यहून्‍ना 4:31 - बुक्सा

³¹ उसई टैम ईसु के चेलौ नै उस्सै बिनती करी, “हे गुरू, कुछ खा ले।”

यहून्‍ना 4:31 Mawu Ofanana

मत्‍ती 23:7

बजारौं मै नमस्कार सुन्‍नो और लोगौं दुआरा गुरूजी किब्बानो जौ सब उनकै भौत परसन्‍द है।

मत्‍ती 23:8

पर तुम लोगौ सै अपने आपकै गुरूजी मत किब्बइओ, कैसेकै तुमरो सच्‍चो गुरू तौ बस एकई है और तुम सब सिरप भईया और बहन हौ।

मत्‍ती 26:25

तब उस धोके सै पकड़बानै बारे यहूदा नै ईसु सै पूँछी, “हे गुरू, का बौ मैं हौं?” ईसु नै बासै कैई, हाँ, “ऐंसोई है जैसो तैनै कैई है।”

मत्‍ती 26:49

फिर बौ ईसु के धौंरे गओ और बोलो, “हे गुरू, परनाम, और उसनै ईसु को चुम्मा लओ।”

मरकुस 11:21

तब पतरस कै बौ बात याद आई, और उसनै उस्सै कैई, हे गुरू, देख, जौ अंजीर को पेड़ जिसकै तैनै सराप दओ हो सूक गओ है।

मरकुस 14:45

और जैसेई यहूदा बहाँ आओ, उसनै ईसु कै धौंरे जाकै “गुरूजी” कैह कै बौ चूम लओ।

मरकुस 9:5

फिर पतरस नै ईसु सै कैई, “हे गुरू, हमरो हिंया रैहनो अच्‍छो है; इसके ताँई हम तीन तम्बू खड़े करैं, एक तेरे ताँई, एक मूसा के ताँई और एक एलिया के ताँई।”

यहून्‍ना 1:38

ईसु नै मुड़कै उनकै अपने पीछे आते देखो और उनसै पूँछी, “तुमकै का चँईऐ?” उनौनै कैई, “हे गुरू, तू कहाँ रैहबै है?”

यहून्‍ना 1:49

नतनैल नै बाकै जबाब दओ, “हे गुरू तू परमेसर को लौंड़ा है, तू ईसराइल को महाराजा है।”

यहून्‍ना 11:8

चेलौ नै बासै कैई, “गुरूजी, अबी तौ यहूदी तेरे ऊपर पत्‍थर मारनो चाँहबै हैं, और का तू फिर बहीं जा रओ है?”

यहून्‍ना 3:2

बानै रात मै ईसु के धौंरे आकै कैई, “हे गुरू, हम जानै हैं कै तू परमेसर की ओर सै आओ भओ गुरू है, कैसेकै इन चमत्कारौं कै जो तू दिखाबै है, अगर परमेसर उसके संग ना होतो तौ जे चमत्कार कोई ना दिखा सकतो।”

यहून्‍ना 3:26

और उनौनै यहून्‍ना के धौंरे आकै उस्सै कैई, “हे गुरू, जो आदमी यरदन नद्‍दी के पार तेरे संग हो, और जिसकी तैनै गभाई देई है, देख बौ जल संस्कार देवै है, और सब बाके धौंरे जावै हैं।”

यहून्‍ना 4:30

इसताँई बे सैहर सै लिकरकै ईसु के धौंरे आल लगे।

यहून्‍ना 4:32

पर ईसु नै उनसै कैई, “मेरे धौंरे खानै ताँई ऐंसो खानो है जिसके बारे मै तुम ना जानौ हो।”

यहून्‍ना 6:25

बे झील के पल्‍ली पार गए और ईसु कै बहाँ देखो तौ बासै कैई, “हे गुरू, तू हिंया कब आओ?”

यहून्‍ना 9:2

और बाके चेलौ नै जौ कैते भए बासै पूँछी, “हे गुरूजी किसनै पाप करो, जा आदमी नै या जाके अईया-अब्बा नै, कै जौ अन्धो पैदा भओ?”