यहून्‍ना 18:20 - बुक्सा

²⁰ ईसु नै बाकै जबाब दओ, “मैंनै दुनिया सै खुल कै बात करी हैं। मैंनै हमेसा पिराथना घरौं और मन्‍दर मै जहाँ सब यहूदी इखट्‍टे होवै हैं सिक्‍छा दई है, और मैंनै कबी बी चुपके सै कुछ ना कैई है।

यहून्‍ना 18:20 Mawu Ofanana

मत्‍ती 24:26

“अगर बे तुम लोगौ सै कैंऐ, ‘देखौ, बौ बियाबान मै है’ तौ बहाँ मत जईओ और अगर बे कैंऐ, ‘देखौ, बौ उन कमरौ मै लुको भओ है,’ तौ उनको बिसवास मत करिओ।

मत्‍ती 26:55

उसई घड़ी ईसु नै भीड़ सै कैई, “का तुम तरवार और लठिया लेकै मैंकै डाँकू के हाँई पकड़नै के ताँई आए हौ? मैं रोज मन्‍दर मै बैठकै सिक्‍छा देवै हो, फिर बी तुमनै मैं ना पकड़ो।

मत्‍ती 26:65

तब बड़े पुजारी नै अपने लत्‍ता फाड़कै कैई, “जानै परमेसर की बुराई करी है, अब हमकै गभाऔ की जरूरतई काए है? अबी-अबी तुम लोगौ नै जाकै परमेसर की निन्‍दा करते सुनो है।

मत्‍ती 4:23

और ईसु सैरे गलील मै फिरतो भओ उनकी पिराथना घरौं मै उपदेस देतो और परमेसर के राज की अच्‍छी खबर को परचार करतो और लोगौं की हर तरै की बेमारी ठीक और कमजोरिऔं कै दूर करतो रैहओ

मत्‍ती 9:35

और ईसु सब सैहरौं और गामौ मै फिरतो रैहओ और उनकी पिराथना घरौं मै उपदेस देतो और परमेसर के राज की अच्‍छी खबर को परचार करतो, और हर तरै की बेमारी ठीक और कमजोरिऔं कै दूर करतो रैहओ।

मरकुस 8:32

उसनै जौ बात उनसै साप-साप कैदई, इसमै पतरस ईसु कै अगल ले जाकै डाटल लगो।

लूका 21:37

ईसु दिन मै मन्‍दर मै उपदेस देवै हो, और रात कै बाहार जाकै जैतून नाम के पहाड़ मै रैहए करै हो।

लूका 4:15

और बौ यहूदी पिराथना घरौं मै उनकै उपदेस बतातो रैहओ, और सब उसकी बड़ाई करै हे।

यहून्‍ना 18:21

तू मैंसै का पूँछै है? सुन्‍नै बारौ सै पूँछ कै मैंनै उनसै का कैई। देख, जे जानै हैं कै मैंनै का का कैई है।”

यहून्‍ना 6:59

बानै जे बात कफरनहूम के यहूदी पिराथना घर मै सिक्‍छा देते टैम कैंई।

यहून्‍ना 7:14

जब तौहार को आधो टैम बीत गओ, तौ ईसु मन्‍दर मै गओ और उपदेस देल लगो।

यहून्‍ना 7:26

मगर देखौ बौ सब आदमिऔ के बीच मै बोल रओ है और बे कुछ बी ना बोल पा रए हैं। कहीं ऐंसो तौ ना है कै यहूदी नेता सच्‍ची मैई जान गए कै जौई मसी है?

यहून्‍ना 7:28

तब ईसु नै मन्‍दर मै सिक्‍छा देते भए जोर सै कैई, “तुम मैंकै जानौ हौ, और जौ बी जानौ हौ कै मैं कहाँ सै आओ हौं। मैं अपने आप सै ना आओ, पर बौ जिसनै मैं भेजो हौं बौ सच्‍चो है, जिसकै तुम ना जानौ हौ

यहून्‍ना 7:4

जो आदमी दूसरौं की नजरौ मै इज्‍जत बनानो चाँहबै है बौ अपने कामौ कै चोरी-छिपे ना करै है। अगर तू चमत्कार के कामौ कै करै है तौ अपने आपकै दुनिया के सामने दिखा।”

यहून्‍ना 8:2

और सुबे होतेई बौ फिर मन्‍दर मै गओ। सबई आदमी बाके धौंरे आए। और ईसु बहाँ बैठकै उनकै उपदेस दैनै लगो।

यहून्‍ना 8:26

मैं तुमकै भौत सी बातौं मै दोसी ठैरा सकौ हौं। पर सच्‍चो बौई है जिसनै मैंकै भेजो है। जो मैं बासै सुनौ हौं बौई बात मैं दुनिया कै कैबौ हौं।”

चेलौ के काम 26:26

हे राजा अगरिपा, मैं तेरे सामने बिना डरे बोल रओ हौं और तू खुद बी इन बातौं के बारे मै जानै है। मैंकै बिसवास है कै इन बातौं मै सै कुछ बी बात तेसै लुकी ना है। कैसेकै जौ घटना किसी कौने मै ना भई।