यहून्‍ना 21:19 - बुक्सा

¹⁹ बानै ऐंसो जौ इसारो देते भए कैई, कै पतरस कैसी मौत सै परमेसर की महिमा करैगो। और जब बौ जौ कै चुको, तौ बानै बासै कैई, “मेरे पीछे चल!”

यहून्‍ना 21:19 Mawu Ofanana

मत्‍ती 10:38

और जो अपनो कुरूस लेकै मेरे पीछे ना चलै बौ मेरे लायक ना है।

मत्‍ती 19:28

ईसु नै अपने चेलौ सै कैई, “मैं तुमसै सच कैरओ हौं, कै नए युग मै जब आदमी को लौंड़ा अपनी महिमा के सिंगासन मै बैठैगो, तौ तुम बी जो मेरे पीछे हो लए हौ, बारैह सिंगासनौ मै बैठकै ईसराइल के बारैह गोतौं को नियाय करौगे।

मत्‍ती 8:22

पर ईसु नै उस्सै कैई, “तू मेरे पीछे हो ले, मुरदौं कै अपने मुरदे दफनान दे।”

यहून्‍ना 12:26

अगर कोई मेरी सेवा करै है तौ बौ मेरे पीछे हो ले, और जहाँ मैं हौं बहाँ मेरो सेवक बी होगो। अगर कोई मेरी सेवा करै तौ अब्बा बाकी इज्‍जत करैगो।

यहून्‍ना 12:33

पर ऐंसो कैह कै बौ जौ बतानो चाँहै हो, कै बौ कैसी मौत सै मरैगो।

यहून्‍ना 18:32

जौ इसताँई भओ, कै ईसु को बौ बचन पूरो हो, जो बानै जौ बताते भए कैई ही, कै बाकी मौत कैसे होगी।

यहून्‍ना 21:18

मैं तेसै सच-सच कैबौ हौं, जब तू जमान हो तौ अपनी कमर मै परना बांधकै जहाँ चाँहबै हो बहाँ फिरै हो, पर जब तू बुड्‍ढो होगो तौ तू अपने हात फैलागो और कोई दूसरो तेरी कमर बांधैगो और जहाँ तू ना चाँहैगो बहाँ तेकै ले जागो।”

यहून्‍ना 21:22

ईसु नै बासै कैई, “अगर मैं चाँहौ कै बौ मेरे आनै तक जहीं रुको रैह, तौ तेकै इस्सै का? तू मेरे पीछे चलो आ।”

फिलिप्‍पीऔ 1:20

मेरी इच्‍छा और आस जौई है कै चाँहे मैं मरौं या जिन्‍दो रैहऔ मेरी किसी बात मै बेजती ना होए, पर मेरे सरीर सै हमेसा पूरी हिम्मत के संग मसी की महिमा होती रैहऐ जैसी हमेसा होवै है, और अब्बी हो रई है।

2 पतरस 1:14

कैसेकै मैंकै पतो है, जैसो हमरे परभु ईसु मसी नै मैंकै दिखाओ है कै जा दुनिया सै मेरो जानै को बखत धौंरेई आ गओ है।