यहून्‍ना 3:17 - बुक्सा

¹⁷ परमेसर नै अपनो लौंड़ा दुनिया मै इसताँई ना भेजो कै बौ दुनिया कै डन्ड की आगियाँ देए, पर इसताँई भेजो कै दुनिया उसके दुआरा मुक्‍ति पाय।

यहून्‍ना 3:17 Mawu Ofanana

मत्‍ती 1:23

कै, “देखौ एक कुँआरी कन्या गरब सै होगी और एक लौंड़ा कै जलम देगी और बाको नाम इम्मानुएल रक्‍खो जागो जिसको अरथ जौ है ‘परमेसर हमरे संग है।’”

मत्‍ती 18:10

“चौकस रैहऔ, इन छोटौ मै सै एक कै बी बेकार ना समजौ, मैं तुमसै कैरओ हौं, उनके दूत सुरग मै लगातार मेरे सुरग के अब्बा के दरसन करैं हैं।

मत्‍ती 18:11

जो खो गओ हो उसई कै बचानै के ताँई आदमी को लौंड़ा आओ है।

लूका 19:10

और याद रक्‍खौ कै ‘मैं’ आदमी को लौंड़ा, इनके जैसे खोए भएऔं कै ढूंड़नै और उनको छुटकारो कन्‍नै आऔं हौं।”

लूका 9:56

फिर बे दूसरे गाम चले गए।

यहून्‍ना 1:29

दूसरे दिन यहून्‍ना नै ईसु कै अपनी ओर आते देख कैई, “देखौ परमेसर को मैमना जो दुनिया के पाप उठा ले जावै है।

यहून्‍ना 10:36

तौ जिसकै अब्बा नै पबित्‍तर ठैराकै दुनिया मै भेजो है। तुम बासै कैबौ हौ कै तू परमेसर की बुराई करै है, इसताँई कै मैंनै कैई, ‘मैं परमेसर को लौंड़ा हौं’।

यहून्‍ना 11:42

और मैं जानौ हौं कै तू हरदम मेरी सुनै है, पर चारौ ओर खड़े आदमिऔ के कारन मैंनै ऐंसो कैई कै बे बिसवास करैं कै तैनै मैं भेजो हौं।”

यहून्‍ना 17:18

जैसे तैनै मैंकै जा दुनिया मै भेजो, बैसेई मैंनै बी बे दुनिया मै भेजे।

यहून्‍ना 17:21

कै बे सब एक हौं। जैसे, अब्बा, तू मैं मैई है और मैं तैमैई हौं, और बैसेई बे बी हम्मै हौं, जिस्सै कै दुनिया बिसवास करै कै तैनैई मैं भेजो हौं।

यहून्‍ना 17:23

मैं उनमै और तू मैंई मै है, कै बे पक्‍के होकै एक हो जांऐ, जिस्सै दुनिया जानै कै तैनै मैं भेजो और जैसे तैनै मैंसै पियार करो बैसोई उनसै बी पियार करो।

यहून्‍ना 17:25

हे धरमी अब्बा, दुनिया नै तू ना जानो, फिर बी मैंनै तू जानो, और इन चेलौ नै बी जानो है कै तैनैई मैं भेजो हौं,

यहून्‍ना 17:3

और हमेसा की जिन्‍दगी जौ है कै बे तेकै जो एकमातर सच्‍चो परमेसर और ईसु मसी कै, जिसकै तैनै भेजो है, जानै।

यहून्‍ना 17:8

कैसेकै बे बचन जो तैनै मैंकै दए, मैंनै उन तक पौंचा दए। उनौनै बचनौ कै अपनाओ और सच जान लओ है कै मैं तेसै लिकरो हौं, और उनौनै बिसवास करो कै तैनैई मैं भेजो हौं।

यहून्‍ना 20:21

और ईसु नै फिर उनसै कैई, “तुमकै सान्‍ति मिलै, जैसे अब्बा नै मैं भेजो हौं, बैसेई मैं बी तुमकै भेज रओ हौं।”

यहून्‍ना 3:34

कैसेकै जो परमेसर नै भेजो है, बौ परमेसर की बात कैबै है, कैसेकै बौ बिना तोल कै उनकै आत्‍मा देवै है।

यहून्‍ना 5:36

“पर मेरे धौंरे जो गभाई है बौ यहून्‍ना की गभाई सै बड़ी है, कैसेकै जो काम अब्बा नै मैंकै पूरो कन्‍नै के ताँई सौंपो है, मतलब जौई काम जो मैं करौं हौं बे मेरे गभा हैं कै अब्बा नै मैं भेजो हौं।

यहून्‍ना 5:38

और बाको बचन तुमरे मनौ मै बनो भओ ना रैहबै है, कैसेकै तुम उसमै बिसवास ना रक्‍खौ हौ जिसनै बौ भेजो है।

यहून्‍ना 5:45

जौ ना सोचौ, कै मैं अब्बा के सामने तुम्मै दोस लगांगो, तुम्मै दोस लगानै बारो तौ मूसा है, जिसमै तुम भरोसो करौ हौ।

यहून्‍ना 6:29

ईसु नै उनकै जबाब देते भए कैई, “परमेसर जौ चाँहबै है, कै तुम मैंई मै बिसवास करौ जिसकै बानै भेजर खाओ है।”

यहून्‍ना 6:38

कैसेकै मैं अपनी इच्‍छा कै पूरी कन्‍नै के ताँई ना, पर अपने भेजनै बारे की इच्‍छा कै पूरी कन्‍नै के ताँई सुरग सै आओ हौं।

यहून्‍ना 6:40

कैसेकै मेरे अब्बा की इच्‍छा जौ है, कै हर एक आदमी जो लौंड़ा कै देखै है, और बाके ऊपर बिसवास करै है, बौ हमेसा की जिन्‍दगी पागो, और मैं खुद आखरी दिन मै बाकै जिन्‍दो करंगो।”

यहून्‍ना 6:57

जिस तरै जिन्‍दे अब्बा नै मैं भेजो हौं और मैंकै अब्बा के बजै सै जिन्‍दगी मिली है, इसी तरै सै जो मैंकै खावै है बौ बी मेरे बजै सै जिन्‍दो रैहगो।

यहून्‍ना 7:29

पर मैं बाकै जानौ हौं कैसेकै मैं बाई की ओर सै हौं और बाई नै मैंकै भेजो है।”

यहून्‍ना 8:11

बौ बोली, “किसी नै बी ना परभु।” तब ईसु नै कैई, “मैं बी तेरे ऊपर दोस ना लगाबौ हौं। जा, अब सै फिर कबी बी पाप मत करिए।”

यहून्‍ना 8:42

ईसु नै उनसै कैई, “अगर परमेसर तुमरो अब्बा होतो, तौ तुम मैंसै पियार करते, कैसेकै मैं परमेसर सै लिकरकै आओ हौं और अब मैं हिंया हौं। मैं अपनी मरजी सै ना आओ, पर बाई नै मैंकै भेजो है।

1 यहून्‍ना 2:2

बौ खुद हमरे पापौं कै दूर कन्‍नै बारो बलिदान है, पर ना सिरप हमरे पापौं के ताँई, पर सिगरी दुनिया के पापौं के ताँई बी।

1 यहून्‍ना 4:14

हमनै जौ देखो है और हम इसकी गभाई बी देवै हैं, कै परम पिता नै अपने लौंड़ा कै दुनिया के मुक्‍तिदाता के रूप मै भेजो।