यहून्‍ना 12:49 - बुक्सा

⁴⁹ मैंनै अपने आप कुछ ना कैई, पर अब्बा जिसनै मैं भेजो हौं बाई नै आगियाँ दई है कै मैंकै का कैनो और का बोलनो है।

यहून्‍ना 12:49 Mawu Ofanana

यहून्‍ना 14:10

का तू बिसवास ना करै है कै मैं अब्बा मै हौं और अब्बा मैंई मै है? जो बचन मैं तुमसै कैबौ हौं बौ अपनी ओर सै ना कैबौ हौं, पर अब्बा जो मैंई मै रैहबै है बौई अपने काम कराबै है।

यहून्‍ना 8:26

मैं तुमकै भौत सी बातौं मै दोसी ठैरा सकौ हौं। पर सच्‍चो बौई है जिसनै मैंकै भेजो है। जो मैं बासै सुनौ हौं बौई बात मैं दुनिया कै कैबौ हौं।”

यहून्‍ना 5:30

मैं खुद अपनी ओर सै कुछ ना कर सकौ हौं। जैसो परमेसर की ओर सै मैं सुनौ हौं, बैसोई नियाय करौं हौं और मेरो नियाय सच्‍चो है, कैसेकै मैं अपनी ना, पर अपने भेजनै बारे की इच्‍छा चाँहबौ हौं।

यहून्‍ना 17:8

कैसेकै बे बचन जो तैनै मैंकै दए, मैंनै उन तक पौंचा दए। उनौनै बचनौ कै अपनाओ और सच जान लओ है कै मैं तेसै लिकरो हौं, और उनौनै बिसवास करो कै तैनैई मैं भेजो हौं।

यहून्‍ना 14:31

पर इसताँई कै दुनिया जान ले कै मैं अब्बा सै पियार करौ हौं और जिस तरै अब्बा नै मैंकै आगियाँ दई है, मैं बैसोई बाकै करौ हौं। ‘उठौ, हिंया सै चलौ।’ ”

यहून्‍ना 15:15

अब सै मैं तुमकै गुलाम ना कैंगो, कैसेकै गुलाम ना जानै है कै बाको मालिक का करै है, पर मैंनै तुमकै दोस्त कैई है, कैसेकै बे सब बात जो मैंनै अपने अब्बा सै सुनी हैं तुमकै बता दंई हैं।

यहून्‍ना 8:42

ईसु नै उनसै कैई, “अगर परमेसर तुमरो अब्बा होतो, तौ तुम मैंसै पियार करते, कैसेकै मैं परमेसर सै लिकरकै आओ हौं और अब मैं हिंया हौं। मैं अपनी मरजी सै ना आओ, पर बाई नै मैंकै भेजो है।

यहून्‍ना 3:32

जो कुछ बानै देखो और सुनो है, बाई की गभाई देवै है, पर कोई बाकी गभाई ना मानै है।

यहून्‍ना 3:11

मैं तुमसै सच-सच कैरओ हौं, हम जो जानै हैं बौ कैबै हैं, और जो हमनै देखो है बाकी गभाई देवै हैं, और तुम हमरी गभाई ना मानौ हौ।

परकासन 1:1

जौ ईसु मसी को परकासन है, जौ बाकै परमेसर नै इसताँई दओ कै अपने सेवकौ कै बे बात दिखाऐ, जो जल्दी होनै बारी हैं, ईसु मसी नै अपने सुरगदूत कै भेजकै जा परकासन को गियान अपने सेवक यहून्‍ना कै बताओ,

यहून्‍ना 5:19

ईसु नै उनसै कैई, “मैं तुमसै सच-सच कैरओ हौं, लौंड़ा खुद सै कुछ ना कर सकै है, बौ सिरप बौई करै है जो अब्बा कै करतो देखै है, कैसेकै अब्बा जो कुछ करै है लौंड़ा बी बैसोई करै है।

यहून्‍ना 6:68

समौन पतरस नै बाकै जबाब दओ, “परभु, हम किसके धौंरे जाँय? हमेसा की जिन्‍दगी के बचन तौ तेरे धौंरे हैं।

यहून्‍ना 7:16

तब ईसु नै जबाब देते भए कैई, “मेरो उपदेस मेरो ना, पर बाको है जिसनै मैं भेजो हौं।

यहून्‍ना 8:28

फिर ईसु नै उनसै कैई, “जब तुम आदमी के लौंड़ा कै ऊँचे मै चढ़ाऔगे तौ तुम जानौगे कै बौ मैं हौं। मैं अपनी ओर सै कुछ ना करौ हौं, पर मैं जो कुछ कैरओ हौं, बैसेई कैबौ हौं जैसे मैंकै अब्बा नै सिकाओ है।

यहून्‍ना 14:24

जो मैंसै पियार ना करै है, बौ मेरे बचनौ कै ना मानै है, और जो बचन तुम सुनौ हौ बौ मेरो ना, पर अब्बा को है जिसनै मैं भेजो हौं।