यहून्‍ना 16:17 - बुक्सा

¹⁷ तब बाके कुछ चेलौ नै आपस मै कैई, “जौ का बात है जो बौ हम सै कैरओ है कै, ‘थोड़ी देर मै तुम मैंकै ना देखौगे, और फिर थोड़ी देर मै तुम मैंकै देखौगे, कैसेकै मैं अब्बा के धौंरे जा रओ हौं?’”

यहून्‍ना 16:17 Mawu Ofanana

मरकुस 9:10

उनौनै ईसु की जौ बात मान लई, पर बे आपस मै सोच-बिचार करकै कैललगे कै, “मरे भए मै सै जी उठनै” को अरथ का हो सकै है?

मरकुस 9:32

पर बे इस बात कै समज ना सके और ईसु सै पूँछनै सै डरै हे।

लूका 18:34

और चेलौ नै इन बातौं मै सै कोई बात ना समजी और जौ बात उनमै छिपी रैहई, और जो कैओ गओ हो बौ उनकी समज मै ना आओ।

लूका 9:45

पर बे इस बात कै समज ना सके। इसको अरथ उनसै छिपो रैह गओ और बे उसकै जान ना सके और बे बा बात के बारे मै बासै पूँछनै सै डरै बी हे।

यहून्‍ना 12:16

बाके चेला पैले तौ जौ बात ना समजे, पर जब ईसु की महिमा परकट भई तौ उनकै याद आई, कै पबित्‍तर सास्तर मै जो बात बाके बारे मै लिखी भई ही और आदमिऔ नै बाके संग ऐंसोई करो हो।

यहून्‍ना 14:22

उस यहूदा नै जो इसकरोती ना हो, बासै कैई, “परभु, ऐंसो का भओ है कै तू अपने आपकै हम मै परकट कन्‍नो चाँहबै है और दुनिया मै ना?”

यहून्‍ना 14:5

थौमा नै बासै कैई, “हे परभु, हम ना जानै हैं कै तू कहाँ जा रओ है, तौ रस्ता कैसे जानै?”

यहून्‍ना 16:1

“जे बात मैंनै तुमसै इसताँई कैंई हैं, कहीं तुम बिसवास सै ना हट जाँय।

यहून्‍ना 16:16

“थोड़ी देर मै तुम मैंकै ना देखौगे, और फिर थोड़ी देर मै तुम मैंकै देखौगे।”

यहून्‍ना 16:18

और बे कैललगे, “जौ ‘थोड़ी देर बाद’ का है? हमरी समज मै ना आ रओ है जिसके बारे मै बौ बता रओ है।”

यहून्‍ना 16:19

ईसु नै जौ जानकै कै बे मैंसै सबाल कन्‍नो चाँहबै हैं, उनसै कैई, “का तुम जा बात के बारे मै आपस मै सोच-बिचार कर रए हौ, जो मैंनै कैई, ‘थोड़ी देर मै तुम मैंकै ना देखौगे, और फिर थोड़ी देर मै तुम मैंकै देखौगे?’

यहून्‍ना 16:5

“पर अब मैं अपने भेजनै बारे के धौंरे जा रओ हौं, और तुम्मै सै कोई मैंसै ना पूँछतो, ‘तू कहाँ जा रओ है?’