यहून्‍ना 13:34 - बुक्सा

³⁴ “मैं तुमकै एक नई आगियाँ देवौ हौं कै तुम एक दूसरे सै पियार करौ। जैसो मैंनै तुमसै पियार करो है बैसेई तुम बी एक दूसरे सै पियार करौ।

यहून्‍ना 13:34 Mawu Ofanana

मत्‍ती 5:44

पर मैं तुमसै जौ कैरओ हौं, कै अपने दुसमनौ सै पियार रक्‍खौ और अपने सतानै बारौ के ताँई पिराथना करौ।

यहून्‍ना 15:17

मैं तुमकै जे आगियाँ इसताँई देवौ हौं कै तुम एक दूसरे सै पियार करौ।

यहून्‍ना 17:21

कै बे सब एक हौं। जैसे, अब्बा, तू मैं मैई है और मैं तैमैई हौं, और बैसेई बे बी हम्मै हौं, जिस्सै कै दुनिया बिसवास करै कै तैनैई मैं भेजो हौं।

रोमियो 12:10

तुम मसी भईयौ के जैसो एक दूसरे कै पूरे दिल सै पियार करौ, और एक दूसरे कै अपने सै अच्‍छो मानौ।

रोमियो 13:10

पियार पड़ोसी की बुराई ना करै है, इसताँई पियार रखनो नियम कै पूरो कन्‍नो है।

रोमियो 13:8

आपसी पियार के अलाबा और किसी बात मै किसी के करजदार ना बनौ कैसेकै जो दूसरौं सै पियार करै है, बौ ऐंसेई नियम कै पूरो करै है।

गलातिऔ 5:22

पर परमेसर को आत्‍मा को फल पियार, खुसी, सान्‍ति, सबर, दया, भलाई, बिसवासजोग,

गलातिऔ 5:6

पर मसी ईसु के संग रिस्ता रखनै के ताँई खतना होनो या खतना ना होनो दौनौ की कुछ ऐहमियत ना है, ऐहमियत सिरप बिसवास की है, जो पियार के दुआरा काम करै है।

गलातिऔ 6:10

इसताँई जो बी हमकै मौको मिलै है, तौ हमकै सबई के संग भलाई कन्‍नी चँईऐ, खास करकै बिसवासी लोगौ के संग।

गलातिऔ 6:2

एक दूसरे को बोज उठाऔ और ऐंसे तुम मसी के नियमौ कै पूरो करौ हौ।

इफिसिऔ 5:2

पियार के संग जिऔ, ठीक बैसेई जिस तरै सै मसी नै तुमसै पियार करो और हमरे पापौं के ताँई एक अच्‍छी खसबोई बारी भेंट बनकै परमेसर के सामने खुद कै बलि के ताँई दे दओ।

कुलुसिऔं 1:4

कैसेकै हमनै जौ बात सुनी है कै तुम ईसु मसी मै बिसवास करौ हौ और सबई पबित्‍तर लोगौ सै पियार रक्‍खौ हौ।

1 थिसलुनीकियौ 3:12

और परभु ऐंसो करै कै जैसो हम तुमसै पियार करै हैं, बैसोई तुम लोग बी आपस मै करौ, और तुमरो पियार सबई आदमिऔ के संग बढ़तो जाय।

2 थिसलुनीकियौ 1:3

ओ भईयौ और बहनौ, हमकै तुमरे ताँई परमेसर को हमेसा धन्‍नबाद दैनो चँईऐ और जौ सई बी है, कैसेकै तुमरो बिसवास बेसानी बढ़तो जावै है और आपसी पियार बी बढ़तो जावै है।

इबरानिओ 13:1

तुम्मै भईया और बहनो को पियार बनो रैह।

याकूब 2:8

जैसो पबित्‍तर सास्तर मै लिखो है कै, “अपने पड़ोसी सै बैसेई पियार करौ, जैसो तुम अपने आप सै करौ हौ।” और अगर तुम परमेसर के राज की जा आगियाँ कै पूरी करौ हौ, तौ तुम अच्‍छो करौ हौ।

1 पतरस 1:22

अब देखौ जब तुमनै सच्‍चाई की बातौं कै मानो है और अपनी आत्‍मा कै पबित्‍तर करो है तौ तुम सच्‍चे दिल सै एक दूसरे सै पियार रक्‍खौ, और आनै बारे बखत मै बी पूरे दिल सै पियार करौ।

2 पतरस 1:7

और भक्‍ति मै भाई चारे कै और भाई चारे मै पियार कै जोड़ते जाऔ।

1 यहून्‍ना 3:11

जौ सन्‍देसो तुमनै सुरू सैई सुनो है कै हमकै एक दूसरे सै पियार रखनो चँईऐ।

1 यहून्‍ना 3:23

और बाकी आगियाँ जौ है कै हम बाके लौंड़ा ईसु मसी के नाम मै बिसवास करैं और जैसी आगियाँ मसी नै हमकै दई है बैसेई हम एक दूसरे सै पियार रक्‍खैं।

1 यहून्‍ना 4:21

इसताँई हमकै मसी सै जौ आगियाँ मिली है कै जो परमेसर सै पियार करै है बाकै अपने भईया कै बी पियार कन्‍नो चँईऐ।

2 यहून्‍ना 1:5

बईयरौं मैं तुमकै कोई नई आगियाँ ना लिख रओ हौं बलकन बौई आगियाँ देरओ हौं, जो हमकै सुरू सैई मिली हैं कै हमकै एक दूसरे सै पियार रखनो चँईऐ।