यहून्‍ना 11:32 - बुक्सा

³² जब मरियम बहाँ पौंची जहाँ ईसु हो, तौ बाकै देखतेई बाके पाँऐऔं मै गिर पड़ी और कैललगी, “परभु अगर तू हिंया होतो तौ मेरो भईया ना मरतो।”

यहून्‍ना 11:32 Mawu Ofanana

लूका 17:16

और ईसु के पाँएऔं मै मौह के बल गिरकै, ईसु को धन्‍नबाद करल लगो; बौ तौ सामरी मुलक को आदमी हो।

लूका 5:8

जौ देखकै समौन पतरस ईसु के पाँऐऔं मै गिर गओ, और कैई “हे परभु, मेरे धौंरे सै चलो जा, मैं तौ पापी आदमी हौं।”

लूका 8:41

और देखौ, याईर नाम को एक आदमी जो पिराथना घर को मुखिया हो, आओ, और ईसु के पाँऐऔं मै गिरकै उस्सै बिनती करल लगो, कै मेरे घर चल।

यहून्‍ना 11:2

मरियम बौई बईयर ही जिसनै परभु ईसु के ऊपर मैहंगो ईत्‍तर डारो हो और अपने खोपड़ी के बारौ सै बाके पाँऐऔं कै पछौनो हो, बाई को भईया लाजर बेमार हो।

यहून्‍ना 11:21

मारथा नै ईसु सै कैई, “परभु, अगर तू हिंया होतो तौ मेरो भईया ना मरतो।

यहून्‍ना 11:37

पर उनमै सै कुछ लोगौ नै कैई, “जिसनै अन्धा की आँख ठीक करीं का जौ लाजर कै मरनै सै ना बचा सकै हो?”

यहून्‍ना 4:49

राजा के अधकारी नै ईसु सै कैई, “परभु, मेरे बालक के मरनै सै पैले चल।”

परकासन 22:8

मैं यहून्‍ना हौं, मैंनै जे बात सुनी और देखी हैं। जब मैं इनकै देख और सुन चुको, तौ जिस सुरगदूत नै मैंकै इन बातौं कै दिखाऔ हो, मैं उसकी आराधना कन्‍नै के ताँई उसके पाँऐऔं मै गिर पड़ो।

परकासन 5:14

और चारौ पिरानिऔ नै कैई, “ऐंसोई होए!” और बुजरगौं नै मौह के बल गिरकै आराधना करी।

परकासन 5:8

जब उसनै किताब ले लई, तौ बे चारौ पिरानी और चौबीसौं बुजरग उस मैमना के सामने गिर पड़े। उनमै सै हर एक के हात मै बींड़ा हो और धूपबत्‍ती सै भरे भए सौने के कटोरा हे, जो पबित्‍तर लोगौ की पिराथना है।