यहून्‍ना 10:16 - बुक्सा

¹⁶ मेरी और बी भेड़ हैं, जो इस बाडे़ की ना हैं। मैंकै उनकै बी लानो जरूरी है, और बे मेरी अबाज सुनंगी, तब उनको एकई झुन्ड और एकई गरड़ीआ होगो।

यहून्‍ना 10:16 Mawu Ofanana

मत्‍ती 17:5

पतरस अबी बात करई रओ हो कै एक चमकते भए बादर नै आकै बे ढक लए और बादर सै आकासवानी भई, “जौ मेरो पियारो लौंड़ा है, जिस्सै मैं भौत खुस हौं। जाकी सुनौ!”

लूका 15:8

“या सोचौ कोई बईयर है जिसके धौंरे दस चाँदी के रुपिया हैं और उसको एक रुपिया खो जावै है तौ का बौ दिया पजारकै घर मै तब तक झाड़ा झूड़ी और निगाह मारकै ढूंड़ती ना रैहगी जब तक कै बौ उसकै मिल ना जाय?

यहून्‍ना 10:11

“अच्‍छो गरड़ीआ मैं हौं, अच्‍छो गरड़ीआ भेड़ौ के ताँई अपनी जान देवै है।

यहून्‍ना 10:2

पर जो मौहड़े सै भीतर जावै है, बौ भेड़ौ कै चुंगानै बारो है।

यहून्‍ना 10:27

मेरी भेड़ मेरी अबाज सुनै हैं और मैं उनकै जानो हौं, और बे मेरे पीछे-पीछे चलै हैं।

यहून्‍ना 10:3

चौकीदार बाके ताँई मौहड़ो खोलै है, और भेड़ बाकी अबाज पैचानै हैं, और बौ अपनी भेड़ौ को नाम ले-लेकै बुलाबै है और उनकै बाहार ले जावै है।

यहून्‍ना 10:4

जब बौ अपनी सब भेड़ौ कै बाहार लिकार लेबै है तौ उनके अग्गे-अग्गे चलै है, और भेड़ बाके पिच्‍छे पिच्‍छे हो लेबै हैं कैसेकै बे बाकी अबाज पैचानै हैं।

यहून्‍ना 10:5

और बे किसी दूसरे के पिच्‍छे कबी ना जांगी, पर बासै भाजंगी, कैसेकै बे दूसरौं की अबाज ना पैचानै हैं।”

यहून्‍ना 11:52

और ना सिरप लोगौ के ताँई, पर जा ताँई बी कै परमेसर की बिखरी भई औलादौं कै एक कर दे।

यहून्‍ना 17:20

मैं सिरप इनौई के ताँई पिराथना ना करौं हौं, पर उनके ताँई बी जो इनौके बचनौ के दुआरा मेरे ऊपर बिसवास करंगे,

यहून्‍ना 6:37

जो कुछ अब्बा मैंकै देवै है, बौ सब मेरे धौंरे आगो, और जो कोई बी मेरे धौंरे आगो बाकै कबी ना लिकारंगो।

चेलौ के काम 15:14

समौन नै बताई ही कै परमेसर नै सुरू सैई गैर यहूदी लोगौ कै अपने नाम के ताँई छाँटकै उनके ऊपर पियार दिखाओ।

चेलौ के काम 18:10

मैं तेरे संग हौं, और कोई बी तेरे संग लड़ाई करकै तेकै नुकसान ना पौंचा सकै है कैसेकै जा सैहर मै मेरे भौस्से बिसवासी लोग हैं।”

चेलौ के काम 22:14

“तबई बानै मैंसै कैई कै, ‘हमरे बापदादौं के परमेसर नै तेकै इसताँई छाँटो है कै तू बाकी इच्‍छा जानै और बा धरमी कै देखै और बाकी बात सुनै।

रोमियो 11:25

हे भईयौ, कहीं ऐंसो ना हो जाऐ, कै तुम अपने आपकै होसिआर समजल लगौ, इसताँई मैं ना चाँहौ हौं कै तुम इस राज सै अनजान रैहऔ, कै जब तक गैर यहूदी लोग पूरी तरै सै परमेसर के टब्बर के हिस्सा ना बन जावै हैं तब तक ईसराइली लोग ऐंसेई कठोर रैहंगे।

2 थिसलुनीकियौ 2:13

ओ भईयौ और बहनौ, और परभु के पियारे लोगौ हम हमेसा तुमरे बारे मै परमेसर कै धन्‍नबाद देवै हैं, कैसेकै परमेसर नै सुरू सैई तुमकै चुन लओ हो कै तुम परमेसर की आत्‍मा की सकति के दुआरा पबित्‍तर बनकै और सच्‍चाई मै बिसवास करकै मुक्‍ति पाऔ।

इबरानिओ 13:20

अब सान्‍ति दैनै बारे परमेसर जिसनै हमरे परभु ईसु कै जो भेड़ौ को अच्‍छो गड़रिया है, बाकै हमेसा के करारनामे के खून के दुआरा मरे भएऔं मै सै जिन्‍दो करो है

1 पतरस 2:10

एक बखत ऐंसो हो कै तुम परमेसर के लोग ना हे पर अब बाके लोग हौ, पैले तुमरे ऊपर दया ना ही, पर अब परमेसर की दया भई है।

1 पतरस 2:25

कैसेकै तुम लोग पैले भेड़ौ के हाँई भटक गए हे, मगर अब तुम अच्‍छे गड़रिया और आत्‍माऔ की रखबारी कन्‍नै बारे के धौंरे बापस लौहट आए हौ।

1 पतरस 5:4

और जब रखबारी कन्‍नै बारो बड़ो गड़रिया परकट होगो तौ तबई तुमकै महिमा को मुकट देओ जागो। जिसकी चमक कबी कम ना होवै है।

परकासन 3:20

देख मैं मौहड़े मै खड़ो भओ खटखटा रओ हौं, अगर कोई मेरी अबाज सुनकै किबाड़ खोलैगो, तौ मैं बाके धौंरे भीतर आकै बाके संग खानो खांगो और बौ मेरे संग खानो खागो।