यहून्‍ना 11:2 - बुक्सा

² मरियम बौई बईयर ही जिसनै परभु ईसु के ऊपर मैहंगो ईत्‍तर डारो हो और अपने खोपड़ी के बारौ सै बाके पाँऐऔं कै पछौनो हो, बाई को भईया लाजर बेमार हो।

यहून्‍ना 11:2 Mawu Ofanana

मरकुस 14:3

जब ईसु बैतनिया गाम मै समौन कोढ़ी के घर रोटी खानै बैठो हो, तबई एक बईयर संगमरमर की सीसी मै भौत मैहंगो ईत्‍तर लेकै आई, उसनै बौ सीसी की सील तोड़ी और ईत्‍तर ईसु के खोपड़ी मै डार दओ।

लूका 7:13

बाकी अईया कै देखकै परभु कै बड़ो तरस आओ, और उसनै कैई, “मत रो।”

लूका 7:19

तब यहून्‍ना नै अपने चेलौ मै सै दो कै बुलाकै परभु के धौंरे जौ पूँछनै के ताँई भेजो, कै “का आनै बारो मसी तूई है, या हम किसी और दूसरे को पैंड़ो देखैं?”

यहून्‍ना 11:21

मारथा नै ईसु सै कैई, “परभु, अगर तू हिंया होतो तौ मेरो भईया ना मरतो।

यहून्‍ना 11:3

इसताँई बाकी बहनौ नै ईसु कै जौ सन्‍देसो भेजो, “परभु देख, जिस्सै तू पियार करै है बौ बेमार है।”

यहून्‍ना 11:32

जब मरियम बहाँ पौंची जहाँ ईसु हो, तौ बाकै देखतेई बाके पाँऐऔं मै गिर पड़ी और कैललगी, “परभु अगर तू हिंया होतो तौ मेरो भईया ना मरतो।”

यहून्‍ना 12:3

तब मरियम नै जटामाँसी पौधा सै बनाओ भओ, पाऔ भर कीमती मैहंगो ईत्‍तर लेकै ईसु के पाँऐऔं मै डारो, और अपने बारौ सै बाके पाँऐ पछौने, और ईत्‍तर सै घर मै खसबोई फैल गई।

यहून्‍ना 13:13

तुम मैंकै गुरू और परभु कैबौ हौ। तुम ठीकई कैबौ हौ, कैसेकै मैं बौई हौं।

यहून्‍ना 13:14

अगर मैंनै परभु और गुरू होकै बी तुमरे पाँऐ धोए, तौ तुमकै बी एक दूसरे के पाँऐऔं कै धोनो चँईऐ।