यहून्‍ना 17:1 - बुक्सा

¹ ईसु नै जे बात कैह कै अपनी आँख सुरग की ओर उठाते भए कैई, “हे अब्बा, टैम आ गओ है। अपने लौंड़ा की महिमा कर, जिस्सै लौंड़ा तेरी महिमा करै।

यहून्‍ना 17:1 Mawu Ofanana

मरकुस 14:41

बौ तीसरी फेरी लौहटकै आओ और उनसै बोलो, “का तुम अब तक आराम सै सो रए हौ? बस, बौ घड़ी आ पौंची है जब आदमी के लौंड़ा कै धोके सै पकड़बाकै पापिऔं के हवाले कर दओ जागो।

लूका 18:13

“पर लगान लैनै बारे नै दूर खड़े होकै, हिंया तक कै सुरग की ओर अपनी आँख तक ना उठांई, और अपनी छाती पीटते भए बोलो, ‘हे परमेसर, मैं पापी हौं मेरे ऊपर दया कर और मैंकै माफ कर दे।’”

लूका 22:53

जब मैं मन्‍दर मै हर दिन तुमरे संग हो, तौ तुमनै मैं ना पकड़ो; पर जौ बौई टैम है जो तुमरे काम कन्‍नै के ताँई ठैराओ है, और इन्धेरे को राज चालू है।”

यहून्‍ना 11:4

पर जब ईसु नै जौ सुनी तौ कैई, “जौ बेमारी मौत की ना है, पर परमेसर की इज्‍जत के ताँई है, कै जाके दुआरा परमेसर के लौंड़ा की बड़ाई हो।”

यहून्‍ना 11:41

तब उनौनै पत्‍थर हटाओ। और ईसु नै आसमान की ओर देखो और कैई, “अब्बा मैं तेरो धन्‍नबाद करौ हौं कै तैनै मेरी सुन लई।

यहून्‍ना 12:23

और ईसु नै जबाब देते भए उनसै कैई, “टैम आ गओ है, कै आदमी के लौंड़ा की बड़ाई हो।

यहून्‍ना 13:1

अब फसै को तौहार धौंरेई हो। ईसु कै जौ पतो हो कै मेरी घड़ी आ गई है कै मैं दुनिया छोड़कै अब्बा के धौंरे जांऔ। जिन लोगौ कै बौ इस दुनिया मै पियार करतो आओ हो उनसै आखरी तक बैसेई पियार करो।

यहून्‍ना 16:32

देखौ, बौ टैम आ रओ है, बलकन आई गओ है कै तुम तितर बितर होकै अपने अपने घर कै चले जाऔगे और मैंकै इकलो छोड़ दोगे, फिर बी मैं इकलो ना हौं, कैसेकै अब्बा मेरे संग है।

यहून्‍ना 7:30

फिर बे बाकै पकड़नै की कोसिस कन्‍नै लगे, मगर किसी नै बी उसके ऊपर हात ना लगाओ, कैसेकै बाको टैम अब तक ना आओ हो।

यहून्‍ना 7:39

उसनै जौ बचन बा आत्‍मा के बारे मै कैई, जिसकै बाके ऊपर बिसवास कन्‍नै बारे पानै मै हे। आत्‍मा अबी तक ना उतरो हो, कैसेकै ईसु अब तक महिमा मै ना पौंचो हो।

यहून्‍ना 8:20

जे बात ईसु नै मन्‍दर मै भन्डार के धौंरे उपदेस देते भए कैंई, और किसी नै बौ ना पकड़ो कैसेकै बाको टैम अबी ना आओ हो।

चेलौ के काम 3:13

इब्राहिम, इसहाक, याकूब के परमेसर और हमरे बापदादौं के परमेसर नै अपने सेवक ईसु की महिमा करी। पर तुमनै बाकै पकड़बाओ, और जब पीलातुस नै बाकै छोड़ दैनै की सोची, तौ तुमनै बाके सामने बाको इनकार करो।

1 पतरस 1:21

मसी की बजै सै तुम परमेसर के ऊपर बिसवास करौ हौ; जिसनै बा मरे भए कै जिन्‍दो करो, और महिमा दई कैसेकै तुमरो बिसवास और आस परमेसर के ऊपर है।