26 पर तुम बिसवास ना करौ हौ कैसेकै तुम मेरी भेड़ौ मै सै ना हौ।
मेरी भेड़ मेरी अबाज सुनै हैं और मैं उनकै जानो हौं, और बे मेरे पीछे-पीछे चलै हैं।
जब बौ अपनी सब भेड़ौ कै बाहार लिकार लेबै है तौ उनके अग्गे-अग्गे चलै है, और भेड़ बाके पिच्छे पिच्छे हो लेबै हैं कैसेकै बे बाकी अबाज पैचानै हैं।
जो कुछ अब्बा मैंकै देवै है, बौ सब मेरे धौंरे आगो, और जो कोई बी मेरे धौंरे आगो बाकै कबी ना लिकारंगो।
और ईसु नै कैई, “इसताँई मैंनै तुमसै कैई ही कै कोई मेरे धौंरे ना आ सकै है, जब तक अब्बा बाकै ना भेजै है।”
बौ जो परमेसर को है, परमेसर की बात मानै है, तुम लोग परमेसर की ओर सै ना हौ इसई बजै सै तुम बाकी ना सुनौ हौ।”
मगर हम परमेसर की ओर सै हैं इसताँई जो परमेसर कै जानै है, बौ हमरी सुनै है। मगर जो परमेसर की ओर सै ना है, बौ हमरी ना सुनै है। इस तरै सै हम सच्चाई की आत्मा कै और लोगौ कै भटकानै बारी आत्मा कै पैचान सकै हैं।
