यहून्‍ना 15:11 - बुक्सा

¹¹ जे बात मैंनै तुमसै इसताँई कैई हीं कै मेरी खुसी तुम्मै बनी रैह, और तुमरी खुसी पूरी हो जाय।

यहून्‍ना 15:11 Mawu Ofanana

लूका 15:23

और पलो भओ पसु लाकै काटौ जिस्सै हम खाँय और खुसी मनाऐ।

लूका 15:32

पर अब हमकै खुसी मनानी और मगन होनो चँईऐ, कैसेकै जौ तेरो छोटो भईया मर गओ हो, अब फिर जिन्‍दो हो गओ है पैले खो गओ हो, अब मिल गओ है।’”

लूका 15:5

और जब बौ मिल जावै है, तौ बौ उसकै बड़े खुसी सै अपने कंधा मै उठा लेबै है।

लूका 15:9

और जब मिल जावै है, तौ बौ अपनी सहेलिऔं और पड़ोसनौ कै इखट्‍टी करकै कैबै है, कै मेरे संग खुसी मनाऔ, कैसेकै मेरो खोओ भओ चाँदी को रुपिया मिल गओ है।

यहून्‍ना 16:24

अब तक तुमनै मेरे नाम सै कुछ ना माँगो; माँगौ और तुमकै मिलैगो जिस्सै तुमकै पूरी खुसी मिलै।

यहून्‍ना 16:33

मैंनै जे बात तुमसै इसताँई कैंई कै मेरे दुआरा तुमकै सान्‍ति मिलै। दुनिया मै तुमकै दुख मिलो है मगर हौसला रक्‍खौ, मैंनै दुनिया जीत लई है।”

यहून्‍ना 17:13

अब मैं तेरे धौंरे आ रओ हौं, मगर जे बात मैं दुनिया मै रैहते भए कैरओ हौं जिस्सै कै बे अपने दिलौ मै मेरी पूरी खुसी कै पा सकैं।

यहून्‍ना 3:29

दूलाह बौई है जिसकी दुलहैन है, पर दूलाह को दोस्त जो खड़ो भओ बाकी सुनै है, दूलाह की अबाज सुनकै खुस होवै है और बैसेई मेरी जौई खुसी पूरी भई है।

रोमियो 15:13

उमीद को सोत परमेसर है, और बौ तुम लोगौ कै पूरी खुसी और सान्‍ति सै भर दे जैसो कै तुमरो बिसवास उसमै है। ताकि पबित्‍तर आत्‍मा की सकति सै तुमरी उमीद बढ़ती जाऐ।

2 कुरन्‍थियों 1:24

और जाको मतलब जौ ना है कै, हम तुमरे बिसवास के ऊपर हक पानो चाँहै हैं। तुम तौ अपने बिसवास मै मजबूत हौ, पर हम तुमरे संग काम करकै तुमकै खुसी देनी चाँहै हैं।

इफिसिऔ 5:18

और सराप पीकै नसेड़ी मत बनौ, कैसेकै इस्सै लुच्‍चे काम की इच्‍छा जगै है। बलकन तुम पबित्‍तर आत्‍मा सै भरते जाऔ।

फिलिप्‍पीऔ 1:25

और मैंकै इस बात को भरोसो है, और मैं जानौ हौं कै मैं जिन्‍दो रैहंगो, और तुम सबके संग रैहंगो जिस्सै तुम पक्‍के होते जाऔ, और बिसवास मै खुस रैहऔ।

1 थिसलुनीकियौ 5:16

हमेसा खुस रैहऔ।

1 पतरस 1:8

तुमनै मसी कै देखो ना है, फिर बी तुम उस्सै पियार करौ हौ। तुम बाकै अबी देख ना पा रए हौ, मगर फिर बी बाके ऊपर बिसवास करौ हौ और एक ऐंसी खुसी और महिमा सै भरे भए हौ जिसकी कोई हद ना है।

1 यहून्‍ना 1:4

तुमकै जे बात मैं इसताँई लिख रओ हौं कै हम सबई की खुसी पूरी हो जाय।

2 यहून्‍ना 1:12

मेरे धौंरे लिखनै के ताँई भौस्सी बात हैं, मगर मैं जौ कागज और सिआई सै ना लिखनो चाँहौ हौं। पर मैंकै उमीद है कै मैं तुमरे धौंरे आकै आमने-सामने बैठकै बात करंगो। जिस्सै हमकै पूरी खुसी मिलै।