यहून्‍ना 4:14 - बुक्सा

¹⁴ पर जो कोई उस जल मै सै पियैगो जो मैं बाकै देंगो, बौ फिर जिन्‍दगी भर कबी पियासो ना होगो, पर जो जल मैं बाकै देंगो, बौ बामै एक सोता बन जागो, जो हमेसा की जिन्‍दगी के ताँई उमड़तो रैहगो।”

यहून्‍ना 4:14 Mawu Ofanana

मत्‍ती 25:46

“फिर जे बुरे लोग हमेसा के ताँई सजा भुगतंगे, पर धरमी हमेसा की जिन्‍दगी मै परबेस करंगे।”

मत्‍ती 5:6

धन्‍न हैं बे, जो धरमी होनै के ताँई भूँके और पियासे हैं, बे जी भरकै पांगे।

यहून्‍ना 10:10

चोर सिरप चोरी कन्‍नै, हत्‍तिया कन्‍नै और नास कन्‍नै आवै है। मैं इसताँई आओ हौं कै बे भरपूर जिन्‍दगी पा सकैं।

यहून्‍ना 11:26

और हर एक जो जिन्‍दो है, और मेरे ऊपर बिसवास करै है, कबी ना मरैगो। का तू जा बात मै बिसवास करै है?”

यहून्‍ना 4:10

ईसु नै जबाब देते भए उस्सै कैई, “अगर तू परमेसर के बरदान कै जानती और जौ बी जानती कै बौ कौन है जो तुस्सै कैबै है, मैंकै पानी पिबा, तौ तू बासै माँगती और बौ तेकै जिन्‍दगी को जल देतो।”

यहून्‍ना 4:11

बईयर नै ईसु सै कैई, “हे परभु, तेरे धौंरे तौ पानी लिकान्‍नै के ताँई कुछ बी ना है, और कुआँ गैहरो है, तौ फिर बौ जिन्‍दगी को जल तेरे धौंरे कहाँ सै आओ?

यहून्‍ना 4:13

ईसु नै जबाब देते भए बासै कैई, “हर एक आदमी जो, जा कुआँ को पानी पियै है, बाकै फिर पियास लगैगी।

यहून्‍ना 4:36

काटनै बारे कै अब मजदूरी मिल रई है और बौ हमेसा की जिन्‍दगी के ताँई फसल इखट्‍टी कर रओ है, कै बोनै बारो और काटनै बारो दौनौ मिलकै खुसी मना सकैं।

यहून्‍ना 6:27

बा खाने के ताँई मैहनत ना करौ जो सड़ जावै है, पर बा खाने के ताँई मैहनत करौ जो हमेसा जिन्‍दगी भर बनो रैहबै है, जिसकै आदमी को लौंड़ा तुमकै देगो, कैसेकै अब्बा यानी परमेसर नै बाई मै अपनी मौहर लगाई है।”

यहून्‍ना 6:35

ईसु नै उनसै कैई, “जिन्‍दगी की रोटी मैं हौं, और जो मेरे धौंरे आवै है, बौ कबी भूँको ना होगो, और बौ जो मेरे ऊपर बिसवास करै है, बौ कबी पियासो ना होगो।

यहून्‍ना 6:58

जौई बौ रोटी है जो सुरग सै आई है। जौ बैसी ना है जैसी हमरे बापदादौं नै खाई और बाद मै मर गए, जो इस रोटी कै खावै है बौ हमेसा जिन्‍दो रैहगो।”

यहून्‍ना 7:37

तौहार के आखरी और खास दिन मै, ईसु खड़ो भओ, और जोर सै कैललगो, “अगर कोई पियासो है तौ मेरे धौंरे आय और पिऐ।

रोमियो 5:21

ताकि जैसे मौत के दुआरा पाप नै राज करो, ठीक बैसेई हमरे परभु ईसु मसी के दुआरा हमेसा की जिन्‍दगी लानै के ताँई परमेसर के किरपा नै धारमिकता के दुआरा राज करो।

रोमियो 6:23

पाप की डिहाड़ी तौ मौत है, मगर परमेसर को बरदान हमरे परभु ईसु मसी मै हमेसा की जिन्‍दगी है।

2 कुरन्‍थियों 1:22

और बाई परमेसर नै हमरे ऊपर मौहर बी लगा दई है, और हमरे भीतर बियाने के रूप मै पबित्‍तर आत्‍मा बी दई है।

इफिसिऔ 4:30

परमेसर की पबित्‍तर आत्‍मा कै दुखी मत करौ जिस्सै कै तुम्मै आजाद होनै के दिन के ताँई मौहर लगार खाई है।

1 पतरस 1:22

अब देखौ जब तुमनै सच्‍चाई की बातौं कै मानो है और अपनी आत्‍मा कै पबित्‍तर करो है तौ तुम सच्‍चे दिल सै एक दूसरे सै पियार रक्‍खौ, और आनै बारे बखत मै बी पूरे दिल सै पियार करौ।

1 यहून्‍ना 5:20

हम जानै हैं कै परमेसर को लौंड़ा आ गओ है और बानै हमकै समज दई, ताकि हम बा सच्‍चे परमेसर कै जान लैं और बामै बने रैंह जो सच्‍चो है, कैसेकै हम बाके लौंड़ा ईसु मसी मै बने रैहबै हैं। जौई सच्‍चो परमेसर है और हमेसा की जिन्‍दगी है।

परकासन 7:16

फिर बे भूँके और पियासे ना हौंगे, इनकै ना तौ घाम सै और ना किसी तरै की तपन सै कसट होगो,

परकासन 7:17

कैसेकै मैमना जो सिंगासन के बीच मै है उनकी रखबारी करैगो और उनकै जिन्‍दगी दैनै बारे जल के सोतौं के धौंरे ले जाऐ करैगो और परमेसर उनकी आँखौ सै सब असुआ पछौन डारैगो।”