यहून्‍ना 11:25 - बुक्सा

²⁵ ईसु नै बासै कैई, “फिर सै जिन्‍दो कन्‍नै बारो और जिन्‍दगी मैंई हौं, जो मेरे ऊपर बिसवास करै है, अगर बौ मर बी जाय फिर बी बौ जिन्‍दो रैहगो,

यहून्‍ना 11:25 Mawu Ofanana

लूका 23:43

ईसु नै उस्सै कैई, “मैं तेसै सच कैरओ हौं, आजई तू मेरे संग सुरग लोक मै होगो।”

यहून्‍ना 1:4

उसमै जिन्‍दगी ही और बौ जिन्‍दगी आदमिऔ की जोती ही।

यहून्‍ना 14:19

थोड़ी देर बाद दुनिया मैंकै फिर ना देखैगी, पर तुम मैंकै देखौगे। मैं जिन्‍दो हौं, इसताँई तुम बी जिन्‍दे रैहओगे।

यहून्‍ना 14:6

ईसु नै बासै कैई, “रस्ता, सच्‍चाई और जिन्‍दगी मैंई हौं। बिना मेरे दुआरा कोई अब्बा के धौंरे ना जा सकै है।

यहून्‍ना 3:16

“कैसेकै परमेसर नै दुनिया सै ऐंसो पियार करो कै बानै अपनो इकलौतो लौंड़ा दे दओ, कै जो कोई उसमै बिसवास करै बौ नास ना होए, पर हमेसा की जिन्‍दगी पाय।

यहून्‍ना 3:36

जो लौंड़ा मै बिसवास करै है, हमेसा की जिन्‍दगी बाई की है, पर बौ जो लौंड़ा की ना मानै है बाकै जिन्‍दगी ना मिलैगी, और परमेसर को घुस्सा बाके ऊपर बनो रैहगो।

यहून्‍ना 5:21

जैसे अब्बा मरे भएऔं कै जिन्‍दो करकै जिन्‍दगी देवै है, बैसेई लौंड़ा बी जिनकै चाँहबै है उनकै जिन्‍दगी देवै है।

यहून्‍ना 5:26

जिस तरै अब्बा अपने भीतर खुद जिन्‍दगी रखै है, बैसेई बानै लौंड़ा कै बी अपने भीतर खुद जिन्‍दगी रखनै कै देई।

यहून्‍ना 6:35

ईसु नै उनसै कैई, “जिन्‍दगी की रोटी मैं हौं, और जो मेरे धौंरे आवै है, बौ कबी भूँको ना होगो, और बौ जो मेरे ऊपर बिसवास करै है, बौ कबी पियासो ना होगो।

यहून्‍ना 6:44

जब तक अब्बा जिसनै मैं भेजो हौं बाकै खैंच ना ले, कोई बी मेरे धौंरे ना आ सकै है, और मैं बाकै आखरी दिन मै फिर जिन्‍दो करंगो।

चेलौ के काम 3:15

और लोगौ कै जिन्‍दगी की रस्ता दिखानै बारे कै तुमनै मार डारो, पर परमेसर नै मरे भएऔं मै सै बौ फिर सै जिन्‍दो करो है, और हम जा बात के गभा हैं।

रोमियो 4:17

पबित्‍तर सास्तर मै लिखो है, “मैंनै तेकै भौस्सी जातिऔं को अब्बा ठैराओ है।” उस परमेसर की नजरौ मै जिसके ऊपर इब्राहिम नै बिसवास करो हो, जो मरे भएऔं कै जिन्‍दो करै है और जो चीज हैई ना, बौ परमेसर के कैनै सैई बन जावै है।

रोमियो 8:2

कैसेकै आत्‍मा के नियम नै, जो ईसु मसी दुआरा जिन्‍दगी देवै है, मैंकै पाप के नियम और मौत सै आजाद करो है।

1 कुरन्‍थियों 15:18

अगर ऐंसी बात है तौ फिर बे लोग जो मसी मै बिसवास करते भए मर गए, बे बी नास भए।

1 कुरन्‍थियों 15:29

ना तौ जो लोग मरे भएऔं के ताँई जल संस्कार लेबै हैं, तौ उनौनै जल संस्कार काए लओ है? अगर मरे भए फिर सै जिन्‍दे होवैई ना हैं, तौ फिर बे उनके ताँई जल संस्कार काए लेबै हैं।

2 कुरन्‍थियों 4:14

कैसेकै हम जौ जानै हैं कै, जिसनै परभु ईसु कै जिन्‍दो करो है, बौई हमकै ईसु मै फिर सै जिन्‍दो करैगो, और तुमरे संग हमकै बी अपने सामने खड़ो करैगो।

फिलिप्‍पीऔ 1:23

मैं इन दौनौ बातौं के बीच मै लटको हौं, और मन करै है कै, मैं अपनी जिन्‍दगी सै बिदा होकै मसी के संग रैहऔं कैसेकै जौ सबसै अच्‍छो है।

फिलिप्‍पीऔ 3:10

और मैं मसी कै जान्‍नो चाँहौ हौं और बा सकति कै बी जिस्सै बौ फिर सै जिन्‍दो भओ हो; मैं बाके दुखौं को हिस्सेदार होनो चाँहौ हौं, और बाकी मौत के बारे मै बाके हाँई बनौ।

1 थिसलुनीकियौ 4:14

अगर हम जौ बिसवास करै हैं कै ईसु मर गओ और फिर सै जिन्‍दो हो गओ है, तौ जो ईसु मै बिसवास करते भए मरे हैं उनकै परमेसर ईसु के संग बैसेई फिर सै बापस लेकै आगो।

परकासन 1:18

मैं जिन्‍दो हौं, मैं मर गओ हो, और अब देख मैं युगौं युग जिन्‍दो हौं। मौत और अधलोक की कूंची मेरेई धौंरे हैं।

परकासन 20:5

जौ तौ पैलो जी उठनो है। और जब तक जे हजार बरस पूरे ना भए तब तक बाकी के मरे भए लोग जिन्‍दे ना भए।

परकासन 21:4

और बौ उनकी आँखौ सै सब असुआ पछौन डारैगो। फिर ना कोई मौत होगी, ना कोई दुख के कारन रोनो और नाई कोई दरद, कैसेकै जे सब पुरानी बात अब खतम हो चुकी हैं।”

परकासन 22:1

फिर उस सुरगदूत नै मैंकै जिन्‍दगी के जल की नद्‍दी दिखाई, जो काँच के जैसे चमक रई ही, जो परमेसर और मैमना के सिंगासन सै बैह रई ही।

परकासन 22:17

आत्‍मा और दुलहैन दौनौ कैबै हैं, “आ!” और सुन्‍नै बारो बी कैए, कै “आ!” और जो पियासो होए, बौ आए और जो कोई चाँहै बौ जिन्‍दगी को जल मुफत मै पी ले।