यहून्‍ना 19:11 - बुक्सा

¹¹ ईसु नै जबाब दओ, “अगर तेकै परमेसर की ओर सै ना देओ जातो तौ तेरो मेरे ऊपर कोई अधकार ना होतो, इसताँई जिस आदमी नै मैंकै तेरे हात मै दओ है, बाको पाप जादा है।”

यहून्‍ना 19:11 Mawu Ofanana

मत्‍ती 26:65

तब बड़े पुजारी नै अपने लत्‍ता फाड़कै कैई, “जानै परमेसर की बुराई करी है, अब हमकै गभाऔ की जरूरतई काए है? अबी-अबी तुम लोगौ नै जाकै परमेसर की निन्‍दा करते सुनो है।

मत्‍ती 27:2

फिर बे ईसु कै बांधकै ले गए और रोमी राजपाल पीलातुस के हात मै सौंप दओ।

मत्‍ती 6:13

और हमकै पाप मै ना पड़न दे, पर बुराई सै बचा, (कैसेकै राज और पराकरम और महिमा हमेसा तेरेई हैं। ऐंसोई होए)।

मरकुस 14:44

धोके सै पकड़बानै बारे नै जौ इसारो बतार खाओ हो, “जिसकै मैं चूमौ बौई ईसु है। उसई कै पकड़ लेईओ और पकड़कै साबधानी सै पैहरे मै रखिओ।”

लूका 22:53

जब मैं मन्‍दर मै हर दिन तुमरे संग हो, तौ तुमनै मैं ना पकड़ो; पर जौ बौई टैम है जो तुमरे काम कन्‍नै के ताँई ठैराओ है, और इन्धेरे को राज चालू है।”

यहून्‍ना 18:13

और पैले बाकै हन्‍नास के धौंरे ले गए, कैसेकै बौ बा साल के बड़े पुजारी कैफा को सुसर हो।

यहून्‍ना 18:3

तब यहूदा, रोमी सैना के एक दल कै, और मुक्‍ख पुजारिऔं और फरीसिऔं की ओर सै सिपाईऔं कै लेकै बहाँ लालटैनौ, मसालौं और हतियारौं के संग आओ।

यहून्‍ना 19:10

तब पीलातुस नै बासै कैई, “का तू मैंसै ना बोलैगो? का तू ना जानै है कै मैंकै तेकै छोड़ दैनै को अधकार है और तेकै कुरूस मै चढ़ानै को बी अधकार है?”

यहून्‍ना 3:27

यहून्‍ना नै जबाब दओ, “आदमी कै बौई मिलै है जो बाकै सुरग सै देओ जावै है।

यहून्‍ना 7:30

फिर बे बाकै पकड़नै की कोसिस कन्‍नै लगे, मगर किसी नै बी उसके ऊपर हात ना लगाओ, कैसेकै बाको टैम अब तक ना आओ हो।

यहून्‍ना 9:41

ईसु नै उनसै कैई, “अगर तुम अन्धे होते तौ तुम्मै कोई पाप ना होतो। पर अब तुम कैबौ हौ, हम देखै हैं, इसताँई तुमरो पाप बनो रैहबै है।”

चेलौ के काम 2:23

परमेसर के दुआरा ईसु के ताँई जौ योजना पैलेई सै बनार खाई ही और बाईके हिसाब सै पकड़बाओ गओ, और तुमनै अधरमिऔं के हात सै बाकै कुरूस मै चढ़ाकै मार डारो।

चेलौ के काम 3:13

इब्राहिम, इसहाक, याकूब के परमेसर और हमरे बापदादौं के परमेसर नै अपने सेवक ईसु की महिमा करी। पर तुमनै बाकै पकड़बाओ, और जब पीलातुस नै बाकै छोड़ दैनै की सोची, तौ तुमनै बाके सामने बाको इनकार करो।

चेलौ के काम 4:28

और जो कुछ तेरी मरजी और सकति सै पैलेई ठैराओ गओ हो, बैसोई होए।

रोमियो 11:36

कैसेकै सब कुछ बनानै बारो बौई है। उसई सै सब कुछ टिको है और बौ उसई के ताँई है। उसकी महिमा हमेसा होती रैह! ऐंसोई होए।

रोमियो 13:1

हर एक आदमी अधकारिऔं के आधीन रैह, कैसेकै ऐंसो कोई अधकार ना है, जो परमेसर की ओर सै ना होए। और जो अधकारी हैं बे परमेसर की ओर सै बनाऐ गए हैं।

याकूब 1:17

कैसेकै सबई अच्‍छे और पक्‍के बरदान ऊपर सै हैं, और जे सबई उज्‍जेरे के अब्बा की ओर सै नीचे आबै हैं, और छाँई तौ बदल जावै है पर बौ कबी ना बदलै है।

याकूब 4:17

और जो आदमी जौ जानै है कै बाकै भलाई कन्‍नी चँईऐ, मगर बौ ना करै है, तौ बौ पाप कर रओ है।