यहून्‍ना 13:21 - बुक्सा

²¹ जौ कैनै के बाद ईसु भौत उदास भओ और जौ गभाई दई, “मैं तुमसै सच-सच कैबौ हौं, तुम्मै सै एक मैंकै धोको देकै पकड़बागो।”

यहून्‍ना 13:21 Mawu Ofanana

मत्‍ती 26:21

जब बे खा रए हे, तौ बानै कैई, “मैं तुमसै सच कैरओ हौं, कै तुम्मै सै एक मैंकै धोके सै पकड़बागो।”

मत्‍ती 26:38

तब बानै उनसै कैई, “मेरो जी बेसानी घबराओ भओ है, जैसे मेरे पिरान लिकन्‍नै बारे हैं, तुम मेरे संग हिंयई रुकौ, और मेरे संग जगते रौह।”

मरकुस 14:18

जब बे बैठे भए रोटी खा रए हे, तब ईसु नै कैई, “मैं सच कैरओ हौं: तुम्मै सै एक जो मेरे संग रोटी खा रओ है, बौई मैंकै धोके सै पकड़बागो।”

मरकुस 3:5

उनके मन की कठोरता देक्‍कै ईसु कै दुख भओ फिर ईसु नै घुस्सा मै भरकै चारौ ओर देखो और उस आदमी सै कैई, “अपनो हात बढ़ा,” उसनै ऐंसोई करो और बाको हात ठीक हो गओ।

यहून्‍ना 11:33

जब ईसु नै मरियम कै और बाके संग आए यहूदिऔं कै रोते देखो, तौ बौ मन मै दुखी और उदास भओ,

यहून्‍ना 11:35

ईसु रो पड़ो।

यहून्‍ना 11:38

और ईसु मनई मन मै फिर भौतई दुखी होकै कबर मै आओ। बौ एक गुफा ही और एक पत्‍थर बामै रक्‍खो भओ हो।

यहून्‍ना 12:27

अब मेरो जी घबरा रओ है, का मैं जौ कैंऔ, ‘हे अब्बा, मैंकै जा दुख की घड़ी सै बचा’ पर जा घड़ी के ताँई तौ मैं आओ हौं।

यहून्‍ना 13:18

“मैं तुम सबई के बारे मै ना कैबौ हौं। मैं उनकै जानौ हौं जो मैंनै चुन लए हैं, पर जौ इसताँई है, कै पबित्‍तर सास्तर को जौ बचन पूरो भओ कै ‘बौ जो मेरी रोटी खावै है, बौई मेरे बिरोद मै हो गओ।’

यहून्‍ना 13:2

और खानै के टैम मै जब सैतान पैलेई सै समौन के लौंड़ा यहूदा इसकरोती के मन मै जौ बात डार चुको हो कै बौ बाकै धोके सै पकड़बागो,

यहून्‍ना 13:22

तब बाके चेला एक दूसरे की ओर देखल लगे। बे समज ना सके कै बौ किसके बारे मै कैरओ है।

चेलौ के काम 17:16

जब पौलुस एथेन्स मै सीलास और तीमुथियुस को पैंड़ो देख रओ हो, तबई बौ बा सैहर मै मूरतिऔं कै जघै-जघै देक्‍कै तिलमिला उठो और इस्सै बाको मन दुखी भओ।

1 यहून्‍ना 2:19

बे मसी बिरोदी हमरे बीच मैई सै लिकरकै गए हैं, कैसेकै बे हमरे अपने ना हे, अगर बे हमरे अपने होते, तौ बे हमरेई संग रैहते। पर बे चले गए, जिस्सै जौ साप-साप पतो लगै है, कै उनमै सै कोई बी हमरो अपनो ना हो।