यहून्‍ना 14:2 - बुक्सा

² मेरे अब्बा के घर मै रैहनै की भौत सी जघै है, अगर ना होती, तौ मैं तुमसै कैह देतो। मैं तुमरे ताँई जघै तईयार कन्‍नै जा रओ हौं।

यहून्‍ना 14:2 Mawu Ofanana

लूका 14:22

नौकर नै फिर कैई, ‘हे मालिक, जैसे तैनै कैई ही, बैसेई करो गओ है; फिर बी जघै बची है।’

यहून्‍ना 13:33

“बालकौ, मैं और थोड़ी देर तक तुमरे संग हौं। तुम मैंकै ढूंड़ौगे और जैसो कै मैंनै यहूदिऔं सै कैई तुमसै बी बैसोई कैबौ हौं कै जहाँ मैं जानै बारो हौं बहाँ तुम ना आ सकौ हौ।

यहून्‍ना 13:36

समौन पतरस नै बासै कैई, “परभु तू कहाँ जा रओ है?” ईसु नै जबाब दओ कै, “जहाँ मैं जा रओ हौं, तू अबी बहाँ मेरे पीछे ना आ सकै है, पर जाके बाद तू आगो।”

यहून्‍ना 14:28

तुमनै सुनी, कै मैंनै तुमसै कैई, ‘मैं जा रओ हौं और फिर तुमरे धौंरे आंगो।’ अगर तुम मैंसै पियार करते तौ खुस होते, इसताँई कै मैं अब्बा के धौंरे जा रओ हौं, कैसेकै अब्बा मैंसै महान है।

यहून्‍ना 16:4

और जे बात मैंनै इसताँई कैंई हैं कै जब टैम आगो तौ तुमकै याद रैहए कै मैंनै तुमकै उनके बारे मै बता दओ हो, और जे बात मैंनै तुमसै सुरू मै इसताँई ना कैंई कैसेकै मैं तुमरे संग हो।

यहून्‍ना 17:24

अब्बा, मैं चाँहौ हौं कै जिनकै तैनै मैंकै दओ है, जहाँ मैं हौं, बहाँ बे बी मेरे संग रैहंगे। कै बे मेरी बा महिमा कै देख सकैं जो तैनै मैंकै दई है, कैसेकै तैनै दुनिया बनानै सै पैले मैंसै पियार करो।

चेलौ के काम 9:16

मेरे ताँई जो बी बाकै मुसीबत उठानी पड़ंगी उनके बारे मै मैं खुदई बाकै बताँगो।”

2 कुरन्‍थियों 5:1

कैसेकै हम जौ जानै हैं कै जौ हमरो सरीर एक तम्बू के हाँई है जिसमै हम जा धरती मै रैहबैं हैं, और जब जा तम्बू कै गिरा दओ जागो तौ, परमेसर की ओर सै हमकै सुरग मै ऐंसो घर मिलैगो जो कबी खतम ना होगो, और जिसकै किसी आदमी नै ना बनाओ होगो।

1 थिसलुनीकियौ 5:9

कैसेकै परमेसर नै हमकै अपनी घुस्सा की सजा के ताँई ना पर इसताँई ठैराओ है कै हम अपने परभु ईसु मसी के दुआरा मुक्‍ति पांऐ।

तीतुस 1:2

और इस सच्‍चाई सै हमेसा की जिन्‍दगी की उमीद बंधै, जिसको बादो कबी झूँट ना बोलनै बारे परमेसर नै सुरू सैई करो है।

इबरानिओ 11:10

इब्राहिम पूरे भरोसे के संग बा सैहर को पैंड़ो देख रओ हो जिसकी नीह पक्‍की है, और बा सैहर कै रूप दैनै बारो और बनानै बारो परमेसर है।

इबरानिओ 13:14

कैसेकै जा धरती मै हमेसा के ताँई हमरो कोई सैहर ना है और हम बा सैहर को पैंड़ो देख रए हैं जो आनै बारो है।

इबरानिओ 6:20

जहाँ ईसु हमरी ओर सै, और हम सै पैलेई गओ। मलकीसदेक के हाँई ईसु बी हमेसा के ताँई बड़ो पुजारी बन गओ।

इबरानिओ 9:8

इस्सै पबित्‍तर आत्‍मा जौ दिखाबै है कै, जब तक लै तम्बू को पैलो कमरा है तब तक भीतर के सबसै पबित्‍तर कमरा के मौहड़े बन्‍द हैं।

परकासन 1:5

ईसु मसी की ओर सै जो बिसवासजोग गभाई, मरे भएऔं मै सै पैलो जी उठनै बारो और धरती के राजाऔं को राजा है, तुमकै किरपा और सान्‍ति मिलती रैह। बौ जो हम सै पियार रक्‍खै है, और बानै अपने खून के दुआरा हमरे पापौं सै हमकै छुड़ाओ है।

परकासन 21:2

मैंनै पबित्‍तर सैहर, नए ऐरूसलेम कै परमेसर के धौंरे सै आसमान मै उतरते देखो, उस सैहर कै ऐंसो सजाओ गओ हो जैसे किसी दुलहैन कै दूलाह के ताँई सजाबै हैं।

परकासन 3:12

जो जीत जागो, उसकै मैं अपने परमेसर के मन्‍दर मै एक खम्मा बनांगो। और बौ फिर कबी बाहार ना लिकरैगो। मैं अपने परमेसर को नाम और अपने परमेसर के सैहर को नाम बाके ऊपर लिखंगो यानी नए ऐरूसलेम को नाम जो मेरे परमेसर के धौंरे सै सुरग सै उतरनै बारो है, और मैं अपनो नओ नाम बी बाके ऊपर लिखंगो।

परकासन 3:21

“जो जीत जागो उसकै मैं अपने संग अपने सिंगासन मै बैठांगो, जैसे मैं बी जीत पाकै अपने अब्बा के संग बाके सिंगासन मै बैठ गओ।