याकूब 5:6 - बुक्सा

⁶ तुमनै धरमी आदमी कै दोसी ठैराकै मार डारो; पर बानै तुमरे खिलाप कुछ काम ना करो।

याकूब 5:6 Mawu Ofanana

मत्‍ती 21:38

पर उन किसानौ नै उसको लौंड़ा देखो तौ बे आपस मै कैललगे, ‘जौ तौ उसको बारिस है, आऔ इसकै मार डारैं और इसकी बिरासत मै कबजा कर लैं।’

मत्‍ती 27:20

पर मुक्‍ख पुजारिऔं और बुजरग यहूदी नेताऔं नै भीड़ कै बहकाओ, फुसलाओ कै बौ पीलातुस सै बरअब्बा कै छोड़नै की और ईसु कै मरवा डान्‍नै की माँग करैं।

मत्‍ती 5:39

पर मैं तुमसै कैरओ हौं, कै बुरे को सामनो ना करिओ, पर जो कोई तेरे खाने गाल मै चाँट मारै, उसकी ओर दूसरो बी फेर दे।

चेलौ के काम 22:14

“तबई बानै मैंसै कैई कै, ‘हमरे बापदादौं के परमेसर नै तेकै इसताँई छाँटो है कै तू बाकी इच्‍छा जानै और बा धरमी कै देखै और बाकी बात सुनै।

चेलौ के काम 7:52

का ऐंसो कोई बी नबी बचो है जिनकै तुमरे बापदादौं नै सताओ ना होए? और उनौनैई उनकै बी मार डारो जिनौनै भौत पैलेई बा धरमी के आनै की खबर दई ही, बाई धरमी कै अब तुमनै धोको देकै पकड़बाओ और मरवा दओ।

चेलौ के काम 8:32

पबित्‍तर सास्तर की किताब को जो अध्‍याय बौ पढ़ रओ हो बौ ऐंसो हो, “बाकै बलि होनै बारी भेड़ के हाँई लेजाओ जा रओ है, और जैसे मैमना अपने ऊन कतरनै बारौ के सामने चुप रैहबै है, बैसेई बानै अपने मौह सै एक अबाज बी ना लिकारी।

इबरानिओ 10:38

मेरे धरमी लोग बिसवास सै जिन्‍दे रैहंगे, पर अगर बे पिच्‍छे हट जांऐ, तौ मैं उनसै खुस ना हौंगो।”

याकूब 2:6

पर तुमनै बा गरीब आदमी की बेजती करी है। का सेट आदमी तुमरे ऊपर जुलम ना करै है और का बे तुमकै अदालतौं मै ना ले जावै हैं?

याकूब 4:2

तुम जब किसी चीज कै पानै के ताँई इच्‍छा करौ हौ, और जब बौ तुमकै ना मिल पावै है, तौ तुम खून करौ हौ। और जिस चीज के ताँई जरन रक्‍खौ हौ, पर बौ तुमकै ना मिल पावै है, तौ इसताँई तुम लड़ाई और बैहसबाजी करौ हौ। तुम माँगौ ना हौ, इसताँई तुमकै कुछ ना मिलै है।

1 पतरस 4:18

और अगर धरमी आदमी मुसकल सै मुक्‍ति पागो, तौ पापी लोगौ को और जो परमेसर कै ना मानै हैं उनको का होगो?