यहून्‍ना 17:4 - बुक्सा

⁴ जो काम तैनै मैंकै कन्‍नै कै दए हे, बाकै पूरो करकै मैंनै दुनिया मै तेरी महिमा करी है।

यहून्‍ना 17:4 Mawu Ofanana

लूका 22:37

कैसेकै मैं तुमसै कैरओ हौं कै, पबित्‍तर सास्तर मै लिखी भई बात, मैं मै जरूर पूरी हौंगी, ‘कै उसकी गिनती कुकरमिऔ मै भई,’ और जो कुछ मेरे बारे मै लिखो गओ है, बौ पूरो होनै मै है।”

यहून्‍ना 12:28

हे अब्बा, अपने नाम की महिमा कर, तब जौ आकासवानी भई, मैंनै अपने नाम की महिमा करी है, और फिर करंगो।”

यहून्‍ना 14:13

और जो कुछ तुम मेरे नाम सै माँगौगे, बौई मैं करंगो कै लौंड़ा के दुआरा अब्बा की महिमा हो।

यहून्‍ना 14:31

पर इसताँई कै दुनिया जान ले कै मैं अब्बा सै पियार करौ हौं और जिस तरै अब्बा नै मैंकै आगियाँ दई है, मैं बैसोई बाकै करौ हौं। ‘उठौ, हिंया सै चलौ।’ ”

यहून्‍ना 15:10

अगर तुम मेरी आगियाँऔ कै मानौगे तौ तुम मेरे पियार मै बने रौहगे, बैसेई जैसो मैं अपने अब्बा की आगियाँऔ कै मानौ हौं और बाके पियार मै बनो रैहबौं हौं।

यहून्‍ना 19:28

जाके बाद ईसु नै जौ जानकै कै सब कुछ पूरो हो गओ है, तौ बानै पबित्‍तर सास्तर की बात पूरी होनै के ताँई कैई, “मैं पियासो हौं।”

यहून्‍ना 19:30

जब ईसु नै बौ सिरका लेओ तौ कैई, “पूरो भओ” और बानै खोपड़ी झुकाई और अपनी आत्‍मा सौंप दई।

यहून्‍ना 4:34

ईसु नै उनसै कैई, “मेरी रोटी जौ है कै मैं अपने भेजनै बारे की मरजी सै चलौं और बाको काम पूरो करौं।

यहून्‍ना 5:36

“पर मेरे धौंरे जो गभाई है बौ यहून्‍ना की गभाई सै बड़ी है, कैसेकै जो काम अब्बा नै मैंकै पूरो कन्‍नै के ताँई सौंपो है, मतलब जौई काम जो मैं करौं हौं बे मेरे गभा हैं कै अब्बा नै मैं भेजो हौं।

यहून्‍ना 9:3

ईसु नै जबाब दओ, “ना तौ जा आदमी नै पाप करो, नाई जाके अईया-अब्बा नै पर जौ इसताँई अन्धो पैदा भओ कै परमेसर के काम जामै दिखाए जांऐ।

चेलौ के काम 20:24

पर मेरे नजरौ मै मेरी जान की कोई कीमत ना है, कैसेकै मैं अपनी दौड़ पूरी कन्‍नै की सोचौ हौं और परमेसर के किरपा की अच्‍छी खबर कै सुनानै के काम कै पूरो कन्‍नो चाँहौ हौं जिसके ताँई मैंकै परभु नै चुनो है।

2 तीमुथियुस 4:7

मैंनै परभु के ताँई अच्‍छी कुस्ती लड़ी और अपनी दौड़ पूरी कर लई और मैंनै अपने बिसवास कै बचाए रक्‍खो।