यहून्‍ना 16:20 - बुक्सा

²⁰ मैं तुमसै सच-सच कैबौ हौं कै तुम रोओगे और बिलाप करौगे, पर दुनिया खुस होगी। तुमकै दुख होगो, पर तुमरो दुख खुसी मै बदल जागो।

यहून्‍ना 16:20 Mawu Ofanana

मत्‍ती 21:38

पर उन किसानौ नै उसको लौंड़ा देखो तौ बे आपस मै कैललगे, ‘जौ तौ उसको बारिस है, आऔ इसकै मार डारैं और इसकी बिरासत मै कबजा कर लैं।’

मत्‍ती 5:4

धन्‍न हैं बे, जो सोक करैं हैं, कैसेकै उनकै तसल्‍ली देई जागी।

मरकुस 14:72

ठीक उसई टैम मुरगा नै दूसरी दफै बाँक दे दई, पतरस कै बौ बात जो ईसु नै उस्सै कैई ही याद आई, कै मुरगा के दो दफै बाँक दैनै सै पैले तू तीन फेरी मेरो इनकार करैगो, बौ इस बात कै सोचकै फूट-फूटकै रोल लगो।

मरकुस 16:10

उसनै ईसु के सातिऔं कै जाकै बताई। जो गम मै डूबे पड़े और रो रए हे,

लूका 22:45

जब बौ पिराथना करकै उठो और चेलौ के धौंरे आओ तौ उसनै देखो कै, बे उदास होकै थकावट के मारे सो रए हैं।

लूका 22:62

तब बौ बाहार लिकरकै फूट-फूटकै रोल लगो।

लूका 23:27

और लोगौं की एक बड़ी भीड़ उसके पीछे चल रई ही। इसमै कुछ ऐंसी बईयरैं बी हीं, जो भौत दुख के संग उसके ताँई रो रईं हीं।

लूका 24:17

ईसु नै उनसै कैई, “चलते चलते एक दूसरे सै तुम किन बातौं की चरचा कर रए हौ” बे चलते भए रुक गए, बे बड़े दुखी दिखाई दे रए हे।

लूका 24:21

हम तौ उमीद करै हे कै बौई ईसराइल के लोगौं को छुटकारो कन्‍नै बारो है, पर इन बातौं के बीते जौ तीसरो दिन है।

लूका 6:21

धन्‍न हौ तुम, जो अबी भूँके हौ; कैसेकै तुमकै जी भरकै दओ जागो; धन्‍न हौ तुम, जो अब रो रए हो, अग्गे कै तुम हसौगे।

यहून्‍ना 16:33

मैंनै जे बात तुमसै इसताँई कैंई कै मेरे दुआरा तुमकै सान्‍ति मिलै। दुनिया मै तुमकै दुख मिलो है मगर हौसला रक्‍खौ, मैंनै दुनिया जीत लई है।”

यहून्‍ना 16:6

पर मैंनै जो बात तुमसै कैंई हैं, उनकै सुनकै तुमरो दिल दुख सै भर गओ है।

यहून्‍ना 20:20

जब बौ जौ कैह चुको तौ बानै उनकै अपने हात और अपनी बगल दिखाई। चेलौ नै जब परभु देखो तौ बे भौत खुस भए।

चेलौ के काम 5:41

तब बे सभा के धौंरे सै चले गए और उनकै जा बात की खुसी ही कै, “हमकै ईसु मसी के नाम सै दुख उठानै के काबिल तौ समजो गओ।”

रोमियो 5:11

और इतनोई ना, पर अब तौ हमरे परभु ईसु मसी के दुआरा परमेसर सै मेल हो गओ है, इसताँई हम उसई के दुआरा परमेसर के ऊपर भरोसो रखकै खुस हैं।

2 कुरन्‍थियों 6:10

हम दुखी लोगौ के हाँई दिखाई देवै हैं, पर हम हमेसा खुस रैहबै हैं। हम गरीब लोगौ के हाँई दिखाई देवै हैं, पर दूसरौं कै सेट बना देवै हैं। लोग समजै हैं कै हमरे धौंरे कुछ ना है तौबी हमरे धौंरे सब कुछ है।

गलातिऔ 5:22

पर परमेसर को आत्‍मा को फल पियार, खुसी, सान्‍ति, सबर, दया, भलाई, बिसवासजोग,

1 थिसलुनीकियौ 1:6

तुम लोग बड़े दुख मै होनै के बाद बी पबित्‍तर आत्‍मा के खुसी के संग बचन की बातौं कै मानकै हमरे और परभु के हाँई जिन्‍दगी बिताई।

याकूब 1:2

हे मेरे भईयौ, जब तुम तरै-तरै की मुसीबतौं मै पड़ौ तौ जाकै बड़ी खुसी की बात समजौ।

यहूदा 1:24

अब जो तुमकै पाप मै गिरनै सै बचा सकै है, और अपनी महिमा मै तुमकै अपने सामने बिना दोस के और खुसी के संग खड़ो कर सकै है,

परकासन 11:10

और धरती मै रैहनै बारे, उनके मरनै सै खुस और मगन हौंगे, और एक दूसरे कै तोफा दंगे। कैसेकै इन दौनौ नबिऔ नै धरती मै रैहनै बारौ के ऊपर भौत दुख पौंचाओ हो।

परकासन 18:7

जितनी उसनै अपनी बड़ाई बतकाँई और सुख और खुसी मनाई है, उतनोई उसकै दरद और दुख देईओ, कैसेकै बौ अपने मन मै कैबै है, मैं रानी के जैसी सिंगासन मै बैठी हौं, मैं राँड़ ना हौं और कबी दुखी ना हौंगो।