यहून्‍ना 15:18 - बुक्सा

¹⁸ “अगर दुनिया तुमसै नफरत करै है, तौ तुम जानौ हौ, कै बानै तुमसै पैले मैंसै नफरत करी है।

यहून्‍ना 15:18 Mawu Ofanana

मत्‍ती 10:22

मेरे नाम के कारन सब लोग तुमसै बैर करंगे, पर जो अन्‍त तक बिसवास मै बनो रैहगो उसई कै मुक्‍ति मिलैगी।

मत्‍ती 24:9

“उस टैम लोग तुमकै पकड़बाकै डन्ड देंगे और मार डारंगे। मेरे नाम के बजै सै सबई जाति के लोग तुमसै नफरत करंगे।

मत्‍ती 5:11

“धन्‍न हौ तुम, जब लोग मेरे कारन तुमरो अपमान करैं और सताँऐ और झूँट बोल बोलकै तुमरे बिरोद मै सब तरै की बुरी-बुरी बात करैं।

मरकुस 13:13

और मेरे नाम के बजै सै सब लोग तुमसै नफरत करंगे, पर जो आखरी तक सबर धरे रैहगो, बौई बचो रैहगो।

लूका 6:22

“धन्‍न हौ तुम, जब आदमी के लौंड़ा के बजै सै लोग तुमसै बैर करंगे, और तुमकै लिकार दंगे, और तुमरी बुराई करंगे, और तुमरो नाम बुरो समजकै काट दंगे।

यहून्‍ना 16:1

“जे बात मैंनै तुमसै इसताँई कैंई हैं, कहीं तुम बिसवास सै ना हट जाँय।

यहून्‍ना 16:33

मैंनै जे बात तुमसै इसताँई कैंई कै मेरे दुआरा तुमकै सान्‍ति मिलै। दुनिया मै तुमकै दुख मिलो है मगर हौसला रक्‍खौ, मैंनै दुनिया जीत लई है।”

यहून्‍ना 3:20

हर बौ आदमी जो पाप करै है, जोती सै नफरत करै है और जोती के धौंरे ना आवै है ताकि बाके पाप सबके सामने ना आ जाँय।

यहून्‍ना 7:7

दुनिया तुमसै दुसमनी ना कर सकै है पर मैंसै करै है, कैसेकै मैं जा बात की गभाई देवौ हौं, कै उनके काम बुरे हैं।

चेलौ के काम 14:22

और चेलौ कै मजबूत करते रैहए कै बिसवास मै बने रौह और उनसै जौ कैई कै, “हमकै भारी दुख झेलते भए परमेसर के राज मै जानो पड़ैगो।”

इबरानिओ 12:2

हमरे बिसवास की सुरूआत कन्‍नै बारे और पक्‍को कन्‍नै बारे ईसु की ओर देखते रौह। ईसु नै लोगौ की बेजती कै अनदेखो करकै कुरूस को दुख झेलो जिस्सै कै बौ उनके ताँई रखी गई खुसी कै पाऐ। अब ईसु परमेसर के सिंगासन के खाने हात बैठो है।

याकूब 4:4

बैबिचार कन्‍नै बारौ का तुम जौ ना जानौ हौ, कै दुनिया सै दोस्ती कन्‍नी परमेसर सै दुसमनी कन्‍नै के बराबर है? इसताँई जो कोई दुनिया सै दोस्ती कन्‍नो चाँहै है बौ परमेसर को दुसमन बन जावै है।

1 यहून्‍ना 3:1

देखौ परम पिता परमेसर नै हम सै कितनो पियार करो है, कै हम बाकी औलाद कैलाए, और हम हैं बी। दुनिया हमकै ना जानै है, कैसेकै दुनिया नै परमेसर कै ना जानो।

1 यहून्‍ना 3:13

हे भईयौ, अगर दुनिया तुमसै नफरत करै है, तौ अचम्बो मत करिओ।

1 यहून्‍ना 3:3

और जो कोई बाके ऊपर ऐंसी आस रक्‍खै है, बौ खुद कै बैसेई पबित्‍तर रक्‍खै है, जैसो मसी पबित्‍तर है।