यहून्‍ना 19:17 - बुक्सा

¹⁷ और बौ अपनो कुरूस उठाते भए बा जघै तक गओ जो “खोपड़ी की जघै” कैलाबै ही और जिनकै इबरानी मै “गुलगोता” कैबै हैं।

यहून्‍ना 19:17 Mawu Ofanana

मत्‍ती 10:38

और जो अपनो कुरूस लेकै मेरे पीछे ना चलै बौ मेरे लायक ना है।

मत्‍ती 16:24

तब ईसु नै अपने चेलौ सै कैई, “अगर कोई मेरे पीछे आनो चाँहै, तौ अपने आप को इनकार करै और रोज बाकै दुख झेलनो पड़ैगो चाँए मौत बी आ जाय। तबई बौ मेरे पीछे आ सकै है।

मत्‍ती 27:37

सिपाईऔं नै ईसु के ऊपर लगाए भए दोस कै एक पट्‍टी मै लिखकै खोपड़ी के ऊपर लटका दई। जिसमै लिखो हो कै “जौ यहूदिऔं को राजा ईसु है।”

मरकुस 10:21

उसकै देखकै ईसु कै पियार आओ और उसनै कैई, “तैमै अबी बी एक बात की कमी है। जा, जो कुछ तेरो है उसकै बेचकै गरीबौ मै बाँट दे तौ तेकै सुरग मै धन मिलैगो, और आकै मेरे पीछे हो ले।”

मरकुस 15:26

और उसके दोस एक तक्‍ती मै लिखकै उसके ऊपर टांग दई कै “यहूदिऔं को राजा।”

मरकुस 15:32

जौ तौ मसी, ईसराइल को राजा है। अब जौ कुरूस सै उतरै, जिस्सै हम देक्‍कै बिसवास करै।” जो ईसु के संग कुरूस मै चढ़ाए गए हे, बे बी बाकी बेजती कर रए हे।

मरकुस 8:34

फिर उसनै भीड़ कै अपने चेलौ समेत धौंरे बुलाकै उनसै कैई, “जो कोई मेरे पीछे आनो चाँहै, तौ बौ अपनो तियाग करै और अपनो कुरूस उठाकै, मेरे पीछे हो ले।

लूका 14:27

और जो अपनो कुरूस लेकै मेरे पीछे ना चलै है, तौ बौ मेरो चेला ना हो सकै है।

लूका 23:26

जब सिपाई ईसु कै ले जा रए हे तौ उनौनै कुरैन सैहर के रैहनै बारे समौन नाम के एक आदमी कै, जो अपने खेतौ सै आ रओ हो, पकड़ लओ और उसके ऊपर कुरूस लाद कै बौ ईसु के पीछे-पीछे चलनै कै मजबूर करो।

लूका 23:33

फिर बे खोपड़ी नाम की जघै मै आए, और बहाँ ईसु कै और उन दो अपरादिऔं कै कुरूस मै चढ़ाओ। उन अपरादिऔं मै सै एक ईसु के खाने हात की ओर और दूसरो बाँई हात की ओर चढ़ाओ

लूका 23:38

और ईसु के कुरूस के ऊपर एक तक्‍ती लगाई गई ही, जिसमै लिखो हो “जौ यहूदिऔं को राजा है।”

लूका 9:23

इसके बाद ईसु नै सबसै कैई, “जो कोई मेरे पीछे आनो चाँहै, तौ अपने आप को इनकार करै और रोज अपने दुख और मुसीबत उठाय चाँए मौत बी आ जाय। बौई मेरे पीछे चल सकै है।

यहून्‍ना 19:13

जब पीलातुस नै जे बात सुनी तौ बौ ईसु कै बाहार बा जघै मै ले गओ और “पत्‍थर को चबूतरा” नाम की नियाय की गद्‍दी मै बैठो। जाकै इबरानी भासा मै “गब्बता” कैओ गओ है।

यहून्‍ना 5:2

ऐरूसलेम मै भेड़ नाम के फाटक के धौंरे एक तलाब हो, जो इबरानी भासा मै “बैतसैदा” कैलाबै हो, जिसके किनार पाँच दैहरी जैसी जघै बनी पड़ी हीं।

चेलौ के काम 7:58

बे आरोप लगानै बारे सितेफनुस कै खचेड़ते भए ऐरूसलेम सैहर सै बाहार लिआए, और पत्‍थर मारनै के ताँई उनौनै अपनी ऊपर की फतँईऔ कै लिकारकै साऊल नाम एक जमान बालक के पाँऐऔं मै रख दओ।