यहून्‍ना 19:26 - बुक्सा

²⁶ तौ जब ईसु नै अपनी अईया, और बा चेला कै जिस्सै बौ पियार करै हो, धौंरे खड़े भए देखे, तौ अपनी अईया सै कैई, “हे नारी! देख, जौ तेरो लौंड़ा।”

यहून्‍ना 19:26 Mawu Ofanana

यहून्‍ना 13:23

बाके चेलौ मै सै एक चेला ईसु की छाती की ओर झुक्‍कै बैठो भओ हो। जिस्सै ईसु पियार करै हो।

यहून्‍ना 2:4

तब ईसु नै उस्सै कैई, “हे नारी, मैंकै तेसै का काम? मेरो टैम अबी ना आओ है।”

यहून्‍ना 20:2

फिर बौ भाजकै समौन पतरस और बा दूसरे चेला के धौंरे आई जिस्सै ईसु पियार करै हो, और उनसै कैललगी, “बे परभु कै कबर मै सै उठा ले गए हैं, और हमकै ना पतो कै उनौनै बौ कहाँ रखो है।”

यहून्‍ना 21:20

पतरस नै मुड़कै बौ चेला पीछे आते देखो, जिस्सै ईसु पियार करै हो, यानी बौई जिसनै खानै के टैम बाकी छाती की ओर झुकते भए पूँछी ही, “परभु, तेकै धोके सै पकड़बानै बारो कौन है?”

यहून्‍ना 21:24

जौ बौई चेला हो जो इन बातौं की गभाई देवै है जिसनै जे बात लिखी हैं और हम जानै हैं कै बाकी गभाई सच्‍ची है।

यहून्‍ना 21:7

फिर ईसु के पियारे चेला नै पतरस सै कैई, “जौ तौ परभु है!” इसताँई जब समौन पतरस नै सुनो कै जौ परभु है तौ बानै अपनो ऊपर को पैहरनै बारो लत्‍ता कस लओ कैसेकै बानै लत्‍ता लिकार खाए हे और बौ झील मै कूद पड़ो।