यहून्‍ना 5:15 - बुक्सा

¹⁵ बा आदमी नै जाकै यहूदी नेताऔं सै कैई, “जिसनै मैं ठीक करो, बौ ईसु है।”

यहून्‍ना 5:15 Mawu Ofanana

मरकुस 1:45

पर बौ बहाँ सै बिदा होकै चारौ लंग खुल कै जाकी चरचा करल लगो। इस्सै ईसु के ताँई खुले रूप सै सैहरौं मै जानो मुसकल हो गओ, इसताँई बौ एकान्‍त जघौं मै रैहओ, फिर बी लोग चारौ ओर सै बाके धौंरे आवै हे।

यहून्‍ना 1:19

यहून्‍ना की गभाई जौ ही, कै जब यहूदिऔं नै बाके धौंरे ऐरूसलेम सै पुजारिऔं और लेबिऔं कै जौ पूँछनै के ताँई भेजो, “तू कौन है?”

यहून्‍ना 4:29

“आओ, एक आदमी कै देखौ जिसनै बौ सब कुछ जो मैंनै करो हो मैंकै बता दओ। कहीं जौई मसी तौ ना है?”

यहून्‍ना 5:10

इसताँई यहूदी नेताऔं नै बासै, जो ठीक हो गओ हो कैई, “आज तौ आराम कन्‍नै को दिन है। तेरो सितरो उठानो हमरे नियम के खिलाप है।”

यहून्‍ना 5:12

उनौनै बासै पूँछी, “बौ कौन आदमी है जिसनै तेसै कैई, सितरो उठा और चल फिर?”

यहून्‍ना 5:16

कैसेकै बौ ऐंसे काम आराम के दिन करै हो, इसताँई यहूदी नेता ईसु कै सताल लगे।

यहून्‍ना 5:18

इस बात के कारन यहूदी नेता बाकै मार डान्‍नै के ताँई और बी जादा ताख मै रैहल लगे, कैसेकै बौ ना सिरप आराम के दिन के नियम कै तोड़ रओ हो पर परमेसर कै अपनो अब्बा कैह कै अपने आपकै परमेसर के बराबर बताबै बी हो।

यहून्‍ना 9:15

फिर फरीसिऔं नै बी बासै पूँछी कै तू कैसे देखल लगो। बानै फरीसिऔं सै कैई, “उसनै मेरी आँख मै गीली मट्‍टी लगाई, और मैंनै आँख धोईं और अब मैं देखौ हौं।”

यहून्‍ना 9:25

तब बानै जबाब दओ, “मैं ना जानौ हौं कै बौ पापी है या ना। मैं तौ एक बात जानौ हौं, कै मैं अन्धो हो और अब मैं देख सकौ हौं।”

यहून्‍ना 9:30

बा आदमी नै जबाब देते भए उनसै कैई, “अरे, जौ तौ बड़ी अजीब बात है कै तुम ना जानौ हौ कै बौ कहाँ को है, फिर बी बानै मेरी आँख ठीक कर दंई।

यहून्‍ना 9:34

उनौनै जबाब देते भए बासै कैई, “तू तौ सुरू सैई पापी हो ठीक तब सै जब सै तू पैदा भओ हो। और का तू हमकै सिकानै आओ है?” और उनौनै बौ लिकारकै बाहार कर दओ।