यहून्‍ना 18:30 - बुक्सा

³⁰ उनौनै बाकै जबाब देते भए कैई, “अगर जौ आदमी दोसी ना होतो तौ हम जाकै तेरे धौंरे काए लाते?”

यहून्‍ना 18:30 Mawu Ofanana

मरकुस 10:33

“देखौ, हम ऐरूसलेम जा रए हैं, आदमी के लौंड़ा कै धोके सै पकड़बाकै, मुक्‍ख पुजारिऔं और सास्तरिऔं कै सौंप दओ जागो और बे उसकै मौत की सजा सुनाकै गैर यहूदिऔं के हवाले कर दंगे।

मरकुस 15:3

फिर मुक्‍ख पुजारी नै उसके ऊपर भौत से दोस लगाए।

लूका 24:7

और बानै जौ कैई ही कै, ‘मैं’ आदमी के लौंड़ा कै, पापिऔं के हवाले कर दओ जानो होगो, कुरूस मै चढ़ाओ जानो और तीसरे दिन फिर जी उठनो होगो।”

यहून्‍ना 18:29

तब पीलातुस बाहार लिकरकै आओ, और कैई, “तुम जा आदमी मै का इलजाम लगाबौ हौ?”

यहून्‍ना 18:31

इसताँई पीलातुस नै उनसै कैई, “तुमई जाकै ले जा कै अपने नियम के अनुसार जाको नियाय करौ।” यहूदिऔं नै बासै कैई, “हमकै किसी कै मौत की सजा दैनै को हक ना है।”

यहून्‍ना 19:12

जौ सुनकै पीलातुस बाकै छोड़नै के ताँई कोसिस करल लगो। मगर यहूदी लोग चिल्‍लाए “अगर तू जाकै छोड़ै है, तौ तू रोमी समराट कैसर को दोस्त ना है, कोई बी जो अपने आपकै राजा होनै को दाबो करै है, तौ बौ कैसर को बिरोदी है।”

चेलौ के काम 3:13

इब्राहिम, इसहाक, याकूब के परमेसर और हमरे बापदादौं के परमेसर नै अपने सेवक ईसु की महिमा करी। पर तुमनै बाकै पकड़बाओ, और जब पीलातुस नै बाकै छोड़ दैनै की सोची, तौ तुमनै बाके सामने बाको इनकार करो।

2 तीमुथियुस 2:9

अच्‍छी खबर के ताँई मैं दुख झेलौ हौं और मैंकै कैदी के हाँई साँकरौ सै जकड़ो गओ। पर परमेसर कै कैद ना करो जा सकै है।

1 पतरस 4:15

तुम मै सै कोई बी आदमी खूनी, चोर, कुकरम कन्‍नै बारो या दूसरे के काम मै टांग अड़ानै की बजै सै दुख ना झेलै।