍ना 10:18

कोई मेरी जान मैंसै ना छीन सकै है, पर मैं बाकै अपने आप देवौ हौं मैंकै बाकै दैनै को अधकार है, और फिर ले लैनै को बी अधकार है। जौ आगियाँ मैंकै अपने अब्बा सै मिली है।”

यहून्‍ना 11:25

ईसु नै बासै कैई, “फिर सै जिन्‍दो कन्‍नै बारो और जिन्‍दगी मैंई हौं, जो मेरे ऊपर बिसवास करै है, अगर बौ मर बी जाय फिर बी बौ जिन्‍दो रैहगो,

यहून्‍ना 11:26

और हर एक जो जिन्‍दो है, और मेरे ऊपर बिसवास करै है, कबी ना मरैगो। का तू जा बात मै बिसवास करै है?”

यहून्‍ना 14:19

थोड़ी देर बाद दुनिया मैंकै फिर ना देखैगी, पर तुम मैंकै देखौगे। मैं जिन्‍दो हौं, इसताँई तुम बी जिन्‍दे रैहओगे।

यहून्‍ना 14:6

ईसु नै बासै कैई, “रस्ता, सच्‍चाई और जिन्‍दगी मैंई हौं। बिना मेरे दुआरा कोई अब्बा के धौंरे ना जा सकै है।

यहून्‍ना 4:10

ईसु नै जबाब देते भए उस्सै कैई, “अगर तू परमेसर के बरदान कै जानती और जौ बी जानती कै बौ कौन है जो तुस्सै कैबै है, मैंकै पानी पिबा, तौ तू बासै माँगती और बौ तेकै जिन्‍दगी को जल देतो।”

यहून्‍ना 6:57

जिस तरै जिन्‍दे अब्बा नै मैं भेजो हौं और मैंकै अब्बा के बजै सै जिन्‍दगी मिली है, इसी तरै सै जो मैंकै खावै है बौ बी मेरे बजै सै जिन्‍दो रैहगो।

यहून्‍ना 8:51

मैं तुमसै सच-सच कैबौ हौं कै अगर जो कोई मेरी सिक्‍छा कै मानै है तौ बौ कबी बी मौत कै ना देखैगो।”

चेलौ के काम 17:25

परमेसर कै किसी बी चीज की कमी ना है, और बाकै आदमी की सायता की जरूरत बी ना है, कैसेकै बौई सबई कै जिन्‍दगी, साँस और सबई कुछ देवै है।

1 कुरन्‍थियों 15:45

पबित्‍तर सास्तर मै लिखो है, “पैलो आदमी आदम एक जिन्‍दो आदमी बनो, पर आखरी आदम जो मसी है बौ जिन्‍दगी दैनै बारो आत्‍मा है।”

1 तीमुथियुस 1:17

हमेसा राज कन्‍नै बारो राजा और कबी नास ना होनै बारो और जिसकै हम ना देख सकै हैं। बौ एकई परमेसर है और बाकी इज्‍जत और बड़ाई युगौं-युगौं तक है। ऐंसोई होए।

1 तीमुथियुस 6:16

सिरप बौई अमर है जो हमेसा की जोती मै रैहबै है, जिसकै किसी आदमी नै ना तौ कबी देखो है और नाई देख सकै है। बाकी इज्‍जत और सकति युगौं-युगौं तक रैह। ऐंसोई होए।

इबरानिओ 1:2

पर अब इन आखरी दिनौ मै बानै अपने लौंड़ा के दुआरा हम सै बात करीं जिसकै परमेसर नै सिगरी चीजौ को हकदार ठैरार खाओ है और बाईके दुआरा बानै सिगरी दुनिया बनाई।

परकासन 21:6

फिर उसनै मैंसै कैई, “सब कुछ पूरो हो चुको है। मैंई पैलो और आखरी हौं, मैंई सुरूआत और अन्‍त हौं। जो बी पियासो है, मैं उसकै जिन्‍दगी के जल के सोत सै मुफत मै पिबांगो।

परकासन 22:1

फिर उस सुरगदूत नै मैंकै जिन्‍दगी के जल की नद्‍दी दिखाई, जो काँच के जैसे चमक रई ही, जो परमेसर और मैमना के सिंगासन सै बैह रई ही।

परकासन 22:17

आत्‍मा और दुलहैन दौनौ कैबै हैं, “आ!” और सुन्‍नै बारो बी कैए, कै “आ!” और जो पियासो होए, बौ आए और जो कोई चाँहै बौ जिन्‍दगी को जल मुफत मै पी ले।

परकासन 7:17

कैसेकै मैमना जो सिंगासन के बीच मै है उनकी रखबारी करैगो और उनकै जिन्‍दगी दैनै बारे जल के सोतौं के धौंरे ले जाऐ करैगो और परमेसर उनकी आँखौ सै सब असुआ पछौन डारैगो।”