यहून्‍ना 21:12 - बुक्सा

¹² ईसु नै उनसै कैई, “हिंया आऔ और खाऔ!” चेलौ मै सै किसी कै जौ पूँछनै की हिम्मत ना भई कै, “तू कौन है?” कैसेकै बे जान गए हे कै बौ परभु है।

यहून्‍ना 21:12 Mawu Ofanana

मत्‍ती 22:46

इसके जबाब मै कोई ईसु सै कुछ ना कै सको और उस दिन सै किसी कै उस्सै और सबाल कन्‍नै की हिम्मत ना भई।

मरकुस 9:32

पर बे इस बात कै समज ना सके और ईसु सै पूँछनै सै डरै हे।

लूका 9:45

पर बे इस बात कै समज ना सके। इसको अरथ उनसै छिपो रैह गओ और बे उसकै जान ना सके और बे बा बात के बारे मै बासै पूँछनै सै डरै बी हे।

यहून्‍ना 16:19

ईसु नै जौ जानकै कै बे मैंसै सबाल कन्‍नो चाँहबै हैं, उनसै कैई, “का तुम जा बात के बारे मै आपस मै सोच-बिचार कर रए हौ, जो मैंनै कैई, ‘थोड़ी देर मै तुम मैंकै ना देखौगे, और फिर थोड़ी देर मै तुम मैंकै देखौगे?’

यहून्‍ना 21:11

समौन पतरस किसती मै गओ और एक सौ तिरेपन बड़ी मच्‍छिऔं सै भरो भओ जार कै किनार मै खैंच लाओ, और इत्‍ती जादा मच्‍छी होनै के बाद बी जार ना फटो।

यहून्‍ना 21:15

जब बे रोटी खा चुके, तौ ईसु नै समौन पतरस सै कैई, “हे समौन, यहून्‍ना के लौंड़ा, का तू इनसै जादा बढ़कै मैंसै पियार करै है?” बानै बासै कैई, “हाँ परभु, तू तौ जानै है कै मैं तेसै पियार करो हौं।” ईसु नै पतरस सै कैई, “मेरे मैमनौ कै चुंगा।”

यहून्‍ना 4:27

इतने मै बाके चेला आ गए और बाकै एक बईयर के संग बात करते देख अचम्बे मै पड़ गए, फिर बी किसी नै जौ ना पूँछी, “तू का चाँहबै है?” और “तू इस बईयर सै काए बात कर रओ है?”

चेलौ के काम 10:41

सबई लोगौ के सामने ना पर उन गभाऔ के सामने जिनकै परमेसर नै पैलेई सै चुनर खाओ हो, और बे गभा हम हैं। जब बौ मर कै फिर सै जिन्‍दो भओ तबई हमनै बी बाके संग खाओ और पिओ हो।