यहून्‍ना 21:7 - बुक्सा

⁷ फिर ईसु के पियारे चेला नै पतरस सै कैई, “जौ तौ परभु है!” इसताँई जब समौन पतरस नै सुनो कै जौ परभु है तौ बानै अपनो ऊपर को पैहरनै बारो लत्‍ता कस लओ कैसेकै बानै लत्‍ता लिकार खाए हे और बौ झील मै कूद पड़ो।

यहून्‍ना 21:7 Mawu Ofanana

मरकुस 11:3

अगर कोई तुमसै कुछ कैए जौ का कर रए हौ? तौ कै देईओ, परभु कै इसकी जरूरत है, और बौ जल्दी उसकै हिंया भेज देगो।”

लूका 12:35

“करम कन्‍नै के ताँई हमेसा तईयार रैहऔ। और अपने दिया पजारकै रक्‍खौ।

लूका 2:11

कै आज दाऊद के सैहर मै तुमरे ताँई एक मुक्‍तिदाता जलमो है और जौई मसी परभु है।

लूका 7:47

इसताँई मैं तेकै कैरओ हौं कै इसको जादा पियार बता रओ है कै इसके भौस्से पाप माफ कर दए गए हैं। पर बौ जिसकै थोड़े पापौं की माफी मिली है, बौ थोड़ो पियार करैगो।”

यहून्‍ना 13:23

बाके चेलौ मै सै एक चेला ईसु की छाती की ओर झुक्‍कै बैठो भओ हो। जिस्सै ईसु पियार करै हो।

यहून्‍ना 19:26

तौ जब ईसु नै अपनी अईया, और बा चेला कै जिस्सै बौ पियार करै हो, धौंरे खड़े भए देखे, तौ अपनी अईया सै कैई, “हे नारी! देख, जौ तेरो लौंड़ा।”

यहून्‍ना 20:2

फिर बौ भाजकै समौन पतरस और बा दूसरे चेला के धौंरे आई जिस्सै ईसु पियार करै हो, और उनसै कैललगी, “बे परभु कै कबर मै सै उठा ले गए हैं, और हमकै ना पतो कै उनौनै बौ कहाँ रखो है।”

यहून्‍ना 20:20

जब बौ जौ कैह चुको तौ बानै उनकै अपने हात और अपनी बगल दिखाई। चेलौ नै जब परभु देखो तौ बे भौत खुस भए।

यहून्‍ना 20:28

थौमा नै जबाब देते भए बासै कैई, “हे मेरे परभु, मेरे परमेसर!”

यहून्‍ना 21:20

पतरस नै मुड़कै बौ चेला पीछे आते देखो, जिस्सै ईसु पियार करै हो, यानी बौई जिसनै खानै के टैम बाकी छाती की ओर झुकते भए पूँछी ही, “परभु, तेकै धोके सै पकड़बानै बारो कौन है?”

यहून्‍ना 21:24

जौ बौई चेला हो जो इन बातौं की गभाई देवै है जिसनै जे बात लिखी हैं और हम जानै हैं कै बाकी गभाई सच्‍ची है।

यहून्‍ना 21:8

पर दूसरे चेला किसती मै मच्‍छी सै भरो भओ जार खैंचते भए आए कैसेकै बे किनार सै जादा दूर ना हे, पर करीब सौ मीटर की दूरी मै हे।

चेलौ के काम 10:36

जौ बौई बचन है जिसकै बानै ईसु मसी के दुआरा जो सबई को परभु है, सान्‍ति की अच्‍छी खबर देते भए ईसराइली लोगौ कै सुनाई ही।

चेलौ के काम 2:36

“इसताँई अब ईसराइल को सिगरो टब्बर जौ जरूरई जान लै कै परमेसर नै बा ईसु कै ‘परभु’ और ‘मसी’ ठैराओ हो जिसकै तुमनै कुरूस मै चढ़ाऔ।”

1 कुरन्‍थियों 15:47

पैलो आदमी धरती की मट्‍टी सै बनाओ पर दूसरो आदमी मसी सुरग सै आओ।

2 कुरन्‍थियों 5:14

कैसेकै मसी को पियार हमकै मजबूर कर देवै है, हम जौ समजै हैं कै जब एक आदमी सब लोगौ के ताँई मरै तौ सिगरे लोग बी मर गए।

याकूब 2:1

हे मेरे भईयौ, तुम लोग महिमा बारे हमरे परभु ईसु मसी मै बिसवास करौ हौ इसताँई भेदभाब ना करौ।