यहून्‍ना 15:10 - बुक्सा

¹⁰ अगर तुम मेरी आगियाँऔ कै मानौगे तौ तुम मेरे पियार मै बने रौहगे, बैसेई जैसो मैं अपने अब्बा की आगियाँऔ कै मानौ हौं और बाके पियार मै बनो रैहबौं हौं।

यहून्‍ना 15:10 Mawu Ofanana

यहून्‍ना 10:18

कोई मेरी जान मैंसै ना छीन सकै है, पर मैं बाकै अपने आप देवौ हौं मैंकै बाकै दैनै को अधकार है, और फिर ले लैनै को बी अधकार है। जौ आगियाँ मैंकै अपने अब्बा सै मिली है।”

यहून्‍ना 12:49

मैंनै अपने आप कुछ ना कैई, पर अब्बा जिसनै मैं भेजो हौं बाई नै आगियाँ दई है कै मैंकै का कैनो और का बोलनो है।

यहून्‍ना 14:15

“अगर तुम मैंसै पियार करौ हौ, तौ मेरी आगियाँऔ कै मानौगे।

यहून्‍ना 14:21

जो मेरी बातौं कै मानै है और उनके ऊपर चलै है, बौई मैंसै पियार करै है, और जो मैंसै पियार करै है, बासै मेरो अब्बा पियार करैगो, और मैं बासै पियार करंगो और अपने आपकै बाके ऊपर परकट करंगो।”

यहून्‍ना 14:23

ईसु नै जबाब देते भए बासै कैई, “अगर कोई मैंसै पियार करै है तौ बौ मेरे बचनौ कै मानैगो, बासै मेरो अब्बा पियार करैगो और हम बाके धौंरे आंगे और बाके संग रैहंगे।

यहून्‍ना 14:31

पर इसताँई कै दुनिया जान ले कै मैं अब्बा सै पियार करौ हौं और जिस तरै अब्बा नै मैंकै आगियाँ दई है, मैं बैसोई बाकै करौ हौं। ‘उठौ, हिंया सै चलौ।’ ”

यहून्‍ना 17:4

जो काम तैनै मैंकै कन्‍नै कै दए हे, बाकै पूरो करकै मैंनै दुनिया मै तेरी महिमा करी है।

यहून्‍ना 4:34

ईसु नै उनसै कैई, “मेरी रोटी जौ है कै मैं अपने भेजनै बारे की मरजी सै चलौं और बाको काम पूरो करौं।

यहून्‍ना 8:29

और बौ जिसनै मैं भेजो हौं, मेरे संग है। बानै मैं कबी इकलो ना छोड़ो कैसेकै मैं हमेसा बौई करौ हौं जो बाकै अच्‍छो लगै है।”

यहून्‍ना 8:55

तुम तौ बाकै ना जानौ हौ, पर मैं बाकै जानौ हौं। अगर मैं कैंऔ कै मैं बाकै ना जानौ हौं, तौ मैं तुमरे जैसो झूँटो कैलांगो, पर मैं बाकै जानौ हौं और बाके बचनौ मै चलौ हौं।

1 कुरन्‍थियों 7:19

खतना और बगैर खतना कुछ बी ना है, पर परमेसर की आगियाँऔ कै माननोई सबई कुछ है।

1 थिसलुनीकियौ 4:1

इसताँई भईयौ और बहनौ, हम तुमसै परभु ईसु के नाम सै जौ बिनती करै है कै परमेसर कै खुस कन्‍नै के ताँई कैसी जिन्‍दगी जीनी चँईऐ, बाके बारे मै हमनै तुमकै सिकार खाओ है। तुम बैसेई जिऔ और जादा बढ़कै करौ।

इबरानिओ 7:26

ऐंसोई बड़ो पुजारी हमरे ताँई सई है, जो पबित्‍तर और खरो और बगैर खोट को और पापिऔं सै अगल और जिसकै सुरग सै बी ऊँचो रखर खाओ होए।

2 पतरस 2:21

जो कोई धरम की रस्ता कै जानकै बी बा पबित्‍तर आगियाँ कै तोड़ै है तौ उनके ताँई जौ अच्‍छो होगो कै बे उसकै जानतेई ना।

1 यहून्‍ना 2:3

अगर हम परमेसर की आगियाँऔ कै मानंगे, तौ हमकै जौ पतो लग जागो कै हम बाकै जान गए हैं।

1 यहून्‍ना 2:5

पर जो कोई आदमी परमेसर के बचन कै मानै है, बामै सचमुच परमेसर को पियार सिद्‍द भओ है, तौ हमकै इस्सै पतो लगै है, कै हम परमेसर मै बने भए हैं।

1 यहून्‍ना 2:6

जो ऐंसो कैबै है कै मैं परमेसर मै बनो रैहबौं हौं, तौ बाकै बैसीई जिन्‍दगी जीनी चँईऐ जैसी ईसु मसी नै जीई।

1 यहून्‍ना 5:3

परमेसर की आगियाँ कै माननोई परमेसर सै पियार कन्‍नो है। और बाकी आगियाँ बोज ना है।

परकासन 22:14

धन्‍न हैं बे, जो अपने लत्‍ता धो लेबै हैं, कैसेकै उनकै जिन्‍दगी के पेड़ के धौंरे आनै को अधकार मिलैगो, और बे मौहड़े सै होकै सैहर मै भीतर आंगे।