यहून्‍ना 16:22 - बुक्सा

²² और तुमकै बी अब तौ दुख है, पर मैं तुमसै फिर मिलंगो और तुमरो दिल खुस होगो, और तुमरी खुसी कै कोई तुमसै छीन ना सकैगो।

यहून्‍ना 16:22 Mawu Ofanana

मत्‍ती 28:8

और बे बईयरैं डर और बड़ी खुसी के संग कबर सै जल्दी लौहटकै उसके चेलौ कै जौ खबर सुनानै दौड़ीं।

लूका 10:42

फिर बी एकई बात जरूरी है। मरियम नै सबसै अच्‍छो हिस्सा चुन लओ है, जो बासै छीनो ना जागो।”

लूका 16:25

“पर इब्राहिम नै कैई, ‘हे मेरे लौंड़ा, तू अपनी जिन्‍दगी मै अच्‍छी-अच्‍छी चीज ले चुको है, जबकि लाजर कै बुरी चीजई मिली हैं, पर अब हिंया बाकै सान्‍ति मिल रई है, और तू तड़प रओ है।

लूका 19:26

मालिक नै कैई, ‘मैं तुमसै कैरओ हौं, कै जिसके धौंरे है, उसकै और दओ जागो; और जिसके धौंरे ना है, उस्सै बौ बी जो उसके धौंरे है ले लओ जागो।

लूका 24:41

पर अपने खुसी के मारे बे अब बी बिसवास ना कर सके। बे अचम्बे मै पड़ गए, तौ ईसु नै उनसै कैई, “का तुमरे धौंरे कुछ खानै कै है?”

यहून्‍ना 14:1

“तुमरो जी ना घबराऐ। तुम परमेसर मै बिसवास रक्‍खौ, और मेरे ऊपर बी बिसवास रक्‍खौ।

यहून्‍ना 14:19

थोड़ी देर बाद दुनिया मैंकै फिर ना देखैगी, पर तुम मैंकै देखौगे। मैं जिन्‍दो हौं, इसताँई तुम बी जिन्‍दे रैहओगे।

यहून्‍ना 14:27

“मैं तुमकै अपनी सान्‍ति देए जाबौ हौं, अपनी सान्‍ति तुमकै देवौ हौं, ऐंसे ना देवौ हौं जैसे दुनिया तुमकै देवै है। तुमरो मन ना घबराऐ और ना डरै।

यहून्‍ना 16:16

“थोड़ी देर मै तुम मैंकै ना देखौगे, और फिर थोड़ी देर मै तुम मैंकै देखौगे।”

यहून्‍ना 16:20

मैं तुमसै सच-सच कैबौ हौं कै तुम रोओगे और बिलाप करौगे, पर दुनिया खुस होगी। तुमकै दुख होगो, पर तुमरो दुख खुसी मै बदल जागो।

यहून्‍ना 16:6

पर मैंनै जो बात तुमसै कैंई हैं, उनकै सुनकै तुमरो दिल दुख सै भर गओ है।

यहून्‍ना 21:7

फिर ईसु के पियारे चेला नै पतरस सै कैई, “जौ तौ परभु है!” इसताँई जब समौन पतरस नै सुनो कै जौ परभु है तौ बानै अपनो ऊपर को पैहरनै बारो लत्‍ता कस लओ कैसेकै बानै लत्‍ता लिकार खाए हे और बौ झील मै कूद पड़ो।

यहून्‍ना 4:14

पर जो कोई उस जल मै सै पियैगो जो मैं बाकै देंगो, बौ फिर जिन्‍दगी भर कबी पियासो ना होगो, पर जो जल मैं बाकै देंगो, बौ बामै एक सोता बन जागो, जो हमेसा की जिन्‍दगी के ताँई उमड़तो रैहगो।”

चेलौ के काम 13:52

पर अन्‍ताकिया के चेला खुसी सै और पबित्‍तर आत्‍मा सै भरते रैहए।

चेलौ के काम 16:25

आधी रात के बखत पौलुस और सीलास पिराथना करते भए परमेसर के भजन गा रए हे और कैदी उनकी अबाज सुन रए हे।

चेलौ के काम 2:46

बे हर रोज एक मन होकै मन्‍दर मै इखट्‍टे होवै हे और आपस मै घर घर जाकै मिलजुलकै खुसी के संग रोटी खावै हे,

चेलौ के काम 5:41

तब बे सभा के धौंरे सै चले गए और उनकै जा बात की खुसी ही कै, “हमकै ईसु मसी के नाम सै दुख उठानै के काबिल तौ समजो गओ।”

2 कुरन्‍थियों 6:10

हम दुखी लोगौ के हाँई दिखाई देवै हैं, पर हम हमेसा खुस रैहबै हैं। हम गरीब लोगौ के हाँई दिखाई देवै हैं, पर दूसरौं कै सेट बना देवै हैं। लोग समजै हैं कै हमरे धौंरे कुछ ना है तौबी हमरे धौंरे सब कुछ है।

2 थिसलुनीकियौ 2:16

हमरो परभु ईसु मसी खुदई और हमरो पिता परमेसर जिसनै हम सै पियार करो है और अपने किरपा सै हमेसा की हिम्मत और अच्‍छी आस दई है,

इबरानिओ 10:34

जो जेल मै कैद हे तुमनै उनके ऊपर तरस खाओ और जब तुमरी धन-दौलत लुटल लगी तब्बी तुमनै खुसी सै लुटन दई कैसेकै तुम जौ जानै हे कै तुमरे धौंरे इस्सै बी अच्‍छो और हमेसा टिके रैहनै बारी धन-दौलत है।

इबरानिओ 6:18

तबई जे दो बात हैं, एक बाकी कसम और दूसरो बाको बादो है, जो कबी ना बदलै है, और परमेसर झूँट ना बोल सकै है। इसताँई अगर हम परमेसर के धौंरे भाजकै बाकी सरन मै आवै हैं; और जो आस हमकै बानै देर खाई है, बाकै मजबूताई सै पकड़नै के ताँई हिम्मत मिलै।

1 पतरस 1:8

तुमनै मसी कै देखो ना है, फिर बी तुम उस्सै पियार करौ हौ। तुम बाकै अबी देख ना पा रए हौ, मगर फिर बी बाके ऊपर बिसवास करौ हौ और एक ऐंसी खुसी और महिमा सै भरे भए हौ जिसकी कोई हद ना है।