यहून्‍ना 19:6 - बुक्सा

⁶ जब मुक्‍ख पुजारिऔं और मन्‍दर के सिपाईऔं नै बौ देखो, तौ जौ कैह कै चिल्‍लाए, “बाकै कुरूस मै चढ़ाऔ, कुरूस मै।” पीलातुस नै उनसै कैई, “तुमई बाकै ले जाऔ और कुरूस मै चढ़ाऔ, कैसेकै मैं बामै कोई दोस ना पावौं हौं।”

यहून्‍ना 19:6 Mawu Ofanana

मत्‍ती 26:58

पतरस उस्सै कुछ दूर-दूर रैहते भए उसके पीछे-पीछे बड़े पुजारी के घर के दारे के भीतर तक चलो गओ। कै ईसु के संग का होगो देखनै बहाँ पैहरेदार के संग बैठ गओ।

मत्‍ती 27:22

तब पीलातुस नै उनसै पूँछी, “तौ मैं, जो मसी कैलाबै है उस ईसु को का करौं?” बे सब बोले, “बाकै कुरूस मै चढ़ा दो।”

मत्‍ती 27:24

जब पीलातुस नै देखो कै कुछ ना बन पड़ रओ है, उल्टा दंगा फसाद हो सकै है, तौ बानै पानी मँगाकै लोगौ के सामने हात धोए और कैई, “मैं इस धरमी के खून को दोसी ना हौं, तुम लोग जानौ।”

लूका 23:4

तब पीलातुस नै मुक्‍ख पुजारिऔं और लोगौं सै कैई, “मैंकै इस आदमी मै कोई बी दोस दिखाई ना देरओ है।”

यहून्‍ना 18:3

तब यहूदा, रोमी सैना के एक दल कै, और मुक्‍ख पुजारिऔं और फरीसिऔं की ओर सै सिपाईऔं कै लेकै बहाँ लालटैनौ, मसालौं और हतियारौं के संग आओ।

यहून्‍ना 18:31

इसताँई पीलातुस नै उनसै कैई, “तुमई जाकै ले जा कै अपने नियम के अनुसार जाको नियाय करौ।” यहूदिऔं नै बासै कैई, “हमकै किसी कै मौत की सजा दैनै को हक ना है।”

यहून्‍ना 18:38

पीलातुस नै बासै कैई, “सच का है?” और जब जौ कैह चुको तौ बौ फिर यहूदिऔं के धौंरे बाहार गओ और उनसै कैई, “मैं बामै कोई दोस ना देखौ हौं।

यहून्‍ना 19:15

बे फिर चिल्‍लाए, “जाकै मार दो! जाकै मार दो! जाकै कुरूस मै चढ़ाओ!” पीलातुस नै उनसै कैई, “का मैं तुमरे राजा कै कुरूस मै चढ़ाऔ?” मुक्‍ख पुजारिऔं नै जबाब दओ, “रोमी समराट कैसर कै छोड़कै हमरो कोई दूसरो राजा ना है।”

यहून्‍ना 19:4

और पीलातुस फिर बाहार आओ और बानै कैई, “देखौ, मैं बाकै बाहार तुमरे धौंरे ला रओ हौं, जिस्सै कै तुम जानलो कै मैं बामै कोई दोस ना पावौं हौं।”

चेलौ के काम 2:23

परमेसर के दुआरा ईसु के ताँई जौ योजना पैलेई सै बनार खाई ही और बाईके हिसाब सै पकड़बाओ गओ, और तुमनै अधरमिऔं के हात सै बाकै कुरूस मै चढ़ाकै मार डारो।

चेलौ के काम 7:52

का ऐंसो कोई बी नबी बचो है जिनकै तुमरे बापदादौं नै सताओ ना होए? और उनौनैई उनकै बी मार डारो जिनौनै भौत पैलेई बा धरमी के आनै की खबर दई ही, बाई धरमी कै अब तुमनै धोको देकै पकड़बाओ और मरवा दओ।