यहून्‍ना 17:6 - बुक्सा

⁶ “मैंनै तेरो नाम उन आदमिऔ मै परकट करो है जो तैनै दुनिया मै सै मैंकै दए। बे तेरे हैं, और तैनै बे मैंकै दए और उनौनै तेरे बचन मान लए हैं।

यहून्‍ना 17:6 Mawu Ofanana

यहून्‍ना 1:18

परमेसर कै किसी नै कबी ना देखो, परमेसर को इकलौतो लौंड़ा जो खुद परमेसर है और अब्बा के संग है, बाई नै बौ परकट करो है।

यहून्‍ना 12:28

हे अब्बा, अपने नाम की महिमा कर, तब जौ आकासवानी भई, मैंनै अपने नाम की महिमा करी है, और फिर करंगो।”

यहून्‍ना 15:19

अगर तुम दुनिया के होते, तौ तुमकै दुनिया अपनौ के जैसे पियार करती, पर इसताँई कै तुम दुनिया के ना हौ और मैंनै तुमकै दुनिया मै सै चुनकै लिकार लओ है इसताँई दुनिया तुमसै नफरत करै है।

यहून्‍ना 15:3

तुम बा बचन के बजै सै सुद्‍द हो चुके हौ जो मैंनै तुमसै कैई है।

यहून्‍ना 15:7

अगर तुम मैंई मै बने रौह, और मेरे बचन तुम्मै बने रैंह तौ जो चाँहे माँगौ, बौ तुमरे ताँई हो जागो।

यहून्‍ना 17:12

जब मैं उनके संग हो, तौ मैंनै तेरे बा नाम सै जो तैनै मैंकै दओ उनकै बचाकै रक्‍खो और रक्छा करी है, बामै सै कोई नास ना होओ, सिरप बाई को जिसको नास होनो पक्‍को हो। इसताँई कै पबित्‍तर सास्तर की बात पूरी हो।

यहून्‍ना 17:14

मैंनै उनकै तेरो बचन दओ है, और दुनिया नै उनसै नफरत करी है, कैसेकै जैसे मैं दुनिया को ना हौं, बैसे बे बी दुनिया के ना हैं।

यहून्‍ना 17:16

बे दुनिया के ना हैं, जैसे कै मैं बी दुनिया को ना हौं।

यहून्‍ना 17:2

तैनै तौ उसकै सिगरी मानब जाति मै अधकार दओ है, कै बौ उन सबकै जिनकै तैनै उसकै दओ है, उनकै हमेसा की जिन्‍दगी दे।

यहून्‍ना 17:24

अब्बा, मैं चाँहौ हौं कै जिनकै तैनै मैंकै दओ है, जहाँ मैं हौं, बहाँ बे बी मेरे संग रैहंगे। कै बे मेरी बा महिमा कै देख सकैं जो तैनै मैंकै दई है, कैसेकै तैनै दुनिया बनानै सै पैले मैंसै पियार करो।

यहून्‍ना 17:26

और मैंनै तेरो नाम इनकै बताओ और बतातो रैहंगो, कै जो पियार तैनै मैंसै करो, बौ उनमै बी बनो रैह और मैं बी उनमै बनो रौह।”

यहून्‍ना 17:7

अब बे जान गए हैं कै जो कुछ तैनै मैंकै दओ है, बौ सबई तेरी ओर सै है,

यहून्‍ना 18:9

जिस्सै कै बौ बचन पूरो होए जो बानै कैओ हो, “जो तैनै मैंकै दए बामै सै मैंनै एक कै बी ना खोओ।”

यहून्‍ना 6:37

जो कुछ अब्बा मैंकै देवै है, बौ सब मेरे धौंरे आगो, और जो कोई बी मेरे धौंरे आगो बाकै कबी ना लिकारंगो।

यहून्‍ना 6:39

जिसनै मैं भेजो बाकी जौ इच्‍छा है, कै बौ सब जो बानै मैंकै दओ है, बामै सै कुछ बी ना खोवौं, पर आखरी दिन मै बाकै जिन्‍दो करौं।

यहून्‍ना 8:51

मैं तुमसै सच-सच कैबौ हौं कै अगर जो कोई मेरी सिक्‍छा कै मानै है तौ बौ कबी बी मौत कै ना देखैगो।”

यहून्‍ना 8:52

यहूदिऔं नै ईसु सै कैई, “अब हम जान गए हैं कै तैमै दुसट आत्‍मा है। इब्राहिम मर गओ और नबी बी, और तू कैबै है कै अगर कोई मेरी सिक्‍छा कै मानैगो बौ कबी मौत को सबाद ना चखैगो।

चेलौ के काम 13:48

जौ बात सुनकै गैर यहूदी लोग खुस भए और परभु के बचन की बड़ाई करल लगे, पर जितनेऔ कै हमेसा की जिन्‍दगी के ताँई छाँटकै रखर खाओ हो उन्‍नै बिसवास करो।

रोमियो 11:2

परमेसर नै अपने लोगौ कै ना छोड़ो, जिनकै बानै पैलेई सै चुनो हो। और का तुम ना जानौ हौ, कै पबित्‍तर सास्तर एलिया के बारे मै का कैबै है, कै एलिया ईसराइल के खिलाप परमेसर सै पिराथना कर रओ हो।

2 कुरन्‍थियों 4:6

कैसेकै परमेसरई है जिसनै ऐंसो कैओ है कै, “इन्धेरे मै उज्‍जेरो हो जाय।” और बौई उज्‍जेरो हमरे दिलौ मै बी चमको जिस्सै कै हम परमेसर की बा महिमा के गियान की जोती कै जान जाऐ जो परभु ईसु मसी के मौह मै चमकै है।

कुलुसिऔं 3:16

मसी के बचनौ कै अपने दिल मै पूरी तरै सै बसालो; और पूरे गियान सै एक दूसरे कै सिकाऔ और चितौनी दो, और अपने अपने मन मै धन्‍नबाद के संग परमेसर के ताँई किरतन करौ और भजन और आत्‍मिक गीत गाय करौ।

2 तीमुथियुस 1:13

जो खरी बात तुमनै मैंसै सुनी है, बाकै बा बिसवास और पियार सै जो ईसु मसी मै है, थामे रौह।

इबरानिओ 2:12

और बौ कैबै है कै, “मैं अपने लोगौ के सामने तेरे नाम कै उठांगो, और बिसवासिऔ की मंडली मै मैं तेरे गीत गांगो।”

इबरानिओ 3:6

पर मसी परमेसर को लौंड़ा होते भए बाके घराने के सामने बिसवासजोग हो। अगर हम हिम्मत रक्‍खै और जो आस मसी मै है बाकै ना छोड़ै तौ तबई हम परमेसर के घराने के हैं।

1 पतरस 1:1

पतरस जो ईसु मसी को भेजो भओ चेला हो बाकी ओर सै, परमेसर के उन चुने भएऔं के नाम जो परदेसी होकै, पुन्‍तुस, गलातिया, कपदुकिया, एसिया और बिथुनिया इलाके मै सबई इतै-उतै रैहबै हैं।

1 यहून्‍ना 5:20

हम जानै हैं कै परमेसर को लौंड़ा आ गओ है और बानै हमकै समज दई, ताकि हम बा सच्‍चे परमेसर कै जान लैं और बामै बने रैंह जो सच्‍चो है, कैसेकै हम बाके लौंड़ा ईसु मसी मै बने रैहबै हैं। जौई सच्‍चो परमेसर है और हमेसा की जिन्‍दगी है।

परकासन 2:13

“मैं जौ जानौ हौं कै तू बहाँ रैहबै है जहाँ सैतान को राज है। तू मेरे नाम मै खड़ो रैहबै है, और मेरे ऊपर बिसवास कन्‍नै सै उन दिनौ मै बी पीछे ना हटो जब मेरो ईमानदार गभा अन्‍तिपास, तुमरे बीच उस जघै मै मारो गओ जहाँ सैतान को अड्‍डा है।

परकासन 3:10

तुम मेरे बचनौ मै पक्‍के बने रैहए हे, इसताँई मैं बी तुमकै इस मुसीबत की घड़ी मै बचाकै रखंगो, जो सिगरी दुनिया मै आनै बारी है और जो धरती मै रैहनै बारे हैं उनकै परखैगी।

परकासन 3:8

“मैं तेरे कामौ कै जानौ हौं। देख, मैंनै तेरे ताँई एक मौहड़ो खोलर खाओ है, जिसकै कोई बन्‍द ना कर सकतो। मैं जानौ हौं कै तेरी सकति थोड़ी सी है, फिर बी तैनै मेरे बचन को पालन करो है और मेरे नाम को इनकार ना करो।