यहून्‍ना 20:16 - बुक्सा

¹⁶ ईसु नै बासै कैई, “मरियम!” बानै मुड़कै बासै इबरानी भासा मै कैई, “रब्बूनी!” जिसको अरथ है “गुरू।”

यहून्‍ना 20:16 Mawu Ofanana

मत्‍ती 14:27

ईसु नै तुरन्‍त उनसै बात करी, और कैई, “हिम्मत रक्‍खौ, मैं हौं, डरौ मत।”

मरकुस 10:51

और ईसु नै उस्सै कैई, “तू का चाँहै है कै मैं तेरे ताँई करौं?” अन्धे नै उस्सै कैई, “हे गुरू, मैं फिर सै देख सकौं।”

लूका 10:41

परभु नै बाकै जबाब दओ, “मारथा, हे मारथा, तू भौत सी बातौं के ताँई चिन्‍ता करै है और परेसान होवै है।

यहून्‍ना 1:38

ईसु नै मुड़कै उनकै अपने पीछे आते देखो और उनसै पूँछी, “तुमकै का चँईऐ?” उनौनै कैई, “हे गुरू, तू कहाँ रैहबै है?”

यहून्‍ना 1:49

नतनैल नै बाकै जबाब दओ, “हे गुरू तू परमेसर को लौंड़ा है, तू ईसराइल को महाराजा है।”

यहून्‍ना 10:3

चौकीदार बाके ताँई मौहड़ो खोलै है, और भेड़ बाकी अबाज पैचानै हैं, और बौ अपनी भेड़ौ को नाम ले-लेकै बुलाबै है और उनकै बाहार ले जावै है।

यहून्‍ना 11:28

जे बात कैह कै बौ चली गई, और अपनी बहन मरियम कै बुलाकै चुपके सै कैई, “गुरूजी जहीं है और तेकै बुला रओ है।”

यहून्‍ना 13:13

तुम मैंकै गुरू और परभु कैबौ हौ। तुम ठीकई कैबौ हौ, कैसेकै मैं बौई हौं।

यहून्‍ना 20:28

थौमा नै जबाब देते भए बासै कैई, “हे मेरे परभु, मेरे परमेसर!”

यहून्‍ना 3:2

बानै रात मै ईसु के धौंरे आकै कैई, “हे गुरू, हम जानै हैं कै तू परमेसर की ओर सै आओ भओ गुरू है, कैसेकै इन चमत्कारौं कै जो तू दिखाबै है, अगर परमेसर उसके संग ना होतो तौ जे चमत्कार कोई ना दिखा सकतो।”

यहून्‍ना 5:2

ऐरूसलेम मै भेड़ नाम के फाटक के धौंरे एक तलाब हो, जो इबरानी भासा मै “बैतसैदा” कैलाबै हो, जिसके किनार पाँच दैहरी जैसी जघै बनी पड़ी हीं।

यहून्‍ना 6:25

बे झील के पल्‍ली पार गए और ईसु कै बहाँ देखो तौ बासै कैई, “हे गुरू, तू हिंया कब आओ?”

चेलौ के काम 10:3

कुरनेलियुस नै दिन मै कम सै कम तीन बजे के बखत मै एक दरसन देखो कै परमेसर को एक सुरगदूत बाके धौंरे आओ और कैई कै, “हे कुरनेलियुस।”

चेलौ के काम 9:4

और बौ धरती मै गिर गओ, और जौ अबाज सुनी, “हे साऊल, हे साऊल, तू मैंकै काए सता रओ है?”