यहून्‍ना 16:13 - बुक्सा

¹³ पर जब बौ यानी सच्‍चाई को आत्‍मा आगो तौ बौ तुमकै सब सच्‍चाई के रस्ता बतागो, कैसेकै बौ अपनी ओर सै कुछ ना कैगो, पर जो कुछ सुनैगो, बौई कैगो और आनै बारी बातौं कै तुमकै बतागो।

यहून्‍ना 16:13 Mawu Ofanana

यहून्‍ना 12:49

मैंनै अपने आप कुछ ना कैई, पर अब्बा जिसनै मैं भेजो हौं बाई नै आगियाँ दई है कै मैंकै का कैनो और का बोलनो है।

यहून्‍ना 14:17

यानी सच की आत्‍मा जिसकै दुनिया ना मानै है, कैसेकै बौ बाकै ना तौ देखै है और ना जानै है, पर तुम बाकै जानौ हौ, कैसेकै बौ तुमरे संग रैहबै और तुम्मै होगो।

यहून्‍ना 14:26

पर सायता कन्‍नै बारो यानी पबित्‍तर आत्‍मा जिसकै अब्बा मेरे नाम सै भेजैगो, बौ तुमकै सब बात सिकागो, और सब कुछ जो मैंनै तुमकै कैई, तुमकै याद करागो।

यहून्‍ना 14:6

ईसु नै बासै कैई, “रस्ता, सच्‍चाई और जिन्‍दगी मैंई हौं। बिना मेरे दुआरा कोई अब्बा के धौंरे ना जा सकै है।

यहून्‍ना 15:26

“जब बौ सायता कन्‍नै बारो आगो जिसकै मैं अब्बा की ओर सै तुमरे धौंरे भेजंगो, यानी सच्‍चाई की आत्‍मा जो अब्बा सै लिकरै है, बौ मेरी गभाई तुमकै देगो।

यहून्‍ना 16:12

“मैंकै तुमसै और बी भौत सी बात कैनी हैं, पर तुम अबी उनकै सैह ना सकौ हौ।

यहून्‍ना 3:32

जो कुछ बानै देखो और सुनो है, बाई की गभाई देवै है, पर कोई बाकी गभाई ना मानै है।

यहून्‍ना 8:38

मैं बौई बात कैबौ हौं, जो मैंकै मेरे अब्बा नै दिखाईं हैं, और तुम बौई करते रैहबौ हौ जो तुमनै अपने अब्बा सै सुनो है।”

चेलौ के काम 11:28

उनमै सै अगबुस नाम के एक नबी नै पबित्‍तर आत्‍मा की सकति सै भबिसबानी करी कै सिगरी दुनिया मै बेसानी अकाल पड़ैगो। बौ अकाल राजा कलोदियुस के बखत मै पड़ैगो।

चेलौ के काम 20:23

मैं तौ बस जौ जानौ हौं कै, सिगरे सैहर मै पबित्‍तर आत्‍मा जौ कैह कै मैंकै चौकस करै है कै जेल और कसट तेरे ताँई पैंड़ो देख रए हैं।

चेलौ के काम 27:24

‘हे पौलुस डरिए मत। तेकै रोमी राजा के सामने खड़ो होनै जरूरी है, और तेरे संग परमेसर की किरपा है। बाई की बजै सै जे लोग जो तेरे संग हैं बे बी बच गए हैं।’

2 थिसलुनीकियौ 2:12

और उन सिगरे लोगौ कै सजा मिलैगी जिन्‍नै सच्‍चाई मै बिसवास ना करो पर बुराई के कामौ मै लगे रैहए।

2 थिसलुनीकियौ 2:3

तुम कैसे बी करकै किसी के धोके मै ना अईओ, कैसेकै परभु ईसु के आनै सै पैले लोग परमेसर सै मौह फेर लंगे और बौ पाप को आदमी जिसको नास होनोई है, परकट होगो।

इबरानिओ 1:1

पुराने जमाने मै परमेसर नै नबिऔ के दुआरा हमरे बापदादौं के संग बेरमबेर और अगल अगल तरीका सै बात करीं।

1 यहून्‍ना 2:20

तुम लोगौ कै तौ पबित्‍तर आत्‍मा सै अबीसेक मिलो है और तुम सबई लोग सच्‍चाई जानौ हौ।

1 यहून्‍ना 2:27

तुम लोगौ कै मसी सै जो पबित्‍तर आत्‍मा मिली है, बौ तुम्मै बनी रैहबै है। इसताँई तुमकै किसी दूसरे गुरू की जरूरत ना है। बौ तुमकै सब कुछ सिकाबै है और बाकी सिक्‍छा सच्‍ची है, झूँटी ना है। तुम बा सिक्‍छा के हिसाब सै मसी मै बने रौह।

1 यहून्‍ना 4:6

मगर हम परमेसर की ओर सै हैं इसताँई जो परमेसर कै जानै है, बौ हमरी सुनै है। मगर जो परमेसर की ओर सै ना है, बौ हमरी ना सुनै है। इस तरै सै हम सच्‍चाई की आत्‍मा कै और लोगौ कै भटकानै बारी आत्‍मा कै पैचान सकै हैं।

1 यहून्‍ना 5:6

बौ ईसु मसी ई है जो हमरे धौंरे जल और खून के दुआरा आओ। सिरप जल सैई ना पर जल और खून के दुआरा आओ। और बौ आत्‍मा है जो बाकी गभाई देवै है, कैसेकै आत्‍माई सच्‍ची है।

परकासन 1:1

जौ ईसु मसी को परकासन है, जौ बाकै परमेसर नै इसताँई दओ कै अपने सेवकौ कै बे बात दिखाऐ, जो जल्दी होनै बारी हैं, ईसु मसी नै अपने सुरगदूत कै भेजकै जा परकासन को गियान अपने सेवक यहून्‍ना कै बताओ,

परकासन 1:19

इसताँई जो बात तैनै देखी हैं और जो बात हो रई हैं और जो बात इसके बाद होनै बारी हैं उन सबकै लिख ले।